Jaceuq 45:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngaq-euq nuima, garkawv yawmuiq byankhar luf-awr; Ngaq nae bof-euq Sanqpaq-anr taf-eu garkawv dzawrluf ngae; Ngaq-euq maeqlar-aq, sanqbof zawr bofnya-eu tiq ghaq-euq sanqdur ma.

Akha

¹ Sahˬ paˬ gʼaˇ duˬ caˇ dawˬ heu bymˇ ngaˇ yuˇ doˆ ngeh, naˇ haˬ muiˬ-eu dawˬ kawˬ deuˬ ngaˬ-euˬ nui ma laꞈ kʼoeˇ byah luꞈ meh. Sahˬ boꞈ boꞈ nya dui dui-eu gʼaˬ-euˬ sahˬ duˇ loꞈ-ehˇ, ngaˬ-euˬ mehˬ laˇ-ahˇ caˇ dawˬ yoeˇ le luꞈ meh.

Jaceuq 45:1 Referans Kwoze

Jaceuq 49:3

Ngaq-euq khaqmae zaqsiq tsawrganr ngaeq-awr, Ngaq-euq nuima-euq lafkhoer dzardziv dziv-awr ghovshaw-eu jeq bif ma.

Dawqdaq 16:23

Tsawrganr anr-eu tsawrhaq-euq nuima-aq, Aqyawf-anr noeqdanr doe-awr bingaeq-eu mirnae, Aqyawf-euq maeqluq-anr bi maeqnya dzaeqlar-eu mae.

2 Beˬtuˆluˆ 1:21

Aqjeq mirnae aernar-aq, Miqyaer gharduq ngaeqdan-eu dawq-aq, tiqpawf-iq tsawrhaq-euq nuinoeq nuikhanr-anr nae dovle-euq maqngeur-a. Aerkhawf, Miqyaer-euq shawr-eu tsawrhaq deuq-aq, Yawshawr Saflar nae bi noeqdov-euq lof-aer ngaeq-eu mae.

Jaceuq 69:1

Miqyaer-or! Ngaq-anr bibuq-ir naeqlaf-awq! Aqjeq mirnae aernar-aq, ircuf, ngaq-euq kawqlanr-anr keuvni danqkeuvlar taq-euq mae.

Eˇpeˇsu 5:32

Heu-aq, zaftaq-euq huiq duidui-eu tiqjeq pyeuf-eu mae. Aerkhawf, ngar-aq, Kali hawr-eu Kalizaq armur-anr taf-eu garkawv aermawf-eu ma.

Maꞈtehˬ 27:37

Aqyawfmaf iqbax taq-eu sanqbof heulof-aer bof-awr, aqyawf-euq uqduq-euq laftav pawdzer tafmyanq taq-euq mae: TSAWRHAQ HEUGHAQ-AQ, YURDAV TSAWRHAQ-EUQ SANQPAQ YEQSUR MAE.

Jaceuq 2:6

“Ngaq-euq shawr-eu gawqjawq, Ziroq gawqjawq-euq khoertav, Ngar, ngaq-euq Sanqpaq tiq ghaq tsovtaq-euq ma.”

Maꞈtehˬ 25:34

Khoernar-aq, Sanqpaq, armar paw jawr-eu deuq-anr heulof-aer aernaeq taef-a: ‘NgaqDa-euq guiqlanq za-euq tsawrhaq deuq-or! Lar-awq. Mqbae mirbae bae ngae nae, nawmaf-anr of-eu jeqbir pyeuf-eu mirkhanq-anr jawrlar-awq.

Maꞈtehˬ 12:35

Tsawrhaq yawmuiq deuq-aq, aqyawf-euq lafkhoer myawqganq yawmuiq shardawv taq-euq gar nae, yawmuiq jeq yurdov laf-awr, tsawrhaq yawdoer deuq-aq, aqyawf-euq lafkhoer myawqganq yawdoer shardawv taq-euq gar nae, yawdoer jeq yurdov laf-eu mae.

Jaceuq 80:1

Yawrmaf-anr sheuqghae-eu lof-aer Yorsaev-anr sheuqghae-awr, Yawr bo-eu lof-aer Irsaqleqlav-anr bosav-eu ghaq-or, Nga’maf-anr naqbawr ciqkhmr naeqlaf-awq. Jeqlurbeq-euq yawkaq-anr jawrluf-eu ghaq-or, Yawshaef byadov lef-awq.

Jaceuq 42:1

Khaqtsaev ircuf lawrgawv-anr nuikhanr jav-eu lof-aer, Miqyaer-or! Ngaq-euq nuima saflar khawf, nawq-anr nuikhanr jav-eu ma.