Jaceuq 27:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nymq-mr ngar, ngaq-euq tiqjawq jawrbyan taq-euq, Ngaq-anr muir-eu deuq-euq khoertav, ngaq-euq uqduq bafdir ma. Khoernar-aq, ngar, Miqyaer-euq saqpar saeqghawv-euq lafkhoer, laqkhaq caer-awr lawr-eu jeq lawrnaeq ma. Ngar dawqcar car ma. Ngar car-awr Ya’we Miqyaer-anr jaceuq ma.

Akha

⁶ Ngaˬ-euˬtiˬjawˬjawˇbyah taˬ-euˬ, muiˇ-eu deuˬ-ahˇngaˇgʼaˬleˇ-awˇ, laˬkʼaˬcehˇ-awˇguˇ-eu laꞈkʼoeˇ, aˬyawꞈ-euˬUˬduˬtahˬnymˇ-ahˇ, lawˇ-eu shehˇ-eu jeˬ ngaˇmˇ-awˇ, ja ceuˬ-eu caˇ-eu dawˬcaˇ-awˇ, SahˬpaˬMiˬyehˇ-ahˇ ja ceuˬma.

Jaceuq 27:6 Referans Kwoze

Jaceuq 3:3

Aerkhawf, Ya’we Miqyaer-or! Nawr-aq, ngaq-euq tiqjawq daeqdaqduq pyeuf-awr, Ngaq-euq khanqsaer pyeuf-eu uqtaf, Ngaq-euq uqduq bafdir naeqlaf-eu ghaq pyeuf-eu mae.

HeˬByehˇ 13:15

Khoermirnae, aqdui, Yeqsur-anr ghoe-awr, aqmyanluf Miqyaer-anr jaceuq-eu lawr-eu jeq lawrnaeq kar-eur. Khoer-aq, aqyawf-euq tsawrmyanr-anr jaceuq-eu laer aqdui-euq maeqluq-anr nae siqle-eu arsiq mae.

Jaceuq 107:22

Aqyawfmaf, guiqlanq-anr jaceuq-eu lawr-eu jeq bilawr-awr; Laqkhaq caercaer-aer aqyawf-euq gardeuq-euq garkawv dawqdzawr bimr-awq.

Panmaeq 15:3

Aqyawfmaf, Miqyaer-euq ghaqzaq ghaqkhaer pyeuf-eu Morseq-euq cardawq hawr-eu Yawrzaq-euq cardawq heulof-aer car-eu mae: “Baoq huiq duidui-eu Sanqpaq Miqyaer-or! Nawq nae mr-awr shar-euq deuq-aq, huiq duidui-awr, zanqler paq-aer ghae-eu mae. Tsawrshawr deuq-euq Sanqpaq-or! Nawq-euq garma-aq, dawr-awr tsaq-eu hawr-eu tsaq-awr dawr-eu mae.

Panmaeq 5:9

Aqyawfmaf cardawq yawshuif heulof-aer car-eu mae: “Nawr-aq, yovtaq-euq sanqbof teuyov yur-awr, Jmq diqtaq-euq gheudzae-eu geux-eu mae. Aqjeq mirnae aernar-aq, nawr saef-euq gar yadaq-awr, Nawq-euq shiq nae yawqjeq navluf-euq arjeuq arca, dawqngaeq dawqbav, tsawrhaq hawr-eu tsawrjeuq tsawrca-anr, kakhof-awr Miqyaer-anr bi gawflar naeqlaf-euq mae.

1 Beˬtuˆluˆ 2:5

Nawmaf khawf, daefluf-eu khaqlo mae. Miqyaer nae saflar paw-euq nymr tsov-eu gar bizmq-awq. Nawmaf shawr-eu pirma geuf-awr, Yeqsur Kali-anr ghoe-awr nae, Miqyaer nuikhanr shir-eu saflar paw-euq lawrnaeq-eu jeq lawrnaeq-awq.

Jaceuq 95:1

Lar-awq, aqdui, Ya’we Miqyaer-anr carnaeq ma. Aqdui-anr bibuq-ir naeqlaf-eu logur-anr laqkhaq caertavni gurgaq ma.

Jaceuq 138:5

Aqyawfmaf, Ya’we Miqyaer-euq garma-euq garkawv car taef-a; Aqjeq mirnae aernar-aq, Ya’we Miqyaer-euq yawshaef khanqsaer-aq, huiq-awr manr-eu mae.

Jaceuq 110:7

Aqyawf, garma gardzer yoer-eu lawrgawv gawvzaq-anr nae ircuf dawr taef-a. Khoermirnae, aqyawf, uqduq bafdirlaf taef-a.

Jaceuq 81:1

Aqdui-euq ghaq pyeuf-eu Miqyaer-anr, Tersar yawkhav-aer carnaeq-awq. Yaqkov-euq Miqyaer-anr laqkhaq caer-eu lafkhoer gurgaq-awq.

Jaceuq 47:1

Nawmaf, tsawrhaqzaq dawqtawvluf, Lafkhawv taevtaev-aer, ghaqler-euq tersar Miqyaer-anr gurgaq-awq!

Jaceuq 21:13

Ya’we Miqyaer-or! Nawr ghaq khav-eu gar ciqpoeq ciqgor ma. Nga’maf car-awr nawq-euq baoq-anr jaceuq-eu ma.

Jaceuq 21:1

Ya’we Miqyaer-or! Nawq-euq ghaq-euq baqda’nae, sanqpaq laqkhaqcaer taef-a. Nawq-euq kakhof-eu jeq-euq lafkhoer, aqyawf yawkhav-aer lurgha caergha taef-a.

Jaceuq 3:4

Ngaq-euq tersar nae ngar, Ya’we Miqyaer-anr gur ngae, Aqyawf, aqyawf-euq shawr-eu gawqdur-anr nae, ngaq-anr narhaq naeqlaf-euq mae. Sela.

Jaceuq 57:8

Ngaq-euq khanqsaer-or! Noeqlar-awq! Tser cav tsof-eu deur-mq ma hawr-eu deur-mq cuq-or! Noeqlar-awq! Ngar, mqbya byataw-anr lavnoeq ma.

Jaceuq 119:108

Ya’we Miqyaer-or! Ngar, nawq-anr nuima keuv-eu lafkhoer ngaq-euq khaqmae nae, Jaceuq-eu jeq lawrnaeq-eu gar hageuf naeqlaf-awr, Nawq-euq yarkhaq dar-eu jeq, ngaq-anr maeqnaeq laf-awq.