Jaceuq 51:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nawq-euq kakhof-eu jeq-euq laqkhaq caer-eu jeq, ngaq-anr par bifkhof naeqlaf-awr, Nawq-euq nuijer jer-eu Saflar nae ngaq-anr cawba naeqlaf.

Akha

¹² Nawˬ-euˬ ka kʼoꞈ-eu guiˬ lahˬ yaw dzahˇ laꞈ kʼoeˇ doˆ le-euˬ laˬ kʼaˬ cehˇ-eu jeˬ ngaˬ-ahˇ biꞈ nehˬ laꞈ-awˇ, nawˬ-euˬ ehˇ dawˬ naˇ haˬ nya ni ngaˬ-ahˇ caw ba nehˬ laꞈ.

Jaceuq 51:12 Referans Kwoze

Jaceuq 13:5

Aerkhawf, ngar, nawq-euq ghawqshaq gaq-eu jeq-anr ghoeluf ma. Ngaq-euq nuima, nawq-euq kakhof-eu jeq-anr laqkhaq yacaer taef-a.

Yuˇdaˆ 1:24

Nawmaf sanqtif maqya tifni, Miqyaer, nawmaf-anr bosav nya-eu mae. Nawmaf iqbax taqkhar maqza-eu tsawrhaq lof-aer laqkhaq caertavni, Aqyawf-euq yawshaef khanqsaer byan-eu maeqshi yajawrni, Aqyawf sheuqkeuv naeqlaf luf-ur.

2 Gawˇliˬtu 3:17

Sanqpaq Miqyaer-aq, muiq-eu Saflar pyeuf-eu mae. Sanqpaq Miqyaer-euq Saflar aqgeugar jawr-eu ngeur nar-aq, khoergar buq-ir-eu jeq jav-eu mae.

Luˇkaꞈ 1:47

Ngaq-euq saflar, ngaq-anr Kakhof-eu ghaq Miqyaer baqda’nae laqkhaqcaer nya.

Jaceuq 35:9

Khoerngae, ngaq-euq nuima saflar, Ya’we Miqyaer-euq lafkhoer laqkhaq yacaer-awr; Aqyawf-euq kakhof-eu jeq-euq lafkhoer caergha taef-a.

Jaceuq 119:133

Ngaq-euq kuirtof-anr, nawq-euq dawq nae lavzif naeqlaf-awr, Yawlaeq yawca jeq aqgeu jeq nae maqkaq ngaq-anr taqbi ghaqlar naeqlaf.

1 Beˬtuˆluˆ 1:5

Arsaq saqlar ngae, nawmaf-euq gharduq laeqhmq taq-euq, kakhof-eu jeq byacaevni panmaeq naeqlaf-awr, nawmaf kharjan-eu deuq-anr Miqyaer, aqyawf-euq baoq nae bosav luf-eu mae.

Lormav 8:15

Nawmaf parya guvni zaqkhav-euq saflar zataq-euq maqngeur-a. Nawmaf-aq, zaq sheuqcu-eu, muiq-eu Saflar zataq-euq mae. Khoermirnae, aqdui “Aqba, Aqda-or” laer kur-eu ma.

Lormav 14:4

Aqcawq-euq kuirlaf zaqkhav-anr yarkhaqdar paq-aer nawr aqsur ghaq le? Aqyawf yawfzif nya-eu hawr-eu coq-ir-eu khoer-aq, aqyawf-euq yawsanr ghaq navni jav-eu mae. Aqyawf yawfzifnya taef-a. Aqjeq mirnae aernar-aq, aqyawf yawfnya’ni Sanqpaq Miqyaer janrnya-eu mae.

Jaceuq 21:1

Ya’we Miqyaer-or! Nawq-euq ghaq-euq baqda’nae, sanqpaq laqkhaqcaer taef-a. Nawq-euq kakhof-eu jeq-euq lafkhoer, aqyawf yawkhav-aer lurgha caergha taef-a.

Jaceuq 19:13

Nawq-euq kuirlaf zaqkhav, maqyanrni iqbax mr-eu gar nae gheukhof naeqlaf-awr, Iqbax nae ngaq-anr taqbi uvlanr naeqlaf. Khoernar-aq, ngar aerkhar maqza-eu tsawrhaq pyeuf-awr, Huiq-eu yawbanq yawlaeq maqmr-eu tsawrhaq pyeuf taef-a.

Jaceuq 17:5

Ngaq-euq kuirtof, nawq-euq garma-anr zifdanni can-awr, Ngaq-euq aqkuir cirjur maqjur-ir haw-aq.

Jaceuq 24:4

Aqlaf shawr-awr nuima shawrjaevni ghae-eu tsawrhaq, Nuima saflar, tanqpanq aqma mawrkawr-anr maq ciqnaeq-aer, Maershuir shuir-eu laer maqkamq-eu tsawrhaq mae.