Jaceuq 31:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Nawq-euq naqbawr, ngaq-anr ciqkhmr ghaelef naeqlaf-awr, Ngaq-anr yawkawr-aer bibuq-ir naeqlaf-awq. Ngaq-euq caevzafduq logur pyeufnaeq laf-awr; Ngar yabuq-ir ni, lofpir-eu zif-eu lanrlof pyeufnaeq laf-awq.

Akha

² Ngaˬ-euˬshaˇdawˬ-ahˇ naˇhaˬ-awˇ, yaw kawˇ-ehˇ ka kʼoꞈle nehˬlaꞈ. Ngaˬ-euˬgʼoe duˬlo guˇhawˇ-eu, ziꞈdah ni gʼeh-eu taˆloꞈ-ehˇ, ngaˬ-ahˇhaw teˬhaw piˇnehˬlaꞈ.

Jaceuq 31:2 Referans Kwoze

Jaceuq 102:2

Ngaq-anr gardzaq garkawv keuvle taq-euq arnan-anr, Ngaq-anr nae nawq-euq myavpyawq taq ciqzaf naeqlaf. Ngar, nawq-anr kur-eu arnan-anr, Nawq-euq naqbawr, ngaq-anr ciqkhmr naeqlaf-awr, Ngaq-anr yawkawr-aer oq toqnaeq laf-awq.

Jaceuq 86:1

Ya’we Miqyaer-or! Nawq-euq naqbawr ciqkhmr lef-awr, Ngaq-anr narhaq naeqlaf-awq. Aqjeq mirnae aernar-aq, Ngar-aq, shaqzaq zanqzaq pyeuf-eu irshaqzaq ma.

Jaceuq 130:2

Sanqpaq Miqyaer-or! Ngaq-euq tersar-anr narhaq naeqlaf-awq! Ghawqshaq gaqnaeqlaf laer, Ngar tanqshar-eu tersar-anr nawq-euq naqbawr ciqkhmr naeqlaf-awq.

1 Yoˇhaˬ 4:12

Tsawrhaq tiqghaq-iq Miqyaer-anr maq mawrhaw-aq. Aqdui tiqghaq tirghaq gaq nar-aq, Miqyaer, aqdui-euq lafkhoer jawr-awr, aqyawf-euq gaq-eu jeq aqdui-euq lafkhoer byanlar taef-a.

Yoˇhaˬ 6:56

Ngaq-euq shaqjir dzaq-awr ngaq-euq shiq dawr-eu tsawrhaq-aq, ngaq-euq lafkhoer jawr-awr, ngar khawf aqyawf-euq lafkhoer jawr-eu ma.

Luˇkaꞈ 18:8

Ngar, nawmaf-anr aernaeq nyar, aqyawf maf-euq gharduq yawtsaq yawdawr jeq yawkawr-aer janrnaeq taef-a. Aerkhawf, Tsawrhaq-euq Zaqyo zafkale ngae, mirtsaq-euq khoertav jan-eu jeq javluf-eu gar aqdir ya’mawr taef-a laq?”

Dawqdaq 22:17

Naqbawr ciqkhmr-awr, Tsawrganr anr-eu deuq-euq dawq-anr narhaq-awq. Ngaq-euq siqnya-eu tsawrganr-anr, Nuima pan-awr hageuf-awq.

Jaceuq 143:7

Ya’we Miqyaer-or! Ngaq-anr yawkawr-aer dawq ngaeqkhof naeqlaf-awq; Ngaq-euq saflar, ghaq jirshaw-iq mir-a! Nawq-euq myavpyawq, ngaq-anr nae taq ciqzaf naeqlaf, Maqngeur nar-aq, ngar duqkhanq-anr ir-eu deuq-anr durlar-eu baw-mr.

Jaceuq 94:22

Aerkhawf, Ya’we Miqyaer, ngaq-anr hawpir naeqlaf-eu mae. Ngaq-euq Miqyaer, ngar caevzafduq, logur pyeufnaeq laf-eu mae.

Jaceuq 91:9

Nawr, Ya’we Miqyaer-anr nawq-euq caevzafduq bipyeuf-awr, Gor duidui-eu ghaq-anr, nawq-euq jawrduq khawf bipyeuf-euq mirnae;

Jaceuq 90:1

Sanqpaq Miqyaer-or! Yawqzir navluf, Nawr-aq, nga’maf-euq jawrduq jawrzar pyeuf-eu ma.

Jaceuq 79:1

Miqyaer-or! Aqcawq tsawrjeuq, nawq-euq jeqbir-anr urle taq-euq mae. Aqyawfmaf, nawq-euq shawr-eu uqduq tanqnymr nymrma-anr, Maqshawrni bipyeuf-ir-awr; Aqyawfmaf, Yeqlursaqlaeq-anr lavpyav lavshavjir yaf-euq mae.

Jaceuq 69:17

Nawq-euq kuirlaf zaqkhav-anr nae, nawq-euq myavpyawq taq ciqzaf naeqlaf. Ngaq-anr gardzaq garkawv keuvle taq-euq mirnae, Ngaq-anr yawkawr-aer narhaq naeqlaf-awq.

Jaceuq 62:7

Ngaq-anr kakhof-eu jeq hawr-eu ngaq-euq khanqsaer, Miqyaer-euq lafkhoer jav-eu mae. Ngaq-euq ghaq pyeuf-eu logur hawr-eu ngar caevzafduq, Miqyaer-euq lafkhoer jav-eu mae.

Jaceuq 40:17

Ngar irshaq shaq-awr shaqzaq zanqzaq pyeuf-eu khawf, Sanqpaq Miqyaer, ngaq-euq garkawv sharnoeq naeqlaf-eu mae. Ngaq-euq Miqyaer-or, taq nyinaq naeqlaf. Nawr-aq, ngaq-anr cawba-awr bibuq-ir-eu ghaq mae.

Jaceuq 7:2

Maqngeur nar-aq, ngaq-anr bidzeur-ir naeqlaf-eu tiqghaq-iq maqjawr-aer, Aqyawfmaf, arlaqjaqshir lof-aer ngaq-anr gheupav gheushav-awr, caeqpyaq caeqsharjir naeqlaf taef-a.

Jaceuq 25:2

Ngaq-euq Miqyaer-or! Ngar, nawq-anr ghoe ma. Ngaq-anr taqbi shafdawr-ir naeqlaf; Ngaq-anr muir-eu deuq ngaq-anr taqbi ghaqlar naeqlaf.