Jaceuq 32:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Ngar, ngaq-euq yawlaeq yawca maqzafni, Ngaq-euq iqbax nawq-anr ja’naeq-euq ma. Ngar heulof-aer aer-euq ma, “Ngar, ngaq-euq yawbanq yawlaeq, Ya’we Miqyaer-anr aerdovnaeq ma.” Khoerngae, nawr, ngaq-euq yawbanq yawlaeq-anr sivbyov naeqlaf-euq mae. Sela.

Akha

⁵ Kʼoeˇnaˇ yaw lehˬmaˬpaˇzaꞈni, ngaˬ-euˬ iˬbaˇja doˆ-euˬma. “Iˬbaˇkʼaˇmˇtaˬ-euˬdawˬtawˆ, SahˬpaˬMiˬyehˇ-ahˇdzawˇma” lehˇ, yawˬhaˇyawˬha ngaˇehˇngeh jawˇ, nawˇiˬbaˇpyehˬnehˬlaꞈ-euˬmeh.

Jaceuq 32:5 Referans Kwoze

Dawqdaq 28:13

Yawqha-euq yawbanq yawlaeq daeqkaq-eu laer laejae-eu tsawrhaq-aq, Tiqjawr-iq maq daefdzaq lar-a. Aerkhawf, yawqha-euq yawbanq yawlaeq aerdov-awr, Byaerdzae-eu tsawrhaq-aq, ghawqshaq gaq-eu jeq za taef-a.

Jaceuq 38:18

Ngar, ngaq-euq yawlaeq yawca dzawrdov ma. Ngar, ngaq-euq iqbax-euq baqda’nae nuima narluf-eu ma.

Jaceuq 103:12

Nanrma gakhaeq, dovkhaeq-anr nae armanni kaq nar-aq; Aqyawf, aqdui-euq yawbanq yawlaeq-anr khoermanni kaq-eu gar yurdzae naeqlaf-euq mae.

Jaceuq 30:5

Aqjeq mirnae aernar-aq, aqyawf nuima paer-eu tiqkhaeq larkhaeq taef-aer paer-awr; Aqyawf ghoer mr-eu jeq-aq, tiqzir zif-eu mae. Uqcif mirlan-aer ya’ngoer-eu law-awr khawf, Uqshawq paw laqkhaq caer-eu jeq keuvle-eu mae.

Eˇpeˇsu 4:32

Kali-euq lafkhoer, Miqyaer, nawmaf-anr iqbax pyaeqnaeq-euq lof-aer, nawmaf khawf tiqghaq tirghaq iqbax pyaeq-awr, nuima nanqyuni ghae-eu lafkhoer, tiqghaq tirghaq ghawqshaq gaq-awq.

Luˇkaꞈ 7:47

Khoermirnae, ngar, nawq-anr aernaeq nyar, Aqyawf-euq iqbax ghawqmya’ni bi pyaeqnaeq-euq mirnae, aqyawf-euq gaq-eu jeq khawf myaq-eu mae. Aerkhawf, iqbax uicuiv taef-aer bi pyaeqnaeq-euq tsawrhaq-aq, aqyawf-euq gaq-eu jeq khawf yawcuiv mae.”

Jaceuq 103:3

Aqyawf, nawq-euq yawlaeq yawca iqbax dawqtawvluf pyaeqnaeq-awr; Aqyawf, nawq-euq nargawr dawqtawvluf lavtaq naeq-eu mae.

Jaceuq 86:15

Aerkhawf, Sanqpaq Miqyaer-or, Nawr-aq, ghoer-awr gaq-eu jeq hawr-eu guiqlanq yawdzanr byan-awr, Nuinoeq ghawqmanrni noeqnya-eu uqtaf; Yawtsaq yawdawr hawr-eu, Ghawqshaq gaq-eu jeq byan-eu Miqyaer mae.

Jaceuq 86:5

Aqjeq mirnae aernar-aq, Sanqpaq Miqyaer-or, Nawr-aq, yawmuiq mae. Nawq-anr kur-eu tsawrhaq dawqtawv luf-anr, Ghawqshaq gaq-eu jeq byan-awr, aqmyanluf iqbax pyaeq-eu mae.

Dawqdaq 30:20

Aqcawq naeq-aer banq-awr joe-eu zaqmiq aqbur-euq garma-aq heulof-aer mae; Aqyawf dzaqghaq-awr khaqmae sivshawr-euq nar-aq, “Ngar yawlaeq yawca tiqjeq-iq maqmr-aq!” laer aer-eu mae.

Luˇkaꞈ 16:15

Khoerngae, Yeqsur, aqyawf maf-anr heulof-aer aernaeq-euq mae, “Nawmaf-aq, tsawrhaq-euq maeqshi tsaq-awr dawr-eu janrgeuf-eu khawf, Miqyaer, nawmaf-euq nuima-anr siqnya mae. Aqjeq mirnae aernar-aq, tsawrhaq taqhuiq-eu jeq-anr Miqyaer nuidav dav-eu mae.

Jaceuq 25:16

Ngar jawr-eu paw ciqpyawr lef-awr, ngaq-anr ghawqshaq gaqnaeq laf-awq. Aqjeq mirnae aernar-aq, ngar tiq ghaq taef-aer jawr-awr shaqzanq ya daqluf nya.

Jaceuq 25:18

Ngar shaqzanq ya daqluf-eu gar hawr-eu narluf gawrluf-eu gar haw-awr, Ngaq-euq iqbax dawqtawvluf pyaeqnaeq laf-awq.

Jaceuq 38:19

Aerkhawf, ngaq-anr muir-eu deuq-aq, ghaq khav-awr ghae duidui-eu mae. Tiqjeq-iq maqngeur-eu gar, ngaq-anr byae-eu deuq khawf, myaqlar taq-euq mae.

Jaceuq 51:6

Haeq, nawr, lafkhoer-euq yawtsaq yawdawr geufmawf-eu mae. Khoermirnae, lafkhoer zaftaq-euq pav-anr, Ngar zaqsiq tsawrganr siqnya larni maeqnaeq laf-awq.