Jaceuq 43:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Miqyaer-or! Ngaq-anr japir naeqlaf-awr, Miqyaer-anr yawzeu maqbaw-eu tsawrjeuq tsawrca naeq-aer, Ngaq-euq garkawv yarkhaq jadan naeqlaf-awq. Jaqmyawf maershuir hawr-eu maqdawr maqtsaq-eu tsawrhaq-anr nae, Ngaq-anr bibuq-ir laf-awq.

Akha

¹ Miˬyehˇ-oˇ, miˬyehˇmaˬbaw-eu deuˬmehˬshi, ngaˇiˬbaˇmaˬahˇ-eu gaˇkawˆ, nawˇyaˇkʼaˬdaˇtsehˆnehˬlaꞈ-awˬ. Jaˬmyawꞈmehˇshuiˇyaw haiˬmehˬshi, ngaˬ-ahˇnawˇka kʼoꞈnehˬlaꞈ-awˬ.

Jaceuq 43:1 Referans Kwoze

Jaceuq 35:1

Ya’we Miqyaer-or! Ngaq-anr caelar-eu deuq-anr caedan naeqlaf-awr; Ngaq-anr guirdeuv deuvlar-eu deuq-anr deuvdan naeqlaf-awq.

Jaceuq 26:1

Ya’we Miqyaer-or! Ngaq-anr yarkhaq dar-awq. Aqjeq mirnae aernar-aq, ngar yawmuiq yawjaq-euq lafkhoer daeflaf-euq ma. Ngar, Ya’we Miqyaer-anr ghoe-euq mirnae, ngar povpov lavlav-aer maqghae.

Jaceuq 7:8

Ya’we Miqyaer, tsawrhaqzaq-anr, yarkhaqdar taef-a. Ya’we Miqyaer-or! Ngar tsaq-awr dawr-eu gar hawr-eu, Ngaq-euq lafkhoer anr-eu muiq-awr dawr-eu gar haw-awr, Ngaq-anr yarkhaq darnaeq laf-awq.

Jaceuq 35:24

Ngaq-euq Miqyaer pyeuf-eu Ya’we Miqyaer-or! Nawr tsaq-awr dawr-eu gar tsaqni, ngaq-anr japir naeqlaf-awr; Ngaq-euq baqda’nae aqyawfmaf laqkhaq taqbi caer law.

Jaceuq 71:4

Ngaq-euq Miqyaer-or! Tsawrcawv deuq-euq aqlaf-anr nae, Ghawqshaq gaq-eu maq siqnya-eu tsawrhaq hawr-eu, Maqtsaq maqdawr-eu tsawrhaq-euq aqlaf-anr nae, ngaq-anr bibuq-ir naeqlaf.

Jaceuq 5:6

Ya’we Miqyaer, shiq maef-eu tsawrhaq-anr nuidav dav-awr, Maershuir shuir-eu tsawrhaq-anr byae-eu mae. Nawr, jaqmyawf myawf-eu deuq-anr lavcawv taef-a.

1 Beˬtuˆluˆ 2:23

Aqcawq, aqyawf-anr yaeqbawq-aer aer-euq khawf, aqyawf yaeqbawq-aer maq ngaeqkhof haw-aq. Aqyawf shaqzanq yadaq ngae khawf, aqcawq-anr guvtsiq nyaef-eu dawq maqngaeq-aer, aqyawf-euq mawrdo, tsaq-awr dawr-eu lafkhoer yarkhaq dar-eu Miqyaer-euq aqlaf-euq lafkhoer a’naeq-euq mae.

1 Gawˇliˬtu 4:4

Ngar, yawqha-euq yawlaeq tiqjeq-iq maq noeqdovnya nya. Aerkhawf, ngar khoerlof-aer maq noeqdov nya-eu mirnae, ngar mrshawr-euq tsawrhaq pyeuflar-euq maqngeur. Aqjeq mirnae aernar-aq, ngaq-anr yarkhaq dar-eu ghaq-aq, Sanqpaq Miqyaer mae.

Dawqdaq 23:11

Aqjeq mirnae aernar-aq, Aqyawf maf-anr kakhof-eu ghaq-aq, Ghaq khav-awr, aqyawfmaf jawr-eu paw pyawq-awr, Nawq-anr yarkhaq jalar taef-a.

Dawqdaq 22:23

Aqjeq mirnae aernar-aq, Ya’we Miqyaer, aqyawf maf-euq gharduq yarkhaq jadan naeq-awr, Aqyawf maf-anr yurgeuf naeq-euq deuq-euq daefzir-anr yur taef-a.

Jaceuq 75:7

Aerkhawf, yarkhaq dar-eu ghaq-aq, Miqyaer mae; Aqyawf, tiq ghaq-anr yurka-awr, tiq ghaq-anr ciqgor naeq-eu mae.

Jaceuq 7:7

Tsawrhaqzaq uiqlar-awr, nawq-euq tiqjawq jawrjawqlar taef-a. Khoermirnae, aqyawf maf-euq gharduq, yawgor-anr ghofdav ler-awr uvlanr-awq.

Jaceuq 7:9

Tsawrcawv-euq yawdoer jeq arsaq bisaq-awr, Dawr-awr tsaq-eu deuq-anr lavzif naeq-awq. Aqjeq mirnae aernar-aq, tsaq-awr dawr-eu Miqyaer-aq, nuima hawr-eu nuinoeq-anr tsermr haw-eu mae.

Jaceuq 54:3

Aqjeq mirnae aernar-aq, boermiq siqkhaq, Ngaq-euq daefzir yur-eu laer turlar taq-awr; Khaeq-awr khav-eu deuq ngaq-anr saef-eu laer povluf-eu mae. Aqyawf maf-aq, Miqyaer-anr yawzeu maqbaw-a.

Jaceuq 140:5

Nuima huiq-eu tsawrhaq, ngaq-anr lanrju hawr-eu cavpyeuv khmrzaf taq-euq mae; Aqyawfmaf, garma gardzer bawghaf khmrtaq-awr, Ngaq-anr lafpeu khmrtaq-euq mae. Sela.