Jaceuq 48:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-aq, huiq-awr manr-eu mae. Aqyawf-euq shawr-eu gawqjawq-euq khoertav jav-eu, Aqdui-euq Miqyaer-euq meuq-euq lafkhoer, aqyawf-anr yawkhav-aer jaceuq-eu tsaq mae.

Akha

¹ Sahˬpaˬ Miˬyehˇ-aˬ, huiˬ dui mahˇ dui dui-eu meh. Miˬyehˇ-euˬ meuˬ laꞈ kʼoeˇ, aˬ yawꞈ-euˬ muiˬ-eu shawˇ-eu gawˬ jawˬ kʼoeˇ taˆ, aˬ yawꞈ-ahˇ ja ceuˬ dui dui paˬ-ehˇ gʼeh-eu meh.

Jaceuq 48:1 Referans Kwoze

Jaceuq 96:4

Ya’we Miqyaer-aq, zawr huiq-eu mirnae, Yawkhav-aer jaceuq-eu tsaq mae. Aqyawf-anr miqyaer dawqtawvluf navmaqtser guv-eu tsaq mae.

Jaceuq 46:4

Gor duidui-eu ghaq-euq saeqghawv-euq yawshawr jawrduq-anr; Miqyaer-euq meuq laqkhaq bi caerlar-eu lawrgawv tiq gawv yoer-eu mae.

Jaceuq 145:3

Ya’we Miqyaer-aq, huiq-awr manr-eu mae; Aqyawf-anr yawkhav-aer jaceuq-eu tsaq mae; Aqyawf-euq yawhuiq yawmanr-anr maq povduq nya-a.

Panmaeq 21:2

Khoernar-aq, ngar, Miqyaer-anr nae shawr-eu meuq pyeuf-eu Yeqlursaqlaeq yawshuif, mq-euq khoertav nae oeka luf-eu gar ya’mawr-euq ma. Meuq heumeuq-aq, myawqgur geuf-awr laeqhmqdan taq-euq, yoshuif oekeuv-eu gar dawqluf-eu miqshuif-anr dur-eu mae.

Jaceuq 87:3

Miqyaer-euq meuq-or, Nawq-euq khanqsaer huiq-eu ghawqmya jeq-anr aqcawq ja-eu mae. Sela.

Panmaeq 19:5

Khoernar-aq, nuirmanq-anr nae tiq ghaq-euq tersar aer-eu, “Nawmaf, Miqyaer-euq kuirlaf zaqkhav pyeuf-awr, Miqyaer-anr yawzeu baw-eu, huiqzaq nyirzaq yawqghaq navluf, aqdui-euq Miqyaer-anr jaceuq-awq.”

Maꞈtehˬ 24:15

“Miqyaer gharduq ngaeqdan-eu Daqyeqlar nae aertaq-euq lof-aer, nawmaf, ‘Ardzaeq-aer jawf-awr lavcawvbyov jirnya-eu jeq’ yawshawr jawrduq-anr katur taq-euq gar ya’mawr ngae,” (Yaerbof heu-anr gui-eu tsawrhaq ghovshaw luf-ur).

Jaceuq 99:9

Aqdui-euq Miqyaer pyeuf-eu Ya’we Miqyaer-anr ciqpoeq ciqgor-awq. Aqyawf-anr aqyawf-euq shawr-eu gawqjawq-anr uqduq tanqler-awq. Aqjeq mirnae aernar-aq, aqdui-euq Miqyaer pyeuf-eu, Ya’we Miqyaer-aq yawshawr mae.

Jaceuq 87:1

Aqyawf-euq dawqpaeq duqpur-aq, Shawr-eu gawqjawq-euq lafkhoer jav-eu mae.

Jaceuq 86:10

Aqjeq mirnae aernar-aq, Nawr-aq, huiq-awr zanqler paq-aer ghae-eu jeq mrnya-eu mae. Nawr tiq ghaq taef-aer Miqyaer pyeuf-eu mae.

Jaceuq 78:68

Aerkhawf, Yurdav tsawrjeuq hawr-eu, Aqyawf zawr gaq-eu Ziroq gawqjawq-anr tser-euq mae.

Jaceuq 65:1

Miqyaer-or! Ziroq-euq lafkhoer jaceuq-eu jeq, nawq-anr dawqluf-eu mae; Kamqtaq-euq jeq, nawq-anr mrbyannaeq taef-a.

Jaceuq 47:8

Miqyaer-aq, aqyawf-euq shawr-eu nuirmanq-anr nuir-awr, Miqyaer-aq, tsawrjeuq tsawrca deuq-euq khoertav uvlanr luf-eu mae.

Jaceuq 46:1

Miqyaer-aq, aqdui-euq caevzafduq hawr-eu aqdui-euq ghaq pyeuf-awr, Gardzaq garkawv khar keuvle ngae, cawba naeqlaf-eu ghaq mae.

Jaceuq 2:6

“Ngaq-euq shawr-eu gawqjawq, Ziroq gawqjawq-euq khoertav, Ngar, ngaq-euq Sanqpaq tiq ghaq tsovtaq-euq ma.”

HeˬByehˇ 12:22

Aerkhawf, nawmaf-aq, Ziroq gawqjawq hawr-eu daefluf-eu Miqyaer-euq meuq-anr larkeuv-euq mae. Meuq heumeuq-aq, mqtav-euq Yeqlursaqlaeq pyeuf-awr, heugar maq guijir coerni myaq-eu mqtav ghaqkhaer deuq uiqlarduq pyeuf-eu mae.

Jaceuq 147:5

Aqdui-euq Sanqpaq Miqyaer-aq, huiq-awr manr-eu uqtaf, Baoq anr-awr ghaq khav-eu mae. Aqyawf-aq, yawdui maqbawni ghovshaw nya-eu mae.

Jaceuq 30:1

Ya’we Miqyaer-or! Nawr, ngaq-anr muir-eu deuq-anr ngaq-euq baqda’nae laqkhaq maqbi caer-aer; Nawr, ngaq-anr gheudov naeqlaf-euq mirnae; Ngar, nawq-anr ciqpoeq ciqgor ma.

Jaceuq 42:1

Khaqtsaev ircuf lawrgawv-anr nuikhanr jav-eu lof-aer, Miqyaer-or! Ngaq-euq nuima saflar khawf, nawq-anr nuikhanr jav-eu ma.