Jaceuq 4:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Tsawrhaq ghawqmya’ni aer-eu, “Aqsur ghaq, aqdui-anr yawmuiq tiqjeqnav bimawr naeqlaf-eu?” Ya’we Miqyaer-or! Yawshaef bya-eu nawq-euq myavpyawq, nga’maf jawr-eu paw ciqpyawr lef-awq.

Akha

⁶ “Sahˬpaˬ Miˬyehˇ-oˇ, nga maꞈ-ahˇ, gʼawˬshaˬtiˬpoˆhaw gaˬlaꞈ-awˇ, guiˬlahˬ shehˬlahˬnehˬlaꞈ-awˬ” lehˇ tsawˇhaˬgʼawˬmya ni shaˇ-eu meh.

Jaceuq 4:6 Referans Kwoze

Jaceuq 80:19

Guirmaf-euq Miqyaer pyeuf-eu Ya’we Miqyaer-or, Nga’maf-anr lavmuiqkhof naeqlaf-awq. Nga’maf kakhof-eu jeq za’ni, Nawq-euq myavpyawq-anr nae yawshaef bi byadov lef-awq!

Jaceuq 119:135

Nawq-euq kuirlaf zaqkhav-euq khoertav, Nawq-euq myavpyawq-euq yawshaef bya’naeq lef-awr, Nawq-euq zanrtaq khoftaq, ngaq-anr maeqnaeq laf-awq.

Jaceuq 80:7

Guirmaf-euq Miqyaer-or! Nga’maf-anr lavmuiqkhof naeqlaf-awq. Nga’maf kakhof-eu jeq za’ni, nawq-euq myavpyawq-anr nae yawshaef bi byadov lef-awq!

Jaceuq 89:15

Laqkhaq caerlar-eu tersar siqnya-eu tsawrhaq-aq, Guiqlanq huiq-eu mae. Ya’we Miqyaer-or! Aqyawfmaf, Nawq-euq myavpyawq-euq yawshaef-euq lafkhoer canluf-eu mae.

Jaceuq 67:1

Miqyaer, aqdui-anr ghawqshaq gaq-awr, guiqlanq bifnaeqlaf luf-ur. Aqyawf-euq myavpyawq aqdui-euq khoertav yawshaef bya’naeqlaf luf-ur. Sela.

Luˇkaꞈ 16:19

“Smrmuiq smrbaw tiq ghaq jawr-eu mae. Aqyawf nerpuir puir-eu maeqtsoeq hawr-eu sheqsha maeqtsoeq dm-awr, yawqnan navluf byaeqlaeq shaevdae-aer yawbui builuf-eu mae.

Jaceuq 44:3

Aqyawfmaf, yawqha-euq micaer nae mirtsaq deuvza-euq maqngeur-a. Yawqha-euq lafdu nae ghaqler-euq khawf maqngeur-a. Aerkhawf, nawr, aqyawf maf-anr ghoer mr-eu nawq-euq myavpyawq-euq yawshaef hawr-eu, Nawq-euq armar laf-euq lafdu-euq baqda’nae mae.

Jaceuq 39:6

Aqdir aernar-aq, tsawrhaq yawqghaq navluf doedoe-aer canluf-eu heu-aq, narshmr-anr dur-awr, Aqyawfmaf tiqjeq-iq gardanr maqtsoeq-eu gar banqghasaef luf-eu mae. Aqyawf, pyurshuir myawqganq povcu taq-euq khawf, aqsur ghaq-anr of-ir-eu laer maq siqnya-a.

Jaceuq 21:6

Nawr, aqyawf-anr mqmaq maqbyav yarzir guiqlanq biza duidui-awr; Nawq-euq maeqshi, nawr, aqyawf-anr laqkhaq yawkhav-aer bicaer-euq mae.

Yaˬkoˆ 4:13

Narhaq sher-eq! “Iqnan maqngeur nar-aq, nishawq, nga’maf meuq tiqmeuq nav-anr ir-awr, khoergar tiq khof jawr-ir ma. Jeqgafgaf ngae jirjeuq za taef-a” laer nawmaf tiqpavnav deuq aerluf-eu mae.

Luˇkaꞈ 12:19

Khoernar-aq, ngar, ngaq-euq saflar-anr heulof-aer aernaeq ma, “Ngaq-euq nuima-or! Nawr-aq, ghawqmya khof-euq gharduq myawqganq ghawqmya’ni povuiq taq-euq mae. Sarlaevni daef-awr, tiqdaev dzaq, tiqdaev dawrdawr-aer laqkhaq caertavni daef-awq.” ’

Jaceuq 42:5

Ngaq-euq nuima saflar-or, Aqjeq ghae-eu mrnyoeq saef-eu le? Aqjeq mirnae, nawr, ngaq-euq lafkhoer maqsar marsar-aer ghaesaef-eu le? Miqyaer-anr noeqtmq-awq. Aqjeq mirnae aernar-aq, Miqyaer, ngaq naeq-aer jawr-awr cawba naeqlaf-eu mirnae, Ngar, aqyawf-anr jaceuq le siq.