Jaceuq 50:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Gardzaq garkawv keuvle ngae nan, ngaq-anr kur-awq. Ngar, nawq-anr bibuq-ir-awr, nawr, ngaq-anr jaceuq taef-a.”

Akha

¹⁵ Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 50:15 Referans Kwoze

Jaceuq 107:28

Aqyawfmaf gardzaq garkawv jav-awr, Ya’we Miqyaer-anr gurgaq ngae; Aqyawf, aqyawf maf-anr shaqzanq naf-eu gar nae bibuq-ir-euq mae.

Jaceuq 91:15

Aqyawf, ngaq-anr kur ngae, Ngar, aqyawf-anr ngaeqkhofnaeq ma. Aqyawf-anr gardzaq garkawv keuvle ngae, Ngar, aqyawf naeq-aer jawr ma. Ngar, aqyawf-anr bibuq-ir-awr taqhuiq taqmanrnaeq ma.

Jaceuq 107:19

Aqyawfmaf gardzaq garkawv jav-awr, Ya’we Miqyaer-anr gurgaq ngae; Aqyawf, aqyawf maf-anr shaqzanq naf-eu gar nae bibuq-ir-euq mae.

Jaceuq 81:7

Nawr, gardzaq garkawv-euq lafkhoer kur ngae, Ngar, nawq-anr bibuq-ir-euq ma. Ngar, zaftaq-euq jawrduq mqjeq-euq lafkhoer nae, Nawq-anr ngaeqkhof-euq ma. Ngar, nawq-anr Maqlirbaq lawrgawv-euq dawqpae tsermr haw-euq ma. Sela.

Yaˬkoˆ 5:13

Nawmaf-euq lafkhoer, tiqghaqnav shaq-awr zanq-eu jeq-anr daqluf nar-aq, aqyawf guiqlanq shar-eu tsaq mae. Tiqghaqnav laqkhaq caer-eu ngeur nar-aq, aqyawf, Miqyaer-anr jaceuq-eu cardawq car-eu tsaq mae.

Luˇkaꞈ 22:44

Yeqsur shaqzanq mr duidui-eu mirnae, yawbae navmaqtser, yawshaq-anr teufler-awr guiqlanq parshar-euq mae. Aqyawf-euq kuqpyur, shiq lof-aer pyeuf-ir-awr, mirtsa dzavka luf-eu mae.

Gʼaˬkʼehˇ 16:25

Aerkhawf, saerghanr caelar ngae, Pawrluv hawr-eu Siqlav guiqlanq shar-awr, Miqyaer-anr jaceuq-eu cardawq carcar-aer jaceuq luf-eu mae. Kuv-anr ur-eu deuq khawf narhaq luf-eu mae.

Maꞈtehˬ 5:16

Khoerlof-aer durni, nawmaf-euq yawshaef khawf aqcawq-euq maeqshi bibya-awq. Khoerlof-aer mr nar-aq, aqcawq, nawmaf mr-eu yawmuiq jeq-anr ya’mawr ngae, mq-euq khoertav jawr-eu nawmaf-euq Aqda-anr jaceuq taef-a.

Yoˇhaˬ 15:8

Nawmaf arsiq ghawqmya’ni siqle-eu baqda’nae, ngaqDa yawshaef khanqsaer za-awr, nawmaf khawf ngaq-euq zaqlanr pyeuflar taef-a.

Jaceuq 77:2

Ngaq-anr gardzaq garkawv keuvle-eu arnan-anr, Ngar, Sanqpaq Miqyaer-anr pov-euq ma. Ngar, uqcif paw maq naqlerni, ngaq-euq aqlaf cawqdir-euq khawf, Ngaq-euq nuima saflar maqmuiq maq sarlar nya-a.

Jaceuq 22:23

Ya’we Miqyaer-anr guv-eu deuq, nawmaf, aqyawf-anr jaceuq-awq! Yaqkov-euq aryoeq dawqtawvluf, nawmaf, aqyawf-anr ciqhuiq ciqmanr-awq. Irsaqleqlav-euq aryoeq dawqtawvluf, nawmaf, aqyawf-anr guv-awq.

1 Beˬtuˆluˆ 4:14

Kali-euq tsawrmyanr baqda’nae, aqcawq, nawmaf-anr yaeqbawq-aer aerlar nar-aq, nawmaf guiqlanqhuiq taef-a. Aqjeq mirnae aernar-aq, yawshaef khanqsaer hawr-eu Miqyaer-euq Saflar, nawmaf-euq khoertav jawrluf-eu mae.

Jaceuq 50:23

Jaceuq-eu jeq kharlawr-eu ghaq-aq, Ngaq-anr ciqhuiq ciqmanr-eu mae; Yawqha yawmuiq-aer daefni laeqhmq-awr daeftsaq daeftsanr-eu tsawrhaq-anr, Miqyaer-euq kakhof-eu jeq-anr ngar bimawr ma.”

1 Beˬtuˆluˆ 4:11

Tiqghaqnav dawqngaeq ngaeq-eu ngeur nar-aq, Miqyaer-euq dawq ngaeq-eu lof-aer bingaeq-awq. Tiqghaqnav, aqcawq-anr cawba-eu gar mr-eu ngeur nar-aq, Miqyaer nae bi mrnya-euq lof-aer mr-awq. Khoerlof-aer mr nar-aq, yawqjeq navluf-euq lafkhoer Yeqsur Kali-euq baqda’nae, Miqyaer-euq yawshaef khanqsaer dovlar taef-a. Yawshaef khanqsaer hawr-eu uvlanr-eu baoq dawqtawvluf, arsaq saq-eu maqbawni aqyawf-euq mae. Aqmeq.

Jaceuq 4:2

Tsawrhaq-euq zaqdeuq-or! Nawmaf aqmyan keuvni, ngaq-euq khanqsaer yur-awr, daqga-eu jeq lavpyeuf-eu laer ghae-eu le? Nawmaf, aqmyan keuvni gardanr maqtsoeq-eu jeq-anr gaq-awr, jaqmyawf-anr pov-eu laer le? Sela.

Jaceuq 34:5

Aqyawfmaf, aqyawf-anr haw ngae, yawshaef byalar-awr, Aqyawf maf-euq myavpyawq daq maqya ga-ar.

Jaceuq 34:7

Ya’we Miqyaer-euq mqtav ghaqkhaer, Miqyaer-anr guv-eu deuq-euq tiqjawq lofjawq taq-awr, Aqyawf maf-anr bibuq-ir-eu mae.

Jaceuq 77:3

Ngar, Miqyaer-anr noeqkeuv-awr manr-euq ma. Ngar dawqghofdov ngae, ngaq-euq saflar gabyaev ghae-euq mir-a. Sela.

Jaceuq 86:5

Aqjeq mirnae aernar-aq, Sanqpaq Miqyaer-or, Nawr-aq, yawmuiq mae. Nawq-anr kur-eu tsawrhaq dawqtawv luf-anr, Ghawqshaq gaq-eu jeq byan-awr, aqmyanluf iqbax pyaeq-eu mae.

Jaceuq 86:7

Nawr, ngaq-anr narhaq naeqlaf-eu mirnae, Ngar, gardzaq garkawv ya’mawr-eu arnan keuvle ngae, Nawq-anr kur ma.

Jaceuq 120:1

Ngar guv-awr gav-eu jeq-anr tanqpuq ngae, Ya’we Miqyaer-anr kur ma. Aqyawf, ngaq-anr narhaq naeqlaf-eu mae.