Jaceuq 34:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Nawmaf zaqdeuq lar-awr, ngaq-anr narhaq lar-awq. Ngar, nawmaf-anr Ya’we Miqyaer-anr guv-eu jeq maeqnaeq nyar.

Akha

¹¹ Zaˬguˬdeuˬngaˇjawˇgaˇlaˇ-awˇ, ngaˬ-euˬdawˬ-ahˇnaˇhaˬlaˇsheˇ. SahˬpaˬMiˬyehˇ-ahˇzeu-eu jeˬ, naw maꞈ-ahˇngaˇmehˬduˬnehˬnyaˇ.

Jaceuq 34:11 Referans Kwoze

Dawqdaq 1:7

Ya’we Miqyaer-anr guv-eu jeq-aq, siqnya-eu tsawrganr-euq ardanq baeduq mae. Aerkhawf, aqdzawq argan-aq, zaqsiq tsawrganr hawr-eu maeqdawq tsovdawq-anr hawdoer-eu mae.

Jaceuq 111:10

Ya’we Miqyaer-anr guv-eu jeq-aq, zaqsiq tsawrganr-euq ardanq baeduq mae. Aqyawf-euq zanrdawq khofdawq-anr khar mrcaw-eu tsawrhaq deuq-aq, Yawmuiq-aer ghovshaw nya-eu tsawrhaq mae. Aqyawf-anr jaceuq-eu jeq mqmaq maqbyav yarzir gmq taef-a.

Jaceuq 32:8

Miqyaer aer-eu, “Ngar, nawr ya’ir-eu garma, nawq-anr maeqnaeq-awr bi ganrlar ma. Ngar, nawq-anr, ngaq-euq myavnuiv nae sheuqghaenaeq ma.

Dawqdaq 8:17

Ngaq-anr gaq-eu tsawrhaq-anr ngar gaq-awr, Laejae-awr ngaq-anr pov-eu deuq, Ngaq-anr povmawr taef-a.

Dawqdaq 7:24

Khoermirnae, ngaq-euq zaqdeuq-or! Ngaq-anr narhaq sher-eq. Ngaq-euq khaqmae-anr nae dovle-euq dawq-anr yawmuiq-aer narhaq-awq.

Dawqdaq 4:1

Ngaq-euq zaqdeuq-or! Aqda maeqpar-eu gar narhaq sher-eq. Ghovshaw nya-eu jeq-anr siqnya larni yawmuiq-aer narhaq-awq.

Jaceuq 66:16

Miqyaer-anr guv-eu nawmaf dawqtawvluf lar-awr narhaq lar-awq. Ngar, nawmaf-anr aqyawf nae ngaq-euq nuima saflar-euq gharduq, Mrnaeq laf-euq jeq dzawrnaeq nyar.

Dawqdaq 22:6

Zaq can paq-aer ghae-eu garma maeqduq naeq-awq. Aqyawf arkhof lar ngae, garma heu-anr nae maqdov-ir-ar.

2 Tiˆmoˇseˬ 3:15

Khoeruqtaf, nawr-aq, nyir ngae nae Yawshawr Yaerbof-anr siqnya luf-eu mae. Yaerbof khoer-aq, nawr, Yeqsur Kali-anr jan-eu mirnae, kakhof-eu jeq za’nya-eu zaqsiq tsawrganr bifnya-eu mae.

Dawqdaq 8:32

“Khoermirnae, ngaq-euq zaqdeuq-or! Nymq-mr, ngaq-anr narhaq-awq. Aqjeq mirnae aernar-aq, Ngaq-euq garma-anr can-eu tsawrhaq-aq, guiqlanqhuiq taef-a.

Yoˇhaˬ 13:33

Ngar gaq-euq zaqdeuq-or! Ngar, nawmaf naeq-aer ghawqmyanrni maqpar yajawr-eu mae. Nawmaf, ngaq-anr pov taef-a. Aerkhawf, ‘Ngar ir-eu gar nawmaf maq oenya-a’ laer ngar, Yurdav tsawrhaq-anr aernaeq-euq lof-aer, nymq-mr ngar, nawmaf-anr khawf aernaeq-eu ma.

Jaceuq 23:1

Ya’we Miqyaer, ngaq-anr yawr bo-eu lof-aer, bosav luf-eu mae; Ngar tiqjeq-iq maqnym.

Jaceuq 107:9

Aqjeq mirnae aernar-aq, aqyawf geufmawf-eu nuima saflar nuikhanr bishir-awr; Maef-eu nuima saflar-anr yawmuiq jeq bi dzaqdaev-eu mae.

Jaceuq 112:3

Aqyawf-euq nymr-euq lafkhoer pyurshuir myawqganq javlar-awr smrmuiq smrbaw bawlar-awr; Aqyawf-euq tsaq-awr dawr-eu jeq mqmaq maqbyav yarzir zif taef-a.