Jaceuq 32:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Heu-euq baqda’nae, nawq-anr sarjax zif-eu yawqghaq navluf, Nawq-anr mawrnya-eu aryamq pyeuf ngae, Nawq-anr guiqlanqshar taef-a. Ircuf ghawqmya’ni danqlar-eu khawf, Yawduq bawni, aqyawf-euq dawqpae maq danqkeuv lar-ar.

Akha

⁶ Guˆ-eu gaˆ-eu iˇ jeuˬoe ngeh, luˬgaˇseˇgaˇ maˬya keuˆni, nawˬ-ahˇsaˇjaˇziꞈ-eu tsawˇhaˬ, zahˬngeh guiˬlahˬshaˇnya luꞈ-uˇ.

Jaceuq 32:6 Referans Kwoze

2 Gawˇliˬtu 6:2

Aqjeq mirnae aernar-aq, Miqyaer aer-eu, “Aryamq tsaq ngae, ngar, nawq-euq shardawq-anr narhaq-euq ma. Kakhof-eu arnan ngae nan, ngar, nawq-anr cawba-euq ma.” (Isy 49:8) Hawsher-eq. Nymq-mr-aq, aryamq tsaq-eu mae. Iqnan-aq, kakhof-eu arnan mae.

Yoˇhaˬ 7:34

Nawmaf, ngaq-anr pov taef-a. Aerkhawf, maq povmawr nya-ar. Nawmaf, ngar jawr-eu gar maq larnya-a.”

Dawqdaq 1:28

Aqyawfmaf, ngaq-anr kur-eu khawf, ngar oq maqtoq-aer, Aqyawfmaf, ngaq-anr povsaeflef khawf, ngaq-anr maq povmawr nya-ar.

Jaceuq 4:3

Aerkhawf, nawmaf heu-anr siqnya-awq. Ya’we Miqyaer, aqyawf-euq gharduq aqyawf-anr yawzeu baw-eu tsawrhaq tserdov taq-euq mae. Ngar, Ya’we Miqyaer-anr kur ngae, aqyawf, ngaq-anr narhaq naeqlaf-eu mae.

Jaceuq 144:7

Yawgor-anr nae nawq-euq aqlaf cawqja lef-awr, Boermiq siqkhaq-euq aqlaf hawr-eu ardzaeq-aer myaq-eu ircuf-anr nae, Ngaq-anr gheudov-awr bibuq-ir naeqlaf-awq.

Jaceuq 42:7

Nawq-euq ircuf tsawqga ga-eu tersar nae, yawnaf-aq, yawnaf-anr kurluf-eu mae. Nawq-euq irluv hawr-eu irkhawr dawqtawvluf, ngaq-anr danqpymq taq-euq mae.

Jaceuq 40:3

Aqyawf, ngaq-euq khaqmae-euq lafkhoer, Aqdui-euq Miqyaer-anr jaceuq-eu cardawq yawshuif dawvanr naeqlaf-euq mae. Tsawrhaq ghawqmya’ni ya’mawr-awr Ya’we Miqyaer-anr guv-eu lafkhoer, aqyawf-anr ghoelar taef-a.

Tiˇtuˆ 2:12

Guiqlanq yawdzanr khoer, aqdui-anr heulof-aer maeqnaeq laf-eu mae. Miqyaer-anr yawzeu maqbaw-eu jeq-anr hawr-eu heuzir-anr maerjuir juir-eu jeq-anr byaerdzae-awq laer maeqnaeq laf-eu mae. Mirtsaq-euq khoertav jawr ngae, nuima taqnya-awr, tsaq-awr dawr-eu lafkhoer daef-eu uqtaf, Miqyaer-anr yawzeu baw-eu tsawrhaq pyeuf-awq laer khawf maeqnaeq laf-eu mae.

2 Gawˇliˬtu 1:4

Miqyaer, aqdui-anr nuima bi sarlar-euq lof-aer, khaeq-awr khav-eu kharngeur-eu jeq-anr yadaq-eu tsawrhaq-anr nuima bi sarlar nya’ni, aqdui nae yadaq-euq khaeq-awr khav-eu yawqjeq navluf-euq lafkhoer, aqyawf, aqdui-anr nuima bi sarlar naeqlaf-euq mae.

1 Tiˆmoˇseˬ 1:16

Aerkhawf, Yeqsur Kali arnavni orcoer-eu nga laer aqyawf panmaeqnaeq mawf-eu mirnae, ngar, aqcawq navmaqtser iqbax huiq-eu khawf, aqyawf, ngaq-anr ghawqshaq gaqnaeq laf-euq mae. Khoer-aq, arnan, aqyawf-anr jan-eu baqda’nae mqmaq maqbyav yarzir daef-eu jeq za-eu tsawrhaq deuq bi dzawgeuf-eu gharduq pyeuf-eu mae.

Jaceuq 91:7

Nawq-euq dawqpae 1,000 ghaq coq-ir-eu baw-mr; Nawq-euq armar paw 10,000 ghaq coq-ir nya taef-a. Aerkhawf, nawq-euq dawqpae maq larkeuv-ar.