Jaceuq 51:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Miqyaer-or! Nawq-euq ghoer-awr gaq-eu jeq-euq baqda’nae, Ngaq-anr ghawqshaq gaqnaeq laf-awq. Nawq-euq myaq duidui-eu nanqyuni ghawqshaq gaq-eu jeq-euq baqda’nae, Ngaq-euq yawbanq yawlaeq sivdzaebyov naeqlaf-awq.

Akha

¹ Miˬyehˇ-oˇ, aˬ myah luꞈ maˬ tsehˆ leˇ ni gaˬ-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-ahˇ gʼawˬ shaˬ gaˬ nehˬ laꞈ-awˬ. Huiˬ dui dui-eu gʼawˬ shaˬ gaˬ nya-eu jeˬ baˬ da neh, ngaˬ-euˬ iˬ baˇ tsiˬ shawˇ nehˬ laꞈ-awˬ.

Jaceuq 51:1 Referans Kwoze

Gʼaˬkʼehˇ 3:19

Khoermirnae, noeqpov noeqpar-awr daefpov daefpar-awq. Khoerlof-aer janr nar-aq, Miqyaer, nawmaf-euq iqbax sivdzae naeqlaf-awr, Sanqpaq Miqyaer-euq maeqshi lavshuif-eu aryamq keuvle taef-a.

Jaceuq 51:9

Nawq-euq myavpyawq, ngaq-euq iqbax-anr nae awzaf-awr, Ngaq-euq yawlaeq yawca jeq dawqtawv luf-anr sivdzaejir naeqlaf-awq.

Gawˇlawˇsehˇ 2:14

Aqdui-anr muir-awr coeqlar-eu, aqlaf nae boftaq-euq zanrtaq khoftaq-anr sivbyov dzae-eu laer aqyawf yurdov ghae-awr, lafyaq-euq khoertav taftaeq-euq mae.

Jaceuq 69:16

Ya’we Miqyaer-or! Nawq-euq ghoer-awr gaq-eu jeq muiq-eu mirnae, Ngaq-anr narhaq naeqlaf-awq. Nawq-euq nanqyuni ghae-eu zawr-aer myaq-eu ghawqshaq gaq-eu jeq-euq baqda’nae, Ngar jawr-eu paw ciqpyawr lef-awq.

Jaceuq 106:45

Aqyawf, aqyawf maf-euq gharduq, aqyawf-euq dawqma sarjax-anr noeqkeuv-awr; Aqyawf-euq ghawqshaq gaq-eu jeq myaq duidui-eu baqda’nae, nuima ga’nanq le-euq mae.

Jaceuq 4:1

Ngaq-euq tsaq-awr dawr-eu Miqyaer-or! Ngar kur-eu gar narhaq naeqlaf-awq! Ngar guv-awr gav-eu jeq-anr ya’mawr ngae, nawr, ngaq-anr ngaeqghaedzeur naeqlaf-euq mae. Ngaq-anr ghawqshaq gaq-awr, ngaq-euq guiqlanq shardawq-anr narhaq naeqlaf-awq.

Jaceuq 119:124

Nawq-euq kuirlaf zaqkhav-anr, Nawq-euq ghawqshaq gaq-eu jeq-anr geuxni janrnaeq laf-awr, Nawq-euq zanrtaq khoftaq maeqnaeq laf-awq.

Jaceuq 109:21

Aerkhawf, Sanqpaq Miqyaer pyeuf-eu Ya’we Miqyaer-or! Nawq-euq tsawrmyanr-anr tsaqni, ngaq-anr janrnaeq laf-awq. Nawq-euq ghawqshaq gaq-eu jeq muiq-eu mirnae, ngaq-anr bibuq-ir naeqlaf-awq.

Jaceuq 40:11

Ya’we Miqyaer-or! Nawr nanqyuni ghawqshaq gaq-eu jeq, Ngaq-anr maqbi keuvle-aer taqghae naeqlaf. Nawr, ngaq-anr nawq-euq ghoer-awr gaq-eu jeq hawr-eu nawq-euq yawtsaq yawdawr nae, Ngaq-anr aqmyanluf hawpir naeqlaf-awq.

Jaceuq 5:7

Aerkhawf, ngar-aq, myaq duidui-eu, nawq-euq ghawqshaq gaq-eu jeq-euq baqda’nae, Ngar, nawq-euq nymr-euq lafkhoer urlar ma. Ngar, nawq-anr guv-eu lafkhoer, nawq-euq shawr-eu uqduq tanqnymr nymrma-euq maeqshi, awbyav-awr uqduqtanq ma.

Jaceuq 106:7

Irjirtuv-anr jawr ngae, nga’maf-euq aqpoeq aqbawr deuq, Nawq nae mr-euq zanqler paq-aer ghae-eu jeq-anr maq ghovshaw nya-aq. Aqyawfmaf, myaq duidui-eu nawq-euq ghawqshaq gaq-eu jeq-anr maq noeqmawrni, Iqmalavshav-euq lawrdzer, Irner iqmalavshav-anr nawq-anr puiq-euq mae.

Jaceuq 69:13

Aerkhawf, Ya’we Miqyaer-or! Aryamq tsaq ngae, Ngar, nawq-anr guiqlanq shar-eu ma. Miqyaer-or! Nawr ghawqshaq gaq-eu jeq myaq duidui-eu lafkhoer, Nawq-euq kakhof-eu jeq-euq yawtsaq yawdawr-euq lafkhoer, Ngaq-anr narhaq naeqlaf-awq.

Jaceuq 145:9

Ya’we Miqyaer-aq, yawqghaq navluf-anr muiq-awr; Aqyawf-euq lafzar-euq khoertav, nanqyuni ghawqshaq gaq-eu mae.

Jaceuq 77:9

Miqyaer, guiqlanq yawdzanr bif-eu jeq-anr ngaershaw-euq la laq? Aqyawf nuima paer-awr nanqyuni ghawqshaq gaq-eu jeq piqtaeq-aq lor? Sela.