Jaceuq 47:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Miqyaer-aq, aqyawf-euq shawr-eu nuirmanq-anr nuir-awr, Miqyaer-aq, tsawrjeuq tsawrca deuq-euq khoertav uvlanr luf-eu mae.

Akha

⁸ Miˬyehˇ-aˬ, aˬ yawꞈ-euˬ muiˬ-eu shawˇ-eu nuiˇ mahˬ kʼoeˇ taˆ nuiˇ-awˇ, tsawˇ jeuˬ dawˬ tawˆ luꞈ kʼoeˇ taˆ uˆ lahˇ-eu meh.

Jaceuq 47:8 Referans Kwoze

Panmaeq 19:6

Khoeruqtaf, ngar, tsawrhaq armaf mafma-euq tersar lof-aer dur-awr, lawrgawv gawvma-euq tersar hawr-eu mqjeq yawkhav-aer jeq-eu tersar lof-aer khawf dur-eu tersar heulof-aer aer-eu gar yagaq-euq ma, “Haleluya! Baoq huiq duidui-eu Sanqpaq Miqyaer uvlanrluf mae.

HeˬByehˇ 4:16

Khoermirnae, aqdui nuima khaqduqni, guiqlanq yawdzanr-euq nuirmanq-euq maeqshi urler kar-eur. Khoergar, aqdui mawf ngae yamq-anr cawba’naeq nya-eu, ghawqshaq gaq-eu jeq za-awr, guiqlanq yawdzanr-anr ya’mawr taef-a.

Jaceuq 93:1

Ya’we Miqyaer uvlanrluf mae. Aqyawf-aq, yawbya jaqlaq dmluf-eu mae. Ya’we Miqyaer-aq, aqyawf-euq ghaq maeqtsoeq lof-aer dmdav-awr, Jofpaf paftaq-euq mae. Yawduq bawni, mqmir-aq, lavzif taq-euq mirnae maq lavluv nya-a.

Jaceuq 89:14

Tsaq-awr dawr-eu jeq hawr-eu dawr-awr tsaq-eu jeq-aq, Nawq-euq nuirmanq-euq dawqpaeq duqpur mae. Ghawqshaq gaq-eu jeq hawr-eu yawtsaq yawdawr-aq, Nawq-euq maeqshi canluf-eu mae.

Jaceuq 9:4

Aqjeq mirnae aernar-aq, nawr nuirmanq-euq khoertav nuir-awr nae, tsaq-awr dawr-eu lafkhoer yarkhaq darluf-awr, Ngaq-anr of-eu jeq hawr-eu ngaq-anr tsaq-eu jeq, nawr janrtsaq naeqlaf-euq mae.

Panmaeq 20:11

Khoerngae, ngar, pyurdeuqni ghae-eu nuirmanq manqma hawr-eu nuirmanq-anr nuirluf-eu ghaq-anr ya’mawr-euq ma. Mq hawr-eu mir, aqyawf-euq maeqshi nae caevdov ghae-awr, aqyawf maf-euq javduq javzar maqpar povmawr nya-eu mae.

Jaceuq 110:6

Aqyawf, tsawrjeuq tsawrca deuq-anr yarkhaq dar-awr; Aqyawf, guirdeuv deuvduq-anr tsawrhaq bi shirbyan-eu lafkhoer, Aqyawf, mirkhanq ghawqmya khanq-euq aqyuif deuq-anr nawqpyaevsaef taef-a.

Jaceuq 99:1

Ya’we Miqyaer uvlanrluf mae. Tsawrhaqzaq yawdzuq bidzuq-awq! Aqyawf, Jeqlurbeq-euq yawkaq-anr jawr-eu mae. Mirtsaq mirluv bi luvlar-awq!

Jaceuq 97:1

Ya’we Miqyaer uvlanrluf mae. Mirtsaq tanqkhawr laqkhaq caer-awq. Irjawlanr-anr jawr-eu tsawrhaq baqmaf deuq khawf, lurgha caergha-awq.

Jaceuq 96:10

Tsawrjeuq tsawrca deuq-euq ghanrcae heulof-aer aer-awq, “Ya’we Miqyaer uvlanrluf mae. Mirtsaq tanqkhawr khawf, maq jivlar paq-aer zifdanni lavzif taq-awr; Aqyawf, tsawrhaqzaq-anr tsaq-awr dawr-eu lafkhoer yarkhaqdar taef-a.”

Jaceuq 94:20

Zanrtaq khoftaq-anr ghoe-awr yawdoer jeq tov-eu, yawlaeq yawca jeq mr-eu nuirmanq, nawq naeq-aer gmlar nya-eu la laq?

Jaceuq 48:1

Ya’we Miqyaer-aq, huiq-awr manr-eu mae. Aqyawf-euq shawr-eu gawqjawq-euq khoertav jav-eu, Aqdui-euq Miqyaer-euq meuq-euq lafkhoer, aqyawf-anr yawkhav-aer jaceuq-eu tsaq mae.

Jaceuq 99:2

Ziroq-euq lafkhoer, Ya’we Miqyaer zawr huiq-eu mae. Aqyawf-aq, tsawrhaqzaq dawqtawv luf-euq khoertav gordzaeq-eu mae.