Jaceuq 42:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngaq-euq nuima saflar-aq, Miqyaer-anr maef mir-a, Daefluf-eu Miqyaer-anr mawrmawf mir-a. Ngar, nawr jawr-eu gar aqmyan yalar-awr, nawq-euq maeqshi ya larmawr-eu la?

Akha

² Iˇcuꞈmehꞈdui dui-eu loꞈ-ehˇ, dehꞈluꞈ-eu ngaˬ-euˬMiˬyehˇ-ahˇ, ngaˬ-euˬsaꞈlaˇmehꞈluꞈ-eu ma. Nawˬ-euˬmehˬshi ngaˇle keuˆ-awˇ, aˬmyah uˬduˬya tahˬleˇnmˇ.

Jaceuq 42:2 Referans Kwoze

Jaceuq 63:1

Miqyaer-or! Nawr-aq, ngaq-euq Miqyaer ma; Uqshawq yawnaf-aer ngar, nawq-anr pov-eu ma; Ngaq-euq nuima saflar, ircuf maef-eu lof-aer nawq-anr maef mir-a; Ircuf maqjav-aer guicorni ghae-ir taq-euq mirtsaq tiq tsanr ircuf maef-eu lof-aer, Ngaq-euq shiqshaq, nawq-anr za’mawf mir-a.

Jaceuq 84:10

Nawq-euq nymr-euq povka tiq nan jawr-eu-aq, Nuigar 1,000 nan jawr-eu navmaqtser poeq nya. Tsawrcawv-euq saeqghawv-euq lafkhoer jawr-eu navmaqtser, Miqyaer-euq nymr-euq ghovkhaeq-anr yawf-awr lof-eu-aq, Ngar nuikhanr shirdzaeq ma.

Jaceuq 27:4

Ngar, Ya’we Miqyaer-anr nae tiq jeq geufmawf mir-a, Khoerjeq-anr ngar pov-eu ma. Khoer-aq, ngar khardaef-eu arnan aryamq dawqtawvluf, Ya’we Miqyaer-euq nymr-euq lafkhoer jawr-awr nae, Hawmuiq-eu Ya’we Miqyaer-euq yawmuiq-anr hawhaw-aer, Aqyawf-euq uqduq tanqnymr nymrma-euq lafkhoer narhaqtser mawf mir-a.

Panmaeq 22:1

Khoerngae, mqtav ghaqkhaer khoerghaq, ngaq-anr daef-eu jeq bif-eu shawrjaevni ghae-eu ircuf lawrgawv bimawr naeqlaf-euq mae. Lawrgawv heugawv-aq, jeq-oq lof-aer shawr-awr, Miqyaer hawr-eu Yawrzaq-euq nuirmanq-anr nae yoerdov lef-eu mae.

Yoˇhaˬ 7:37

Yawbui bui-eu arsaqsaq ngae nan-aq, huiqdzaeq-eu nan mae. Yeqsur gawqyawf yawf-awr, tersar yawkhav-aer heulof-aer aer-eu mae, “Ircuf kharmaef-eu tsawrhaq, ngar jawr-eu gar lar-awr dawrlar-awq.

Jaceuq 84:2

Ya’we Miqyaer-euq nymr-euq povka jawrler mawfsaef-awr, Ngaq-euq nuima saflar ngeurdzaeq myafler paq-aer ghae nya. Ngaq-euq nuima hawr-eu shiqshaq, Daefluf-eu Miqyaer-anr kurluf-eu ma.

Jaceuq 84:4

Nawq-euq nymr-euq lafkhoer jawr-eu tsawrhaq-aq, Guiqlanq huiq-eu mae. Aqyawfmaf, nawq-anr jaceuq luf-a siq. Sela.

Jaceuq 43:4

Khoernar-aq, huiq duidui-eu ngaq-euq laqkhaq caerduq pyeuf-eu Miqyaer jawr-eu, Miqyaer-euq lawrduq-anr ngar le ma. Ngaq-euq Miqyaer pyeuf-eu Miqyaer-or, Ngar, deur-mq diq-awr nawq-anr jaceuq ma.

1 Teˇsaˬloˇni 1:9

Nga’maf, nawmaf jawr-eu gar lar ngae, aqjeq pyeuflar-euq garkawv hawr-eu daefluf-awr aqdir aqmar Miqyaer pyeuf-eu Miqyaer-euq gar mrnya’ni, nawmaf, tanqpanq aqma mawrkawr-anr byaerdzae yaf-awr, Miqyaer jawr-eu paw ghoflar-euq garkawv deuq aqcawq jaluf-eu mae.

Yoˇhaˬ 5:26

Aqjeq mirnae aernar-aq, Aqda, aqyawf-euq lafkhoer daef-eu jeq anr-eu lof-aer durni, Zaqyo-euq lafkhoer khawf daef-eu jeq anrni, aqyawf-anr biftaq-euq mae.

Jaceuq 84:7

Aqyawfmaf maeqhu paw ngaeq-aer leghae nar-aq, Ghaq ngaeq-aer anrdzaeq lar-awr; Aqyawf ghaq aqyawf, Ziroq-euq lafkhoer Miqyaer-euq maeqshi ya lekeuv-euq mae.

Jaceuq 63:3

Nawq-euq ghoer-awr gaq-eu jeq-aq, daefzir navmaqtser muiqdzaeq-eu mirnae, Ngaq-euq maeqluq, nawq-anr jaceuq ma.