Jaceuq 34:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqyawfmaf, aqyawf-anr haw ngae, yawshaef byalar-awr, Aqyawf maf-euq myavpyawq daq maqya ga-ar.

Akha

⁵ Shaˬzaˬzahˬzaˬyawꞈ-ahˇhaw ngeh, myaˆpyawˬbya cehˆni bya laˇ-awˇ, tiˬjawˇ-iˬmaˬya shaꞈdawˇ-a.

Jaceuq 34:5 Referans Kwoze

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.

Jaceuq 25:3

Nawq-anr khar dawqluf-eu tsawrhaq-anr khawf, taqbi shafdawr-ir naeqlaf. Tiqjeq-iq maqngeur-eu gar janrdoer naeqlaf-euq deuq-anr bi shafdawr-ir-awq.

Jaceuq 18:28

Nawr, ngaq-euq tsirkhmq keuqdof naeqlaf-eu mirnae; Ngaq-euq Miqyaer pyeuf-eu Ya’we Miqyaer, ngaq-euq yawzanr-anr yawshaef bi byalar-eu mae.

Jaceuq 97:11

Tsaq-awr dawr-eu tsawrhaq-euq khoertav yawshaef saeqdav naeq-awr, Nuima-euq lafkhoer dawrcoeni ghae-eu tsawrhaq-euq khoertav, Laqkhaq caer-eu jeq saeqdavnaeq taef-a.

Jaceuq 36:9

Aqjeq mirnae aernar-aq, nawr daef-eu jeq bif-eu cuq jav-awr; Nawq-euq yawshaef-euq lafkhoer, nga’maf yawshaef mawrnya-eu ma.

Jaceuq 13:3

Ngaq-euq Miqyaer pyeuf-eu Ya’we Miqyaer-or! Ngaq-anr narhaq-awr sharnoeq naeqlaf-awq. Ngar yuf ngae, yufkhav byov-awr shir-eu gar maqya keuvni, ngaq-euq myavnuiv bi mawrnya naeqlaf-awq.

Jaceuq 83:16

Ya’we Miqyaer-or! Aqyawfmaf, nawq-euq tsawrmyanr-anr povni; Aqyawf maf-euq myavpyawq tiqpawf-iq maqjavni, daq biga-ir-awq.

Jaceuq 3:5

Ngar gayuf ghae-awr yufkhav-euq ma. Ya’we Miqyaer hawsav naeqlaf-euq mirnae, par noeqlar nya-euq ma.

Jaceuq 50:15

Gardzaq garkawv keuvle ngae nan, ngaq-anr kur-awq. Ngar, nawq-anr bibuq-ir-awr, nawr, ngaq-anr jaceuq taef-a.”

Jaceuq 50:23

Jaceuq-eu jeq kharlawr-eu ghaq-aq, Ngaq-anr ciqhuiq ciqmanr-eu mae; Yawqha yawmuiq-aer daefni laeqhmq-awr daeftsaq daeftsanr-eu tsawrhaq-anr, Miqyaer-euq kakhof-eu jeq-anr ngar bimawr ma.”

Jaceuq 138:3

Ngar, nawq-anr kur ngae nan-anr nawr, ngaq-euq dawq narhaq naeqlaf-awr, Ngaq-euq nuima saflar ghaq bi anrlar-awr khaqduqni bi ghaelar naeqlaf-euq mae.