Jaceuq 31:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqjeq mirnae aernar-aq, nawr-aq, ngaq-euq lanrlof hawr-eu logur pyeuf-eu mae. Khoermirnae, nawq-euq tsawrmyanr baqda’nae, Ngaq-anr sheuqghae-awr sheuqmaeq naeqlaf-awq.

Akha

³ Nawˇ-aˬ ngaˬ-euˬlo guˇhawˇ-eu, ziꞈdui dui-eu taˆpyeuꞈ-eu ma. Nawˬ-euˬtsawˇmyahˇsaˇjaˇbaˬda, ngaˬ-ahˇsheuˬgʼeh bo saˆnehˬlaꞈ.

Jaceuq 31:3 Referans Kwoze

Luˇkaꞈ 1:79

Yawzanr-euq lafkhoer shir-eu narshmr-euq uqmov jawr-eu tsawrhaq-anr yawshaef bya’naeq-awr, Aqdui-euq aqkuir-anr nuisar of-eu garma-anr sheuqmaeq naeqlaf taef-a.”

Jaceuq 79:9

Nga’maf-anr kakhof-eu ghaq pyeuf-eu Miqyaer-or, Nawq-euq tsawrmyanr yawshaef khanqsaer za’ni, Nga’maf-anr cawba naeqlaf-awq. Nawq-euq tsawrmyanr muiqni, nga’maf-anr bibuq-ir-awr, Nga’maf-euq iqbax-euq gharduq lawrdan-eu jeq laeqhmq naeqlaf-awq.

Yoˇhaˬ 16:13

Aerkhawf, yawtsaq yawdawr-euq Saflar oekeuv ngae, nawmaf yawtsaq yawdawr dawqtawv luf-anr siqnya larni aqyawf sheuqmaeq naeqlaf taef-a. Aqjeq mirnae aernar-aq, aqyawf-aq, aqyawf-euq aryaq zmq-awr maqngaeq-a. Aerkhawf, aqyawf nae kharya gaq-euq jeq aqyawf ngaeq-awr, aqkar pyeuflar-eu garkawv deuq khawf, aqyawf, nawmaf-anr aernaeqlaf taef-a.

Jaceuq 139:24

Khoernar-aq, ngaq-euq lafkhoer yawcawv-euq garma anr-eu nga laq laer haw-awr, Ngaq-anr mqmaq maqbyav yarzir-euq garma-anr sheuqghae naeqlaf-awq.

Jaceuq 43:3

Nawq-euq yawshaef hawr-eu yawtsaq yawdawr pyaeqghae lef-awr, Ngaq-anr bisheuq-awr nae, nawq-euq saqpar saeqghawv jav-eu, Nawq-euq yawshawr gawqjawq-anr bi sheuqkeuv naeqlaf-awq.

Jaceuq 25:11

Ya’we Miqyaer-or! Nawq-euq tsawrmyanr baqda’nae, Ngaq-euq yawlaeq yawca yawkhav-aer huiq-eu khawf, pyaeqnaeq laf-awq.

Jaceuq 25:5

Ngaq-anr nawq-euq yawtsaq yawdawr-euq lafkhoer sheuqghae naeqlaf-awr, ngaq-anr maeqnaeq laf-awq; Aqjeq mirnae aernar-aq, nawr-aq, ngaq-anr bibuq-ir-eu Miqyaer mae; Nan’ga-i ngar, nawq-anr dawqluf-eu ma.

Jaceuq 25:9

Aqyawf, nuinanq nuiyu anr-eu deuq-anr, dawr-awr tsaq-eu paw sheuqghae naeq-awr; Aqyawf, nuinanq nuiyu anr-eu tsawrhaq-anr, aqyawf-euq garma maeqnaeq-eu mae.

Jaceuq 18:2

Ya’we Miqyaer-aq, ngaq-euq logur, ngaq-euq lanrlof nymrzif hawr-eu ngaq-anr bibuq-ir-eu ghaq pyeuf-awr, Ngaq-euq Miqyaer, ngaq-euq logur hawr-eu ngar ghoeduq pyeuf-eu uqtaf, Ngaq-euq daeqdaqduq, ngaq-anr kakhof-eu uqcoer hawr-eu ngaq-euq zifduq pyeuf-eu mae.

Eˇpeˇsu 1:12

Khoer-aq, aqcawq-euq maeqhu Kali-euq lafkhoer noeqtmq-eu deuq, aqyawf-euq yawshaef khanqsaer-anr bi jaceuq-eu gharduq mae.

Jaceuq 71:3

Ngar aqmyanluf jawrlar nya-eu, Ngaq-euq gharduq ghaq khav-eu caevzafduq pyeufnaeq laf-awq. Nawr, ngaq-anr kakhof-eu gharduq khaerdawq bifdzeur-euq mae. Aqjeq mirnae aernar-aq, nawr-aq, ngaq-euq logur hawr-eu ngaq-euq lanrlof pyeuf-eu mae.

Jaceuq 102:3

Aqjeq mirnae aernar-aq, ngaq-euq arnan aryamq-aq, uqkhoeq lof-aer byovjir-awr; Ngaq-euq shaqyoeq-aq, tsawqbym-anr puivluf-eu lof-aer dur mir-ar.

Jaceuq 116:2

Aqyawf-euq naqbawr, ngaq-anr ciqkhmr naeqlaf-eu mirnae; Ngar khardaef-eu khoerkeuvni, ngar, aqyawf-anr kur ma.