Jaceuq 5:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Miqyaer-or! Aqyawf maf-anr yawlaeq ngar-a laer yarkhaq dartsaev naeq-awr, Aqyawf maf-anr yawqha-euq maeqbawq-euq baqda’nae bicoq-ir-awq. Aqyawf maf-euq yawbanq yawlaeq myaq duidui-eu mirnae, aqyawf maf-anr taedzae naeq-awq. Aqjeq mirnae aernar-aq, aqyawfmaf, nawq-anr puiq-awr muir-euq mae.

Akha

¹⁰ Miˬyehˇ-oˇ nawˇaˬyawꞈmaꞈ-ahˇ, yaw kʼaˆ-ehˇ kʼehˬnehˬkʼaˆnehˬ-awˬ. Aˬyawꞈmaꞈ-euˬnui gʼoꞈkʼoeˇneh, aˬyawꞈmaꞈ-ahˇ bi laˆcawˆ-awˬ. Aˬ yawꞈ maꞈ iˬ baˇ mˇ myaˬ-awˇ, nawˬ-ahˇpuiˬ-euˬ kʼoeˇbaˬda neh, nawˬ-euˬmehˬshi teh dzeh nehˬ-awˬ.

Jaceuq 5:10 Referans Kwoze

1 Gawˇliˬtu 3:19

Aqjeq mirnae aernar-aq, mirtsaq-euq zaqsiq tsawrganr-aq, Miqyaer-euq maeqshi yawdzawq yawgan mae. Yaerbof aer-eu, “Miqyaer, tsawrganr anr-eu tsawrhaq-anr yawqha-euq tsawrganr lanrju-anr yawqha bi pafler-eu mae.” (Yb 5:13)

Jaceuq 71:13

Ngaq-euq daefzir-anr muir-eu deuq, Myavpyawq narmaer bicawv-ir-awr bi myeufanrjir luf-ur. Ngaq-anr lavtanq lavnar-eu laer pov-eu deuq, Dawqdoer bidaq-awr bi shafdawrsaef luf-ur.

Jaceuq 31:18

Nuima huiq-awr janrghae-eu lafkhoer, Tsaq-awr dawr-eu tsawrhaq-anr hawdoer-awr khanqsaer jaevjaev-aer, Jaqmyawf myawf-eu maeqluq deuq, ciqcur savni bipyeuf-ir-awq.

Jaceuq 55:15

Aqyawf maf-euq jawrduq-euq lafkhoer hawr-eu aqyawf maf-euq ghanrcae yawdoer jeq javluf-eu mirnae; Shir-eu jeq, aqyawf maf-anr taemi-awr, yawdaef-aer shiqbuir lanma-anr ga’anrghae luf-ur.

Jaceuq 35:26

Ngar narluf-eu gar laqkhaq caer-eu deuq, Daq biga-ir-awr yawbanq yawlanr-aer bipyeuf-ir law. Ngaq-anr janrghaehaw lar-eu deuq, Daqga-eu jeq hawr-eu shafdawr-eu jeq yadm luf-ur.

Jaceuq 107:11

Aqyawfmaf, gor duidui-eu ghaq-euq maeqbawq-anr hawdoer-awr, Miqyaer-euq dawq-anr puiq-euq mirnae, khoerlof-aer yadaq-euq mae.

Jaceuq 79:12

Sanqpaq Miqyaer-or! Nga’maf-euq dawqpae jawr-eu deuq-euq bawkhanr-anr keuvni, Nawq-anr ngaeqdoer-euq jeq yur-awr, Aqyawf maf-anr shif myav byan’ni janrkhof naeq-awq.

Jaceuq 66:7

Aqyawf, aqyawf-euq baoq-anr ghoe-awr mqmaq maqbyav yarzir uvlanr-eu lafkhoer; Aqyawf-euq myavnuiv, tsawrjeuq tsawrca deuq-anr hawluf-awr, Puiq-awr muir-eu deuq yawqhar yawqha taqbi ciqgor. Sela.

Jaceuq 17:13

Ya’we Miqyaer-or! Turlar-awq! Aqyawf-anr ciqdaq-awr, aqyawf-anr deuvghaq-awq! Tsawrcawv-anr nae ngaq-euq nuima saflar-anr, nawq-euq micaer nae bibuq-ir naeqlaf-awq.

Jaceuq 10:15

Tsawrdoer hawr-eu tsawrcawv-euq lafdu ngawqkhaef naeq-awq, Aqyawf-euq yawdoer tiqjeq-iq maqbi dzerlarni povdovjir naeq-awq.