Jaceuq 45:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nawr tsaq-awr dawr-eu jeq-anr gaq-awr yawcawv jeq-anr byae-eu mirnae; Nawq-euq Miqyaer pyeuf-eu Miqyaer, nawq-euq cawqdeuq-anr navmaqtser, Nawq-anr laqkhaq caer-eu tsir shaevdav naeq-euq mae.

Akha

⁷ yaw tsaˬ yaw dawˇ jeˬ-ahˇ gaˬ-awˇ, maˬ tsaˬ maˬ dawˇ-eu jeˬ-ahˇ nawˇ bye-eu meh. Kʼoeˇ miˇ neh, nawˬ-euˬ Miˬyehˇ pyeuꞈ-eu Miˬyehˇ, nawˬ-ahˇ tseˇ doˆ-eu laꞈ kʼoeˇ, sahˬ paˬ nui deuˬ-ahˇ naˆ maˬ tseˇ, laˬ kʼaˬ cehˇ nui saˇ za-eu guiˬ lahˬ nawˬ-euˬ kʼoeˇ taˆ shehˆ daˆ-euˬ meh.

Jaceuq 45:7 Referans Kwoze

HeˬByehˇ 1:9

Nawr tsaq-awr dawr-eu jeq-anr gaq-awr, Zanrdawq-anr leur-eu jeq-anr byae-eu mae. Khoermirnae, nawq-euq Miqyaer pyeuf-eu Miqyaer-aq, Nawq-euq cawqdeuq-anr navmaqtser, Nawq-anr laqkhaq caer-eu jeq nae tsaqtsov naeq-euq mae.” (Jc 45:6-7)

Jaceuq 21:6

Nawr, aqyawf-anr mqmaq maqbyav yarzir guiqlanq biza duidui-awr; Nawq-euq maeqshi, nawr, aqyawf-anr laqkhaq yawkhav-aer bicaer-euq mae.

Jaceuq 33:5

Miqyaer tsaq-awr dawr-eu jeq hawr-eu dawr-awr tsaq-eu jeq-anr gaq-awr, Mirtsaq-euq khoertav Ya’we Miqyaer-euq yawmuiq jeq byanluf-eu mae.

Eˇpeˇsu 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf, mqtav mirkhanq-anr jav-eu saflar paw-euq guiqlanq yawqjeq navluf, Kali-euq lafkhoer aqdui-anr bifnaeq laf-euq mae.

Gʼaˬkʼehˇ 2:28

Nawr, ngaq-anr daef-eu garma toeqmaeq naeqlaf-euq mae. Nawq-euq maeqshi ngar laqkhaq caer-eu jeq byanlarni, nawr, ngaq-anr janrnaelaf taef-a.’ (Jc 16:8-10)

Yoˇhaˬ 3:34

Miqyaer nae khaerghae lef-euq ghaq-aq, Miqyaer-euq dawq ngaeq-eu mae. Aqjeq mirnae aernar-aq, Miqyaer, aqyawf-anr Yawshawr Saflar maqpaeq maq savjir coer-eu gar keuvni bif-eu mae.

Jaceuq 101:8

Ngar, yawnaf-aer mirtsaq-euq khoertav jawr-eu, Tsawrdoer dawqtawv luf-anr lavcawv ma. Ngar, Ya’we Miqyaer-euq meuq-anr nae, Yawdoer jeq kharmr-eu tsawrhaq-anr deuvtsaevdzae ma.

Yoˇhaˬ 1:16

Aqyawf byan-eu lafkhoer, aqdui yawqghaq navluf guiqlanq yawdzanr tiqjeq sair tiqjeq za-euq ma.

Jaceuq 99:4

Sanqpaq-euq ghaq-aq, yawdawr yawtsaq-anr gaq-awr, Nawq nae tiqkawv dini dar-eu jeq lavzif taq-euq mae. Nawr, Yaqkov-euq lafkhoer tsaq-awr dawr-eu jeq, Hawr-eu dawr-awr tsaq-eu jeq mryaf-euq mae.

Lormav 8:29

Aqjeq mirnae aernar-aq, aqyawfmaf, aqyawf-euq Zaqyo-euq shaevdzeuf anrlarni, yawbae ngae nae Miqyaer siqnya-awr tserdov taq-euq mae. Maernmr ghawqmya ghaq-anr nae, aqyawf-euq Zaqyo-anr huqbaw zaqyo ghaq bigeuf-eu laer Miqyaer khoerlof-aer janr-euq mae.

Jaceuq 89:26

Aqyawf, ngaq-anr heulof-aer gur taef-a. ‘Nawr-aq, ngaq-euq aqda hawr-eu ngaq-euq Miqyaer ma. Ngaq-anr bibuq-ir naeqlaf-eu logur mae.’

Jaceuq 89:20

Ngar, ngaq-euq kuirlaf zaqkhav Daqbir-anr povmawr-euq ma. Ngar, ngaq-euq shawr-eu tsir nae, aqyawf-anr tsaqtsov-euq ma.

Jaceuq 11:7

Aqjeq mirnae aernar-aq, Ya’we Miqyaer-aq, tsaq-awr dawr-awr, aqyawf-aq, tsaq-awr dawr-eu jeq-anr gaq-eu mae. Dawrcoeni daef-eu tsawrhaq, aqyawf-euq myavpyawq-anr ya’mawr taef-a.

Luˇkaꞈ 3:22

Khoerngae, Yawshawr Saflar, khaqkhoeq lof-aer dur-eu lafkhoer, aqyawf-euq khoertav zafka le-awr, mq-anr nae tersar ngaeqdov lef-eu, “Nawr-aq, ngar zawr gaq-eu ngaq-euq Zaqyo ma. Ngar, nawq-anr nuikhanrshir duidui ma.”

Maꞈtehˬ 3:15

Khoerngae, Yeqsur, aqyawf-anr aerkhof naeq-eu, “Nymq-mr pov-aq, mrnaeq laf-awq. Aqjeq mirnae aernar-aq, aqdui-euq gharduq tsaq-awr dawr-eu jeq dawqtawvluf byanlarni mr-eu tsaq taef-a.” Khoernar-aq, Yorhaq, aqyawf-anr bartirsaq mrnaeq-euq mae.

Jaceuq 2:2

Mirkhanq sanqpaq deuq mrghanr-awr, uvlanr-eu tsawrhaq deuq gmler-awr, Ya’we Miqyaer hawr-eu aqyawf nae tsaqtsov-euq ghaq-anr puiq-eu laer maeqbawq mrluf-eu mae.

Panmaeq 21:27

Aerkhawf, maqshawr-eu aqgeu jeq maqkaq, meuq heumeuq-anr maqya urler-a. Nuidav davlar paq-aer ghae-eu hawr-eu jaqmyawf myawf-eu tsawrhaq-aq, meuq heumeuq-anr maqya urler-a. Yawrzaq-euq Daef-eu jeq bif-eu sanqbof-euq lafkhoer, tsawrmyanr bofanr taq-euq tsawrhaq taef-aer ya urler-eu mae.

HeˬByehˇ 7:26

Heulof-aer ghae-eu Pirma yawhuiq ghaq-aq, aqdui-anr tsaq duidui-eu mae. Aqyawf-aq, yawjawf hawr-eu yawlaeq maqanr-eu uqtaf, yawshawr mae. Iqbaxzaq-anr nae bi tserpav dov-awr, mq-euq navmaqtser bi ciqgor taq-euq mae.

HeˬByehˇ 2:14

Zaq khoerdeuq shiq hawr-eu shaqjir piluf-eu lof-aer, aqyawf khawf aqyawfmaf lof-aer durni daefle-euq mae. Aqyawf shir-awr, shir-eu jeq-anr uvlanr-eu naef sanqpaq-euq baoq-anr lavcawv le-euq mae.

Yoˇhaˬ 20:17

Yeqsur, aqyawf-anr heulof-aer aernaeq-euq mae, “Ngaq-anr taq gheutaeq. Aqjeq mirnae aernar-aq, ngar, ngaqDa jawr-eu gar maq ghofdav ler-aq siq. Nawr, ngaq-euq aqyuif aqnyir deuq jawr-eu gar le-awr nae, ‘NgaqDa hawr-eu nawmaf-euq Aqda pyeuf-awr, ngaq-euq Miqyaer hawr-eu nawmaf-euq Miqyaer khawf pyeuf-eu, ngaqDa jawr-eu gar ngar ghofdavler ma’ jer laer aernaeq ler-awq.”

Luˇkaꞈ 13:27

Aerkhawf, aqyawf heulof-aer aernaeq taef-a, ‘Ngar, nawmaf-anr aernaeq nyar, nawmaf aqgeugar nae lar-euq laer ngar maq siqnya nya. Nawmaf yawlaeq yawca kharmr-eu tsawrhaq dawqtawvluf ngar jawr-eu gar nae dov-ir-awq.’

Maꞈtehˬ 7:23

Khoerngae, ngar, aqyawf maf-anr heulof-aer aernaeq ma, ‘Zanrdawq-anr leur-eu jeq mr-eu tsawrhaq-or! Ngar, nawmaf-anr maq siqnya nya. Ngar jawr-eu gar nae dov-ir-awq.’