Jaceuq 43:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawq-euq yawshaef hawr-eu yawtsaq yawdawr pyaeqghae lef-awr, Ngaq-anr bisheuq-awr nae, nawq-euq saqpar saeqghawv jav-eu, Nawq-euq yawshawr gawqjawq-anr bi sheuqkeuv naeqlaf-awq.

Akha

³ Nawˬ-euˬyaw shehꞈbi keuˆle-awˇ, yaw tsaˬyaw dawˇbi keuˆle-awˇ, ngaˬ-ahˇ bi sheuˬgʼeh-eu laꞈkʼoeˇ, nawˬ-euˬjawˇduˬgawˬjawˬpyeuꞈ-eu, Ziˇoˬgawˬjawˬyaw shawˇkʼoeˇtaˆ, ngaˬ-ahˇsheuˬkʼoꞈkeuˆnehˬlaꞈ-awˬ.

Jaceuq 43:3 Referans Kwoze

Jaceuq 36:9

Aqjeq mirnae aernar-aq, nawr daef-eu jeq bif-eu cuq jav-awr; Nawq-euq yawshaef-euq lafkhoer, nga’maf yawshaef mawrnya-eu ma.

Yoˇhaˬ 1:4

Aqyawf-euq lafkhoer daef-eu jeq anr-eu mae. Daef-eu jeq khoer-aq, tsawrhaq-euq yawshaef mae.

Jaceuq 143:10

Ngar, nawq-euq nuima tsaq-eu jeq mrnya’ni maeqnaeq laf-awq, Aqjeq mirnae aernar-aq, nawr-aq, ngaq-euq Miqyaer ma. Nawq-euq Saflar-aq yawmuiq mae. Ngaq-anr dawrcoeni ghae-eu deuq-euq mirtsaq-anr sheuqghae naeqlaf-eu mae.

Jaceuq 119:105

Nawq-euq dawq-aq, ngaq-euq aqkuir-euq gharduq tsirkhmq pyeuf-awr, Ngaq-euq garma-anr yawshaef pyeuf-eu mae.

Jaceuq 97:11

Tsaq-awr dawr-eu tsawrhaq-euq khoertav yawshaef saeqdav naeq-awr, Nuima-euq lafkhoer dawrcoeni ghae-eu tsawrhaq-euq khoertav, Laqkhaq caer-eu jeq saeqdavnaeq taef-a.

Jaceuq 84:1

Guirmaf-euq Ya’we Miqyaer-or; Nawq-euq saqpar saeqghawv arnavni hawmuiq-eu nga!

Jaceuq 40:11

Ya’we Miqyaer-or! Nawr nanqyuni ghawqshaq gaq-eu jeq, Ngaq-anr maqbi keuvle-aer taqghae naeqlaf. Nawr, ngaq-anr nawq-euq ghoer-awr gaq-eu jeq hawr-eu nawq-euq yawtsaq yawdawr nae, Ngaq-anr aqmyanluf hawpir naeqlaf-awq.

Yoˇhaˬ 1:17

Zanrdawq-aq, Morseq-anr ghoe-awr bifnaeq lef-euq mae. Aerkhawf, guiqlanq yawdzanr hawr-eu yawtsaq yawdawr jeq-aq, Yeqsur Kali-anr nae dovle-euq mae.

Jaceuq 57:3

Miqyaer, ghawqshaq gaq-eu jeq hawr-eu yawtsaq yawdawr jeq khaerghaelef taef-a; Aqyawf, ngaq-anr bibuq-ir-eu jeq mq-euq khoertav nae bi’oe-awr; Aqyawf, ngaq-anr myeufanr-eu laer ghae-eu tsawrhaq-anr aerdoernaeq taef-a. Sela.

Jaceuq 3:4

Ngaq-euq tersar nae ngar, Ya’we Miqyaer-anr gur ngae, Aqyawf, aqyawf-euq shawr-eu gawqdur-anr nae, ngaq-anr narhaq naeqlaf-euq mae. Sela.

Jaceuq 78:68

Aerkhawf, Yurdav tsawrjeuq hawr-eu, Aqyawf zawr gaq-eu Ziroq gawqjawq-anr tser-euq mae.

Jaceuq 46:4

Gor duidui-eu ghaq-euq saeqghawv-euq yawshawr jawrduq-anr; Miqyaer-euq meuq laqkhaq bi caerlar-eu lawrgawv tiq gawv yoer-eu mae.

Jaceuq 42:4

Ngar, tsawrhaq armaf mafma naeq-aer le-awr, Ngar, aqyawfmaf naeq-aer Miqyaer-euq nymr-anr le-euq ma. Laqkhaq caer-eu tersar hawr-eu jaceuq-eu lafkhoer, Tsawrhaq armaf mafma naeq-aer guiqlanq-euq yawbui bui-eu mae. Ngar heudeuq-anr noeqmawrlar ngae, Ngaq-euq nuima saflar shaevdov lef-euq ma.

Jaceuq 2:6

“Ngaq-euq shawr-eu gawqjawq, Ziroq gawqjawq-euq khoertav, Ngar, ngaq-euq Sanqpaq tiq ghaq tsovtaq-euq ma.”

Jaceuq 57:4

Ngaq-euq nuima saflar-aq, arlaqjaqshir-euq ghanrcae jav-awr; Ngar, miqdzaq dof-eu tsawrhaq-euq zaqdeuq-euq ghanrcae yufluf mir-a; Aqyawf maf-euq seuq-aq, ganq hawr-eu kavmyaq-anr dur-awr, Aqyawf maf-euq maeqlar-aq, tav duidui-eu micaer-anr dur-eu mae.