Jaceuq 45:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Yawtsaq yawdawr, nuinanq nuiyu hawr-eu tsaq-awr dawr-eu gharduq, Nawq-euq jaqlaq khanqsaer-euq lafkhoer ghaqler-euq ghaq lof-aer dziq-awr dov-ir-awq; Nawq-euq armar laf, nawq-anr yawzeu bawlar paq-aer ghae-eu jeq maeqnaeqlaf taef-a.

Akha

⁴ Yaw shehꞈ kʼahˬ sehˇ huiˬ-eu laꞈ kʼoeˇ mahˬ-ahˇ dziˬ leˇ-awˇ, guiˇ deuˆ gʼaˬ ngeh keuˆ ni dziˬ-awˬ. Yaw tsaˬ yaw dawˇ jeˬ maˬ bi byoˆ-iˇ-eu gʼaˇ duˬ, nawˬ-euˬ gʼaˬ neh huiˬ-eu guiˇ deuˆ gʼaˬ tehꞈ-a.

Jaceuq 45:4 Referans Kwoze

Jaceuq 65:5

Nga’maf-anr kakhof-eu Miqyaer-or! Nawr tsaq-awr dawr-eu jeq-euq lafkhoer, Yawzeu bawlar paq-aer ghae-eu jeq mr-awr, nga’maf-anr aerkhof naeqlaf taef-a. Nawr-aq, mqdzer mirdzer-anr keuvni jawr-eu tsawrhaq deuq hawr-eu, Kaq-eu iqmalavshav-anr jawr-eu tsawrhaq dawqtawvluf noeqtmqduq pyeuf-eu mae.

Panmaeq 19:11

Ngar, mq pantaq-euq gar ya’mawr-awr hawghaelef ngae, manq manqpyur tiq mawr jawr-awr, manq-anr dziqluf-eu ghaq-aq, sarjax zif-awr, tsaq duidui-eu ghaq laer kur-eu mae. Aqyawf-aq, tsaq-awr dawr-eu lafkhoer yarkhaq dar-awr, guirdeuv deuv-eu mae.

Panmaeq 6:2

Hawsher-eq. Ngar hawghae ngae, manq manqpyur tiq mawr-anr dziqluf-eu ghaq, kav tiq kanr bafluf-eu gar ya’mawr-euq ma. Aqyawf-anr shuir uqkhov bif-awr, aqyawf ghaqler-euq ghaq lof-aer ghaqlerni dov-ir-euq mae.

Maꞈtehˬ 11:29

Ngar-aq, nuima nanqyuni ghae-awr nuinanq nuiyu anr-eu ma. Nawmaf, ngaq-euq khavbaf baf-awr, ngaq-anr dzawgeuf-awq. Khoerlof-aer dzawgeuf nar-aq, nawmaf-euq nuima saflar ghaqnaq za taef-a.

Panmaeq 11:18

Mirkhanq-euq tsawrjeuq nuima paerlar-awr, Nawq-euq nuima paer-eu jeq khawf keuvle-euq mae. Shir-euq tsawrhaq deuq-anr yarkhaq dar-eu aryamq khawf keuvle-euq mae. Nawq-euq ghaqzaq ghaqkhaer pyeuf-eu, Miqyaer gharduq ngaeqdan-eu tsawrhaq deuq hawr-eu, Nawq-euq tsawrmyanr-anr yawzeu baw-eu huiqzaq nyirzaq dawqtawv luf-anr mrpoeq lafsawq bif-eu aryamq keuvle-euq mae. Mirtsaq-anr lavcawv-eu deuq-anr nawr lavcawv-eu aryamq khawf keuvle-euq mae.”

2 Teˇsaˬloˇni 3:1

Aqyuif aqnyir deuq-or! Arsaq saq-eu dawq-aq heulof-aer ma. Sanqpaq Miqyaer-euq dawq, nawmaf-euq ghanrcae yawkawr-aer gaqdoe le-awr, nawmaf ciqpoeq-eu lof-aer, yawqgar navluf khoerlof-aer pyeuflarni, nga’maf-euq gharduq guiqlanq sharcaw naeqlaf-awq.

1 Teˇsaˬloˇni 2:13

Nawmaf, nga’maf nae maeq-euq Miqyaer-euq dawq yagaq ngae janlar-awr, nawmaf, dawq khoer-anr tsawrhaq-euq dawq laer maqsawx-aer, aqdir aqmar Miqyaer-euq dawq ngar-a laer hageuf-euq mae. Khoeruqtaf, dawq khoer-aq, Sanqpaq Yeqsur-anr jan-eu nawmaf-euq lafkhoer gar mrluf-eu mirnae, nga’maf aqmyanluf Miqyaer-anr jaceuq ma.

1 Teˇsaˬloˇni 1:5

Nga’maf nae maeq-euq guiqlanq dawq-aq, nawmaf jawr-eu gar dawq taef-aer keuvle-euq maqngeur-a. Aerkhawf, baoq lafkhoer, Yawshawr Saflar-euq lafkhoer hawr-eu janduq duidui-eu lafkhoer keuvle-euq mae. Aqjeq mirnae aernar-aq, nga’maf, nawmaf naeq-aer jawr ngae, nawmaf-euq gharduq gardanr tsoeqni daef-euq gar nawmaf siqnya-eu mae.

2 Gawˇliˬtu 10:1

Ngar-aq, nawmaf naeq-aer jawr ngae nuinanq nuiyu anr-awr, nawmaf naeq-aer maqjawr ngae-aq, nuima khaqduqni ghae-eu Pawrluv ma. Nymq-mr ngar, Kali-euq nuinanq nuiyu hawr-eu nuima nanqyuni ghae-eu lafkhoer, nawmaf-anr shar-eu ma.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Yoˇhaˬ 1:17

Zanrdawq-aq, Morseq-anr ghoe-awr bifnaeq lef-euq mae. Aerkhawf, guiqlanq yawdzanr hawr-eu yawtsaq yawdawr jeq-aq, Yeqsur Kali-anr nae dovle-euq mae.

Luˇkaꞈ 19:27

Khoeruqtaf, ngaq-anr muir-awr, ngaq-anr aqyawf maf-euq khoertav maqbi uvlanr mawf-eu deuq-anr sheuqlaf-awr ngaq-euq maeqshi saef-awq.’ ”

Jaceuq 60:4

Yawtsaq yawdawr-euq gharduq bi bafgor-eu laer; Nawr, nawq-anr guv-eu tsawrhaq deuq-anr, parloq parlaer bifnaeq taq-euq mae. Sela.

Jaceuq 2:9

Nawr, aqyawf maf-anr shmr-euq ganqkawq nae daepav-awr, Nawr, mirtsaq oeqlanq-anr dae-eu lof-aer aqyawf maf-anr daepav daeshav-awr daemeur daeloerjir naeq taef-a. ”

Panmaeq 20:15

Khoernar-aq, Daef-eu jeq bif-eu sanqbof-euq lafkhoer tsawrmyanr maqanr-eu tsawrhaq yawqghaq navluf, miqdzaq-euq lan-anr bi dzaepuf jir-euq mae.