Jaceuq 30:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqjeq mirnae aernar-aq, aqyawf nuima paer-eu tiqkhaeq larkhaeq taef-aer paer-awr; Aqyawf ghoer mr-eu jeq-aq, tiqzir zif-eu mae. Uqcif mirlan-aer ya’ngoer-eu law-awr khawf, Uqshawq paw laqkhaq caer-eu jeq keuvle-eu mae.

Akha

⁵ Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

Jaceuq 30:5 Referans Kwoze

2 Gawˇliˬtu 4:17

Nymq-mr nga’maf tiqkhaeq-euq lafkhoer ya daqluf-eu pyarsawvni ghae-eu shaqzanq heudeuq-aq, maq ciqcaev nya-eu myaq duidui-awr, mqmaq maqbyav yarzir, huiq-eu yawshaef khanqsaer-anr nga’maf-anr biza-eu gharduq mrluf-eu jeq pyeuf-eu mae.

Maꞈtehˬ 5:4

“Ghawqshaq-aer ghae-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawf maf-anr bi noeqsarlar taef-a.

Jaceuq 103:9

Aqyawf, aqdui-anr aqmyanluf cae-eu laer maqngeur-aer; Aqyawf, aqdui-anr li-eu maqbawni nuima paer-eu laer maqngeur-a.

Jaceuq 16:11

Nawr, ngaq-anr daef-eu jeq bif-eu garma toeqmaeq naeqlaf-euq mae; Nawq-euq maeqshi laqkhaq caer-eu jeq byan-awr; Nawq-euq armar laf-anr, mqmaq maqbyav yarzir lurgha caergha-eu jeq jav-eu mae.

Jaceuq 63:3

Nawq-euq ghoer-awr gaq-eu jeq-aq, daefzir navmaqtser muiqdzaeq-eu mirnae, Ngaq-euq maeqluq, nawq-anr jaceuq ma.

Jaceuq 59:16

Aerkhawf, ngar, nawq-euq baoq-euq garkawv car ma; Uqshawq paw, ngar, nawq-euq ghawqshaq gaq-eu garkawv gurgur-aer car ma. Aqjeq mirnae aernar-aq, nawr, ngaq-anr deuvpir naeqlaf-euq ghaq pyeuf-awr, Ngaq-anr gardzaq garkawv keuvle-euq arnan-anr caevzafduq pyeufnaeq laf-euq mae.

Jaceuq 46:5

Miqyaer, meuq heumeuq-euq lafkhoer jawr-awr, Meuq heumeuq tiqjawr-iq maqcoq-ir-ar. Uqbya byalar ngae, Miqyaer, meuq heumeuq-anr cawbale taef-a.

Jaceuq 143:8

Uqshawq paw, ngaq-anr nawq-euq ghoer-awr gaq-eu garkawv bigaq naeqlaf, Aqjeq mirnae aernar-aq, ngar, nawq-anr ghoe ma. Ngar, can paq-aer ghae-eu garma, ngaq-anr bi siqnya naeqlaf-awq, Aqjeq mirnae aernar-aq, ngar, ngaq-euq nuima saflar, nawq-anr ciqgornaeq ma.

Jaceuq 103:17

Aerkhawf, Ya’we Miqyaer-aq, Mqmaq maqbyav yarzir-anr nae mqmaq maqbyav yarzir-anr keuvni, Aqyawf-anr guv-eu deuq-anr ghawqshaq gaq-awr; Aqyawf maf-euq zaqdeuq uvdeuq-anr, aqyawf-euq tsaq-awr dawr-eu jeq bif-eu mae.

Panmaeq 22:17

Khoerngae, muiq-eu Saflar hawr-eu miqshuif aer-eu, “Lar-awq.” Yagaq-euq tsawrhaq deuq khawf, “Lar-awq” laer kur-awq. Ircuf maef-eu tsawrhaq deuq khawf lar-awq. Khar dawrmawf-eu tsawrhaq yawqghaq navluf daef-eu jeq bif-eu ircuf yawqngaef-aer dawrlar-awq.

Panmaeq 22:1

Khoerngae, mqtav ghaqkhaer khoerghaq, ngaq-anr daef-eu jeq bif-eu shawrjaevni ghae-eu ircuf lawrgawv bimawr naeqlaf-euq mae. Lawrgawv heugawv-aq, jeq-oq lof-aer shawr-awr, Miqyaer hawr-eu Yawrzaq-euq nuirmanq-anr nae yoerdov lef-eu mae.

Jaceuq 47:7

Aqjeq mirnae aernar-aq, Miqyaer-aq, mirtsaq tanqkhawr dawqtawv luf-euq Sanqpaq mae. Ghovshaw-euq lafkhoer car-awr jaceuq-awq.

Jaceuq 97:12

Tsaq-awr dawr-eu tsawrhaq, Ya’we Miqyaer-euq lafkhoer laqkhaq caer-awr; Aqyawf-euq shawr-eu tsawrmyanr-anr noeqkeuv ngae, Aqyawf-euq guiqlanq-anr jaceuq-awq.

Jaceuq 145:10

Ya’we Miqyaer-or! Nawq-euq lafzar nawq-anr jaceuq-awr; Nawq-euq tsawrshawr khawf, nawq-euq guiqlanq-anr jaceuq taef-a.