Jaceuq 40:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aerkhawf, nawq-anr pov-eu tsawrhaq dawqtawvluf, Nawq-euq lafkhoer laqkhaq caer-awr lurgha caergha luf-ur. Nawq-euq kakhof-eu jeq-anr gaq-eu deuq, Aqmyanluf heulof-aer aer luf-ur, “Ya’we Miqyaer-anr ciqhuiq ciqmanr ma.”

Akha

¹⁶ Ehˇkʼawꞈnawˬ-ahˇpoˆluꞈ-eu deuˬ, laˬkʼaˬcehˇ nui saˇza luꞈ-uˇ. Nawˇka kʼoꞈnehˬ-eu baˬda neh, nawˬ-ahˇguiˬlahˬhuiˬluꞈ-eu deuˬ, “SahˬpaˬMiˬyehˇhuiˬ-eu meh”lehˇ, maˬtsehˆleˇni ja ceuˬluꞈ-uˇ.

Jaceuq 40:16 Referans Kwoze

Jaceuq 35:27

Ngar tsaq-awr dawr-eu jeq mr-eu gar nuikhanr shir-eu tsawrhaq deuq, Laqkhaq caer-eu mirnae gurgur-aer bi caergha law; Aqyawfmaf maq naqlerni heulof-aer bi’aer law, “Aqyawf-euq kuirlaf zaqkhav muiqlar sanrlar-eu gar nuikhanr shir-eu Ya’we Miqyaer-anr ciqhuiq ciqmanr kar-eur.”

Jaceuq 68:3

Aerkhawf, tsaq-awr dawr-eu tsawrhaq deuq-anr bi lurgha bi caergha-awq; Aqyawf maf-anr Miqyaer-euq maeqshi laqkhaq bicaer-awq. Aqyawf maf-anr laqkhaq yawkhav-aer bicaer-awq.

Gʼaˬkʼehˇ 19:17

Garkawv heu-aq, Erpersu-anr jawr-eu Yurdav tsawrhaq hawr-eu, Heqlaqsar tsawrhaq dawqtawvluf yasiq-euq mae. Aqyawfmaf dawqtawvluf guv duidui-awr, Sanqpaq Yeqsur-euq tsawrmyanr-anr yawkhav-aer ciqhuiq ciqmanr-eu mae.

Jaceuq 119:123

Nawq-euq kakhof-eu jeq hawr-eu nawq-euq tsaq-awr dawr-eu dawq-anr, Yawkhav-aer povtser-euq mirnae, ngaq-euq myavnuiv, myavghaq baq mir-a.

Jaceuq 105:3

Aqyawf-euq shawr-eu tsawrmyanr-aq, yawshaef khanqsaer huiq-awr, Ya’we Miqyaer-anr pov-eu tsawrhaq deuq-euq nuima laqkhaqcaer luf-ur.

Jaceuq 22:26

Irshaqzaq nuikhanr tiqshir ya dzaqdaev-awr; Ya’we Miqyaer-anr pov-eu deuq, aqyawf-anr ya jaceuq taef-a. Nawq-euq nuima mqmaq maqbyav yarzir daef luf-ur!

Jaceuq 119:111

Nawq-euq dawqdzawr-aq, ngaq-euq nuima gharduq laqkhaq caer-eu jeq pyeuf-eu mirnae, Mqmaq maqbyav yarzir ngaq-euq jeqbir pyeuf-eu mae.

Jaceuq 119:81

Ngaq-euq nuima saflar, Nawq-euq kakhof-eu jeq-anr za’mawf duidui-awr; Ngar, nawq-euq dawq-anr noeqtmq-eu ma.

Jaceuq 35:21

Aqyawfmaf, ngaq-anr muir-eu laer khaqmae ghawqloeni mrnga-awr aer-eu, “Haeqde-eq, haeqde-eq! Nga’maf-euq myavnuiv nae mawrjir-euq ma.”