Jaceuq 45:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Baoq huiq-eu ghaq-or! Nawq-euq jaqlaq khanqsaer hawr-eu yawshaef khanqsaer naeq-aer, Nawq-euq jof-anr nawq-euq micaer shaf-awq.

Akha

³ Baoˬ huiˬ-eu sahˬ paˬ-oˇ, nawˬ-euˬ mi cehˇ shaꞈ-awˇ, baoˬ hawˇ-eu yaw shehꞈ kʼahˬ sehˇ-ahˇ dm-awˬ.

Jaceuq 45:3 Referans Kwoze

HeˬByehˇ 4:12

Miqyaer-euq dawq-aq, daefluf-awr baoq tiqbyanni anr-eu mae. Dawq heu-aq, miseuq nyiq paw baw-eu micaer navmaqtser tav-awr, nuima hawr-eu saflar-anr khawf, yoeqtsuif hawr-eu purnmf-anr khawf, tsawvcov dov-awr birpav nya-eu mae. Tsawrhaq-euq nuima-euq nuinoeq hawr-eu nuikhanr-anr khawf tserpav nya-eu mae.

Panmaeq 1:16

Aqyawf-euq armar laf-anr aqguir shif siq nyaeftaeq luf-awr, aqyawf-euq khaqmae-anr nae miseuq nyiq paw baw-awr tav duidui-eu micaer tiq kanr dovle-euq mae. Aqyawf-euq myavpyawq-aq, nanrma tsaeq-eu lof-aer narguir guir-eu mae.

Panmaeq 19:15

Aqyawf-euq khaqmae-anr nae zawr tav-eu micaer tiq kanr dovle-euq mae. Micaer khoer-aq, mirkhanq-euq tsawrjeuq deuq-anr deuv-eu gharduq mae. Khoernar-aq, aqyawf, aqyawf maf-anr shmr gawqyoeq nae uvlanr taef-a. Aqyawf, baoq huiq duidui-eu Miqyaer-euq nuima paer duidui-eu aqgaf dzaruir nawqdov duq-anr nawq taef-a.

Jaceuq 96:6

Aqyawf-euq maeqshi, taqhuiq taqmanr-eu jeq hawr-eu jaqlaq yawbya javluf-awr; Aqyawf-euq yawshawr jawrduq-anr ghaq hawr-eu hawmuiq-eu jeq javluf-eu mae.

Jaceuq 21:5

Nawq-euq kakhof-eu jeq-euq lafkhoer, Aqyawf-euq yawshaef khanqsaer huiq duidui-awr; Nawr, aqyawf-euq khoertav taqhuiq taqmanr-eu jeq hawr-eu khanqsaer biftaq-euq mae.

Panmaeq 19:21

Nuideuq-anr-aq, manq-anr dziqluf-eu khoerghaq-euq khaqmae-anr nae dovle-euq micaer nae coersaef jir-euq mae. Arjir dawqtawvluf, aqyawf maf-euq shaqjir tiqdaev dzaq-euq mae.

Yuˇdaˆ 1:25

Yawshaef khanqsaer hawr-eu huiq duidui-eu khanqsaer, Uvlanr-eu baoq hawr-eu aryaq, Nymq-mr nae mqmaq maqbyav yarzir, Aqdui-euq Kakhof-eu ghaq pyeuf-eu, Aqyawf tiq ghaq taef-aer tsawrganr byan-eu Miqyaer-euq pyeuf luf-ur. Aqmeq.

HeˬByehˇ 8:1

Nga’maf aermawf-eu nuinoeq uqdzan-aq heulof-aer ma: aqdui, mq-euq khoertav jawr-awr, dawqtawv luf-anr uvlanr luf-eu, Sanqpaq Miqyaer-euq nuirmanq-euq armar paw nuirluf-eu Pirma yawhuiq ghaq jawr-eu ma.

HeˬByehˇ 1:3

Aqyawf-aq, Miqyaer-euq yawshaef khanqsaer-euq yawshaef pyeuf-awr, Miqyaer-euq shaevdzeuf byan-eu ghaq pyeuf-eu mae. Aqyawf, aqyawf-euq baoq anr-eu dawq-anr ghoe-awr, dawqtawv luf-anr hawlanr lavsav luf-eu mae. Aqyawf, aqyawf-euq mawrdo nae aqdui-euq iqbax-anr tsiqshawr ghaq-awr, yawgor-anr khanqsaer huiq-eu Ghaq-euq armar paw nuirluf-eu mae.

Lormav 14:9

Heu-euq baqda’nae, shir-euq tsawrhaq hawr-eu daefluf-eu tsawrhaq-euq Sanqpaq Miqyaer pyeufni, Kali shir-awr ghofdaef lar-awr daefluf-eu mae.

Jaceuq 145:12

Khoermirnae, tsawrhaqzaq, baoq-euq lafkhoer aqyawf nae mr-euq garkawv hawr-eu, Aqyawf uvlanr-eu jeq-euq jaqlaq yawbya-euq yawshaef khanqsaer siqnyalar taef-a.

Jaceuq 145:5

Ngar, nawq nae mr-euq zanqler paq-aer ghae-eu gardeuq-euq garkawv hawr-eu, Nawq-euq jaqlaq yawbya, arnavni yawshaef khanqsaer byan-eu garkawv dzardzivdziv ma.

Jaceuq 104:1

Ngaq-euq nuima saflar-or! Ya’we Miqyaer-anr jaceuq-awq! Ngaq-euq Miqyaer pyeuf-eu, Ya’we Miqyaer-or! Nawr-aq, zawr huiq zawr manr-eu mae. Nawr, yawshaef khanqsaer hawr-eu jaqlaq yawbya dmtaq-euq mae.

Gʼaˬkʼehˇ 10:36

Miqyaer, aqyawf-euq dawq, Irsaqleqlav tsawrhaq-anr bif-euq mae. Dawq khoerdawq-aq, dawqtawv luf-euq Sanqpaq pyeuf-eu Yeqsur Kali-euq baqda’nae, nuisar biza’ni maeq-eu guiqlanqdawq mae.

Jaceuq 21:7

Sanqpaq-aq, Ya’we Miqyaer-anr ghoe-eu mirnae, Gor duidui-eu ghaq ghawqshaq gaq-eu baqda’nae, aqyawf maq nyilar-ar.