Jaceuq 47:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Miqyaer, gur-eu tersar naeq-aer davler-awr, Ya’we Miqyaer, darhae baw-eu tersar naeq-aer davler-eu mae.

Akha

⁵ Miˬyehˇ aˬ yawꞈ-euˬ nuiˇ mahˬ-ahˇ gʼoꞈ daˆ leˇ-eu meh. Sahˬpaˬ Miˬyehˇ gʼoꞈ daˆ leˇ-eu nehˬ-ehˇ, laˬ kʼaˬ cehˇ-awˇ guˇ-eu teˇ saˇ hawˇ-eu, daˇ heh baw-eu teˇ saˇ mahˇ laˇ-eu meh.

Jaceuq 47:5 Referans Kwoze

Jaceuq 68:33

Arhuba nae mqdeuq-euq mq-euq khoertav dziqluf-eu ghaq-anr jaceuq-awq. Hawsher-eq, aqyawf, baoq huiq-eu tersar, aqyawf-euq tersar bi dovle-eu mae.

1 Teˇsaˬloˇni 4:16

Aqjeq mirnae aernar-aq, Sanqpaq Yeqsur, mq-euq khoertav nae zafkale ngae, dawq bif-eu tersar gurdov lef-awr, mqtav ghaqkhaer yawhuiq ghaq-euq tersar hawr-eu Miqyaer-euq darhae tersar manrdovlef taef-a. Khoerngae, Kali-euq lafkhoer shir-euq deuq jeqhu ghofdaeflar taef-a.

1 Gawˇliˬtu 15:52

Arsaq saq-eu darhae tersar bawdovlef ngae, tiqkhaeq larkhaeq, myavtaev tiq taev-euq lafkhoer taef-aer aqdui parlarjir taef-a. Darhae tersar bawdovlef ngae, shir-euq tsawrhaq ghofdaef lar-awr, maqpar bufshov-ir-ar, aqdui khawf parlar taef-a.

Jaceuq 150:3

Darhae-euq tersar nae aqyawf-anr jaceuq-awq; Deur-mq zaq hawr-eu deur-mq ma diqdiq-aer jaceuq-awq!

Jaceuq 78:65

Khoernar-aq, Sanqpaq Miqyaer yufkhav taq-euq turlar-euq lof-aer turlar-awr; Aqgaf dzaruir dawr-euq baqda’nae gur-eu, Ghaq zawr khav-eu tiq ghaq lof-aer dur-eu mae.

Panmaeq 11:15

Khoernar-aq, mqtav ghaqkhaer shif ghaq tiqghaq darhae baw ngae, mq-euq khoertav ghawqmya jeq-euq tersar yawkhav-aer aer-eu, “Mirtsaq-anr uvlanr-eu baoq-aq, aqdui-euq Sanqpaq Miqyaer hawr-eu aqyawf-euq Kali-euq pyeuflar-euq mae. Aqyawf mqmaq maqbyav yarzir uvlanr taef-a.”

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

Jaceuq 98:6

Darhae hawr-eu uqcoer baw-eu tersar naeq-aer, Aqdui-euq Sanqpaq pyeuf-eu, Ya’we Miqyaer-euq maeqshi, Laqkhaq tiqcaer gur-awq.

Jaceuq 81:3

Bala lashuif tsaeqlar ngae, lalov lovlar ngae hawr-eu, Yawbui bui-eu arnan-anr darhae baw-awq.