Jaceuq 38:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Ngaq-euq daefzir yur-eu laer pov-eu tsawrhaq deuq, ngaq-euq maeqshi lanrju khmrtaq-awr, Ngaq-anr lavnar-eu laer pov-eu deuq, nan’ga-i jaqmyawf maershuir-euq bawqtov tov-awr lavcawv-eu gharduq ngaeq-eu mae.

Akha

¹² Ngaˬ-ahˇsehꞈmawꞈ-eu tsawˇhaˬdeuˬ, ngaˬ-euˬmehˬshi lahˇju kʼmˇ-awˇ, ngaˬ-ahˇcoeˬmawꞈciˆmawꞈ-eu deuˬ, dawˬkʼaˆngehˬ-awˇlmˬ-eu laꞈkʼoeˇ, ngaˬ-ahˇlaˆshaˬ-eu lehˇjawˬ-eu, jawˇnaˬmˇ-eu maˬdah-iˬ-a.

Jaceuq 38:12 Referans Kwoze

Jaceuq 35:20

Aqjeq mirnae aernar-aq, aqyawfmaf tsaqler dzoerler-eu dawq maqngaeq-aer, Mirkhanq-anr jawr-eu ciqcurni ghae-eu tsawrhaq-anr maershuir shuir-eu jeq tov-eu mae.

Jaceuq 140:5

Nuima huiq-eu tsawrhaq, ngaq-anr lanrju hawr-eu cavpyeuv khmrzaf taq-euq mae; Aqyawfmaf, garma gardzer bawghaf khmrtaq-awr, Ngaq-anr lafpeu khmrtaq-euq mae. Sela.

Jaceuq 141:9

Ngaq-anr aqyawfmaf nae khmrtaq-euq lanrju-anr taqbi pafler naeqlaf. Yawlaeq yawca jeq mr-eu deuq-euq yadmq-anr nae bidzeur-ir laf.

Jaceuq 35:4

Ngaq-euq daefzir yur-eu laer pov-eu deuq, bi shafdawr-ir-awr daqga-ir luf-ur. Ngaq-anr lavnar-eu laer tov-eu deuq, yawbanq yawlanr-aer pyeuf-ir-awr narkhan paw ghof-ir luf-ur.

Jaceuq 119:110

Tsawrcawv, ngaq-anr lanrju khmrtaq-euq mae. Aerkhawf, ngar, nawq-euq maeqdawq-anr nae maq canbyov.

Jaceuq 54:3

Aqjeq mirnae aernar-aq, boermiq siqkhaq, Ngaq-euq daefzir yur-eu laer turlar taq-awr; Khaeq-awr khav-eu deuq ngaq-anr saef-eu laer povluf-eu mae. Aqyawf maf-aq, Miqyaer-anr yawzeu maqbaw-a.

Jaceuq 10:9

Arlaqjaqshir, yawqha-euq byoe-anr dzurzaf taq-awr lofluf-eu lof-aer, Aqyawf, irshaqzaq-anr nyaef-eu laer lofluf-awr, aqyawf-euq za nae irshaqzaq-anr khmrpaf-awr nyaef-eu mae.

Jaceuq 31:12

Aqcawq, ngaq-anr shirbyov-euq tsawrhaq-anr lof-aer, ngaerjir naeqlaf-euq mae. Ngar-aq, meur-ir-euq oeqlanq-anr dur-eu mir-a.

Jaceuq 41:5

Ngaq-anr muir-eu deuq, ngaq-anr yawdoer aer-eu mae; “Aqyawf-euq tsawrmyanr byov-ir ni, aqmyan shir-eu laer ghae-eu la?”

Jaceuq 69:9

Ngar, nawq-euq nymr-anr nuima keuv duidui-eu mirnae, ngaq-anr ur gawrlar luf-eu nya, Aqcawq, nawq-anr yaeqbawq-aer aer-euq dawq khoerdeuq dawqtawvluf, ngaq-anr gadavle taq-euq mae.

Jaceuq 88:9

Shaqzanq-euq baqda’nae, ngaq-euq myavnuiv maqpar ganr mir-a. Ya’we Miqyaer-or! Yawqnan navluf, ngar, nawq-anr kurluf-awr; Ngaq-euq aqlaf, nawq-anr cawqjalaf luf-eu ma.

Dawqdaq 19:7

Irshaqzaq-anr aqyawf-euq maernmr dawqtawvluf khawf, byae-eu ngeur nar-aq, Aqyawf-euq cawqdeuq ngeurdzaeq, armanni kaq-eu gar caevbyov-eu paq nga? Aqyawf tanqshar-eu dawq, ngaeqngaeq-aer cantae-eu khawf, Aqyawfmaf, aqyawf-anr myavhaw maq cawqnaeq-a.