Jaceuq 40:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Ngaq-euq Miqyaer pyeuf-eu Ya’we Miqyaer-or, Nawq nae mr-euq zanqler paq-aer muiq-eu jeq, Ghawqmya’ni myaq-eu mae. Nga’maf-euq gharduq, nawq-euq nuinoeq teu-aq, Tiqjeq sair tiqjeq gui ngae maq guijir coer-a. Ngar dzawr-awr ngaeq-eu lawnmr khawf, Ardzaeq-aer myaq-eu mirnae maq sawxdovjir coer-a.

Akha

⁵ Nga maꞈjah-eu Miˬyehˇpyeuꞈ-eu, nga maꞈ-euˬSahˬpaˬMiˬyehˇ-oˇ, kʼaˆjeˬ-ehˇgʼeh-eu gʼawˬmya jeˬ, nga maꞈgʼaˇduˬnawˇmˇ-euˬmeh. Nawˇloꞈ-ehˇgaˇkawˆkawˆnya-eu, nawˬ-ahˇduˇ-eu gʼaˬmaˬjawˇ-a. Nawˬneh mˇnehˬlaꞈ-euˬgaˇdeuˬ, kʼaˬmeh neh maˬja jiˇcoeˇnya.

Jaceuq 40:5 Referans Kwoze

Jaceuq 71:15

Ngaq-euq khaqmae, nan’ga-i nawq-euq tsaq-awr dawr-eu garkawv, Hawr-eu nawq-euq kakhof-eu jeq-euq garkawv ja ma. Aqjeq mirnae aernar-aq, garkawv heudeuq armyavni jav-eu, ngar maq siqnya nya.

Jaceuq 92:5

Ya’we Miqyaer-or! Nawq nae mr-euq gardeuq arnavni huiq-eu nga! Nawq-euq nuinoeq-aq naf duidui nga.

Jaceuq 136:4

Aqyawf tiq ghaq taef-aer yawkhav-aer zanqler paq-aer ghae-eu jeq mr-eu mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

Jaceuq 139:6

Siqnya-eu tsawrganr heu-aq, ngaq-euq gharduq ardzaeq-aer zanqler paq-aer ghae-awr, Ngar maq yurmir nya-eu gar yawgor-anr jav-eu mae.

Jaceuq 73:28

Aerkhawf, Sanqpaq Miqyaer-euq dawqpae jawr-eu-aq, Ngaq-euq gharduq yawmuiq mir-a. Ngar, nawq nae mr-euq gardeuq dawqtawv luf-euq garkawv dawqdzawr mrni; Ngar, Sanqpaq Miqyaer pyeuf-eu Ya’we Miqyaer-anr ngaq-euq caevzafduq bipyeuf-euq ma.