Jaceuq 39:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aqdir aernar-aq, tsawrhaq yawqghaq navluf doedoe-aer canluf-eu heu-aq, narshmr-anr dur-awr, Aqyawfmaf tiqjeq-iq gardanr maqtsoeq-eu gar banqghasaef luf-eu mae. Aqyawf, pyurshuir myawqganq povcu taq-euq khawf, aqsur ghaq-anr of-ir-eu laer maq siqnya-a.

Akha

⁶ naˇshmˇbaˇ-eu loˆ ni tehꞈ meh. Kʼaˇ mˇ-eu jeˬ yawꞈngehꞈpyeuꞈ-awˇ, pyuˇshuiˇduˬgahˬpoˆcu taˬkʼawꞈ, aˬsuˇgʼaˬ-ahˇ oꞈ-eu maˬsiˬ.

Jaceuq 39:6 Referans Kwoze

Yaˬkoˆ 4:14

Aqdir aernar-aq, nishawq aqjox-aer pyeuflar-eu laer nawr maq siqnya-a. Nawmaf-euq daefzir aqgeu jeq-anr dur-eu nga? Tiqkhaeq taef-aer ya’mawr-awr byov-ir-eu ircuf-euq safkhoeq lof-aer dur-eu mae.

1 Gawˇliˬtu 7:31

Mirtsaq-anr tafler-eu jeq zmq-eu deuq, maq zmqbanqni daef-awq. Aqjeq mirnae aernar-aq, mirtsaq heu-anr taf-eu deuq byov-ir luf-eu mae.

1 Beˬtuˆluˆ 5:7

Miqyaer, nawmaf-euq gharduq sharnoeq luf-eu mirnae, nawmaf khanqlanr-eu yawqjeq navluf, aqyawf-anr a’naeq-awq.

Luˇkaꞈ 12:29

“Nawmaf aqjeq yadzaq yadawr-eu nga laer taqpov. Khanq khawf taqlanr.

Dawqdaq 13:22

Tsawrmuiq-aq, yawqha-euq oeqpaq oeqma deuq-anr jeqbir taqyaf nya-eu mae. Aerkhawf, iqbaxzaq-euq pyurshuir myawqganq-aq, Tsaq-awr dawr-eu tsawrhaq-euq gharduq, jeqhmq taq-euq mae.

Jaceuq 127:2

Uqshawq yawnaf-aer tur-awr uqcif mirlanni, Yawdaef daef-eu gharduq mrsaef lef-euq khawf, Tiqjeq-iq gardanr maqtsoeq-a. Aqjeq mirnae aernar-aq, Miqyaer, aqyawf gaq-eu tsawrhaq-anr, Yawmuiq-aer bi yufkhav-eu mae.

1 Beˬtuˆluˆ 1:24

Aqjeq mirnae aernar-aq, “Tsawrhaq dawqtawvluf yarmof lof-aer dur-awr, aqyawf maf-euq khanqsaer dawqtawvluf khawf, yarmof-euq aryaev lovni taef mae. Yarmof-aq, nyoeq-ir kov-ir-awr, aryaev khawf juq-ir ga-ir-eu mae.

Yaˬkoˆ 5:3

Nawmaf-euq pyur hawr-eu shuir khawf shmrkaw kawjir-euq mae. Shmrkaw khoer nawmaf nae mr-euq iqbax-anr toeqmaeq-eu jeq pyeuf-eu uqtaf, miqdzaq lof-aer nawmaf-euq shaqjir-anr puivdzaqjir taef-a. Nawmaf, arsaq saq-eu arnan aryamq-euq gharduq, myawqganq pucu povuiqcu taq-euq nga.

Dawqdaq 27:24

Aqjeq mirnae aernar-aq, Pyurshuir myawqganq-aq, aqmyanluf maqgmq-aer, Shuir uqkhov khawf, tiqzir sair tiqzir maq zifnya-a.

Dawqdaq 23:5

Nawr, nawq-euq myavnuiv, Yawqngaef pyeuf-ir-eu jeq-anr hawluf-eu le laq? Aqjeq mirnae aernar-aq, pyurshuir myawqganq-aq, Yawqha yawqha aqdanr tsoflar-awr, Khaqdzer lof-aer mq paw zawbyovghae nya-eu mae.

Jaceuq 89:48

Tiqjawr-iq maqshirni daefnya-eu tsawrhaq aqsur ghaq jawr-eu la? Aqyawf, lmqbymr-euq baoq-anr nae aqyawf-euq daefzir bibuq-ir nya mae laq? Sela.

Jaceuq 144:4

Tsawrhaqzaq-aq, saf-anr dur-awr, Aqyawf-euq arnan aryamq-aq, tiqkhaeq nar-aq byov-ir-eu narshmr-anr dur-eu mae.

Luˇkaꞈ 12:26

Nawmaf nyir duidui-eu jeq-anr khawf maq janrnya-eu gar nae, aqjeq mirnae nuideuq-anr khanqlanr-eu le?