Jaceuq 28:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nuima-euq lafkhoer yawdoer jeq anr-eu khawf, Yawqha-euq dawqpae jawr-eu deuq-anr tsaqler dzoerler-eu dawq ngaeq-eu, Yawlaeq yawca jeq mr-eu deuq hawr-eu tsawrcawv deuq naeq-aer, Ngaq-anr taq gheudzae naeqlaf.

Akha

³ Dawˬmuiˬngehˬkʼawꞈnui ma gʼoꞈ-awˇ, maˬtsaˬmaˬdawˇ-eu jeˬmˇ-eu, haiˬ-eu deuˬnehˬ-ehˇ tiˬgm-ehˇ, nawˇngaˬ-ahˇtaˬsawˇdzeh nehˬlaꞈ.

Jaceuq 28:3 Referans Kwoze

Jaceuq 55:21

Aqyawf-euq khaqmae-euq dawq-aq, tsirkhmq lof-aer jur-eu khawf; Aqyawf-euq nuima-aq, guirdeuv deuvluf-eu mae. Aqyawf-euq dawq-aq, tsir lof-aer nanqyuni ghae-eu khawf; Tawvkhawv-anr nae gheudov lef-euq micaer-anr dur-eu mae.

Jaceuq 12:2

Aqyawfmaf, yawqghaq navluf, yawqha-euq dawqpae jawr-eu tsawrhaq-anr jaqmyawf myawf-awr, Nuima povpov lavlav-aer ghae-eu lafkhoer, jaceuq-eu janrgeuf-eu maeqluq nae ngaeq-eu mae.

Jaceuq 26:9

Ngaq-euq nuima saflar, iqbaxzaq naeq-aer taq yavbymr naeqlaf. Ngaq-euq daefzir khawf, shiq maef-eu tsawrhaq naeq-aer taq yavbymr naeqlaf.

Maꞈtehˬ 25:41

“Khoernar-aq, Sanqpaq, arcar paw jawr-eu deuq-anr heulof-aer aernaeq taef-a: ‘Yaqkhaer yaq-eu gar yadaq-eu tsawrhaq deuq-or! Ngar jawr-eu gar nae dov-ir-awr, naef sanqpaq hawr-eu aqyawf-euq ghaqkhaer deuq-euq gharduq laeqhmq taq-euq jawrduq, miv-ir-eu maqbaw-eu miqdzaq-euq lafkhoer ur-ir-awq.

Jaceuq 62:4

Aqyawfmaf, aqyawf-anr yawgor artiv-anr nae taeka-eu laer taef-aer tov-awr; Aqyawfmaf jaqmyawf myawf-eu gar laqkhaq caer-eu mae; Aqyawf maf-euq khaqmae dawq ngaeqghae-eu khawf, Aqyawf maf-euq lafkhoer paw yaqkhaer yaq-eu mae. Sela.

Jaceuq 36:4

Aqyawf yufzar-anr jawr-awr nae yawcawv jeq tov-awr; Aqyawf maqmuiq-eu garma-anr can’ghae-eu mae. Aqyawf yawdoer jeq-anr nuidav maqdav-a.

Jaceuq 10:14

Aerkhawf, nawr, gardzaq garkawv jav-awr ghawqshaq-aer ghaeluf-eu gar hawmawr-awr, Sharnoeq sharsawx-eu lafkhoer, nawq-euq aqlaf nae janrkhof naeq-eu mae. Yawhar yawqha maq cawba nya-eu tsawrhaq, nawq-anr ghoe-eu mae. Nawr-aq, aqda maqbaw-eu tsawrhaq-anr cawba-eu ghaq mae.

Jaceuq 7:14

Tsawrcawv yawlaeq yawca jeq bawdov lef-eu gar hawsher-eq. Aqyawf, gardzaq garkawv tsaevler-awr, maqtsaq maqdawr-eu jaqmyawf bawdov lef-eu mae.

Maꞈtehˬ 25:46

Aqyawf maf-aq, mqmaq maqbyav yarzir darnaeq-eu lafkhoer ya’ur-ir-awr, tsaq-awr dawr-eu tsawrhaq deuq-aq, mqmaq maqbyav yarzir daef-eu lafkhoer ya urler taef-a.”

Jaceuq 52:1

Baoq huiq-eu tsawrhaq-or! Nawr aqjeq ghae-eu yawdoer jeq-anr khanqsaer jaev-eu le? Miqyaer-euq yawmuiq-aq, li-eu maqbawni zif-eu mae.

Jaceuq 10:7

Aqyawf-euq khaqmae, yaqkhaer yaq-awr, jaqmyawf maershuir hawr-eu lmqguv-eu jeq taef-aer byan-awr, Aqyawf-euq maeqlar-anr nae gardzaq garkawv hawr-eu yawlaeq yawca jeq dovle-eu mae.

Jaceuq 141:4

Ngar, yawlaeq yawca jeq mr-eu tsawrhaq naeq-aer yawcawv jeq mr-ir paq-aer, Ngaq-euq nuima yawdoer jeq tiqjeq-anr-iq taqbi pyawr-ir naeqlaf. Khoeruqtaf, aqyawfmaf dzaq-eu dzarkuir deuq taqbi dzaq-ir naeqlaf.