Jaceuq 38:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Ngar yawkhav-aer bi gheu’aw-awr shaqzanq naf-eu lafkhoer, Nan’ga-i tsawrngoer ngoerluf-eu ma.

Akha

⁶ Naˇgawˇdzahˬ-eu maˬtuˇcoeˇ-ehˇ, uˬbya uˬciˬ ya ngoeˇciꞈnya.

Jaceuq 38:6 Referans Kwoze

Jaceuq 35:14

Ngar, yawqha-euq maernmr hawr-eu cawq lof-aer sawx-awr luvlav mr-awr; Yawqha-euq aqma-euq gharduq tsawrngoer ngoer-eu lof-aer, ghawqshaq-aer awbyav-euq ma.

Jaceuq 42:9

Ngaq-euq logur pyeuf-eu, ngaq-euq Miqyaer-anr ngar heulof-aer aernaeq ma, “Nawr, aqjeq ghae-eu ngaq-anr ngaer naeqlaf-eu le? Ngar, aqjeq ghae-eu muir-eu deuq nyaefsuf lar-eu baqda’nae tsawrngoer ya’ngoer-eu la?”

Jaceuq 43:2

Aqjeq mirnae aernar-aq, nawr-aq, ngaq-anr ghaq bif-eu Miqyaer mae. Aqjeq ghae-eu, nawr, ngaq-anr taedzae naeqlaf-eu le? Ngar, aqjeq ghae-eu muir-eu deuq nyaefsuf lar-eu baqda’nae tsawrngoer ya’ngoer-eu la?

Jaceuq 42:5

Ngaq-euq nuima saflar-or, Aqjeq ghae-eu mrnyoeq saef-eu le? Aqjeq mirnae, nawr, ngaq-euq lafkhoer maqsar marsar-aer ghaesaef-eu le? Miqyaer-anr noeqtmq-awq. Aqjeq mirnae aernar-aq, Miqyaer, ngaq naeq-aer jawr-awr cawba naeqlaf-eu mirnae, Ngar, aqyawf-anr jaceuq le siq.

Jaceuq 145:14

Ya’we Miqyaer, kharcoq-ir-eu tsawrhaq-anr ciqtur naeq-awr; Khar awbyav-eu tsawrhaq-anr ciqgor naeq-eu mae.

Jaceuq 88:9

Shaqzanq-euq baqda’nae, ngaq-euq myavnuiv maqpar ganr mir-a. Ya’we Miqyaer-or! Yawqnan navluf, ngar, nawq-anr kurluf-awr; Ngaq-euq aqlaf, nawq-anr cawqjalaf luf-eu ma.

Jaceuq 57:6

Aqyawfmaf, ngaq-euq aqkuir-anr bawghaf khmrtaq-euq mae; Ngaq-euq nuima saflar awbyav-awr; Aqyawfmaf, ngaq-euq garma-anr shaqduq duqtaq-euq mae; Aerkhawf, aqyawfmaf, yawqha nae duq-euq gar yawqha ga’anr-euq mae. Sela.

Jaceuq 31:10

Ngaq-euq daefzir nuima cawv-eu lafkhoer zir jirle luf-awr, Ngaq-euq arkhof arla-aq, saf safma ghawr-eu lafkhoer jirleluf mir-a. Ngaq-euq yawlaeq yawca-euq baqda’nae, ngar ghaq juq-ir luf-awr, Ngaq-euq shaqyoeq shaqlaf ghaq baq-ir luf mir-a.

Jaceuq 6:6

Ngar manrmanr-aer shaq-awr ghaqdoerdoer nya. Ngaq-euq yufduq mirlan-aer myavbir nae danqbyan jir-awr, Ngaq-euq myavbir nae yufzar-anr yoeraq jir-euq mae.

Jaceuq 107:17

Aqdzawq argan-aq, yawqha-euq yawbanq yawlaeq hawr-eu, Yawqha-euq yawlaeq yawca-euq baqda’nae shaqzanq yadaq-eu mae.