Jaceuq 27:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqjeq mirnae aernar-aq, gardzaq garkawv keuvle-eu aryamq-anr, Aqyawf, ngaq-anr aqyawf-euq saeqghawv-euq lafkhoer bi caevzaf naeqlaf-awr; Aqyawf-euq saqpar saeqghawv-euq lafkhoer jav-eu zaftaq-euq jawrduq-anr, Aqyawf, ngaq-anr bi caevzaf naeqlaf taef-a. Aqyawf, ngaq-anr logur-euq khoertav yawgor-anr ciqdav naeqlaf taef-a.

Akha

⁵ Guˆ-eu gaˆ-eu jeˬkeuˆle ngeh, aˬyawꞈ-euˬnymˇnymˇma laꞈkʼoeˇ, aˬyawꞈngaˬ-ahˇsheuˬpiˇtehꞈ-a. Sehˬgʼawˆnaˇshmˇbaˇzaꞈuˬmoˆ, aˬyawꞈngaˬ-ahˇsheuˬzaꞈtehꞈ-a. goˇdui dui-eu lo guˇ uˬ du, aˬyawꞈngaˬ-ahˇciˬdaˆtehꞈ-a.

Jaceuq 27:5 Referans Kwoze

Dawqdaq 18:10

Ya’we Miqyaer-euq tsawrmyanr-aq, Zifdanni ghae-eu lofpir-eu nymrgor pyeuf-awr, Tsaq-awr dawr-eu tsawrhaq deuq caevzafler ngae, Yabuq-ir-eu mae.

Jaceuq 31:20

Nawr, aqyawf maf-anr tsawrhaq-euq bawqtov-anr nae bibuq-ir ni, Nawq-euq maeqshi jav-eu zaftaq-euq jawrduq-anr sheuqzaf-awr; Caecawq shar-eu maeqlar deuq-anr nae, Nawr, aqyawf maf-anr nawq-euq saeqghawv-euq lafkhoer bi jawrzaf taq-eu mae.

Jaceuq 138:7

Ngar gardzaq garkawv-euq ghanrcae canluf khawf, Nawr, ngaq-anr tiq pov par lavdaef naeqlaf taef-a; Nawr, nawq-euq aqlaf cawqja-awr nae, ngaq-anr muir-eu deuq-euq nuima paer-eu gar caekhofnaeq taef-a. Khoernar-aq, nawq-euq armar laf, ngaq-anr bibuq-ir naeqlaf taef-a.

Jaceuq 91:1

Gor duidui-eu ghaq nae zaftaq-euq jawrduq-anr jawr-eu tsawrhaq-aq, Baoq zawr huiq-eu Miqyaer-euq narshmr-euq uqmov yajawr taef-a.

Jaceuq 119:114

Nawr-aq, ngar caevzafduq hawr-eu ngaq-euq daeqdaqduq pyeuf-awr, Ngar, nawq-euq dawq-anr noeqtmq ma.

Jaceuq 50:15

Gardzaq garkawv keuvle ngae nan, ngaq-anr kur-awq. Ngar, nawq-anr bibuq-ir-awr, nawr, ngaq-anr jaceuq taef-a.”

Jaceuq 40:2

Aqyawf, ngaq-anr lan’yaq lansix hawr-eu zawr doer-eu duqkhanq-anr nae gheudov naeqlaf-awr, Ngaq-euq aqkuir khaqlo-euq khoertav ciqdav naeqlaf-euq uqtaf, Ngaq-euq kuirtof lavzif naeqlaf-euq mae.

Gawˇlawˇsehˇ 3:3

Aqjeq mirnae aernar-aq, nawmaf-aq shirdzeur-awr, nawmaf daef-eu jeq Miqyaer-euq lafkhoer Kali naeq-aer zaftaq-euq mae.

Jaceuq 17:8

Nawr, nawq-euq myavnuiv myavsiq-anr hawpir-eu lof-aer, Ngaq-anr hawpir naeqlaf-awq. Ngaq-anr, nawq-euq aqdanr-euq narshmr-euq uqmov, bi caevzaf naeqlaf-awq.

Jaceuq 46:1

Miqyaer-aq, aqdui-euq caevzafduq hawr-eu aqdui-euq ghaq pyeuf-awr, Gardzaq garkawv khar keuvle ngae, cawba naeqlaf-eu ghaq mae.

Jaceuq 91:15

Aqyawf, ngaq-anr kur ngae, Ngar, aqyawf-anr ngaeqkhofnaeq ma. Aqyawf-anr gardzaq garkawv keuvle ngae, Ngar, aqyawf naeq-aer jawr ma. Ngar, aqyawf-anr bibuq-ir-awr taqhuiq taqmanrnaeq ma.

Jaceuq 57:1

Miqyaer-or! Ngaq-anr ghawqshaq gaqnaeq laf-awq! Ngaq-euq nuima saflar, nawq-anr ghoe-eu mirnae, Ngaq-anr ghawqshaq gaqnaeq laf-awq! Lavbyov lavbyav-eu jeq maqdzeur-ir-euq khoerkeuvni, Ngar, nawq-euq aqdanr narshmr-euq uqmov caevzaflar ma.

Jaceuq 61:2

Ngaq-euq nuima shaqzanq naf duidui-eu lafkhoer, Ngar mqdzer mirdzer jawr-awr nae nawq-anr gurgaq luf-eu ma; Ngar taf-aer gordzaeq-eu logur-anr, ngaq-anr sheuqghae naeqlaf-awq.

Jaceuq 18:33

Aqyawf, ngaq-euq aqkuir-anr, khaqtsaev-euq aqkuir lof-aer janrdur naeqlaf-awr; Ngaq-anr jawrduq yawgor-anr bijawr naeqlaf-euq mae.

Jaceuq 83:3

Aqyawfmaf, nawq-euq tsawrhaq-anr, Yawganr zmq-awr muir-eu laer tovluf-awr, Nawr hawpir-eu deuq-anr, muir-eu laer gagm-awr, Maeqbawq mrluf-eu mae.

Jaceuq 77:2

Ngaq-anr gardzaq garkawv keuvle-eu arnan-anr, Ngar, Sanqpaq Miqyaer-anr pov-euq ma. Ngar, uqcif paw maq naqlerni, ngaq-euq aqlaf cawqdir-euq khawf, Ngaq-euq nuima saflar maqmuiq maq sarlar nya-a.

Jaceuq 10:1

Ya’we Miqyaer-or! Aqjeq mirnae, nawr garmanr kaq-eu gar jawr-eu le? Nga’maf gardzaq garkawv jav ngae, nawr aqjeq ghae-eu caevzaf naeqlaf-eu le?

Maꞈtehˬ 23:37

“Yeqlursaqlaeq-or! Or, Yeqlursaqlaeq, nawr, Miqyaer gharduq ngaeqdan-eu tsawrhaq deuq-anr saef-awr, nawr jawr-eu gar bi’oe-euq deuq-anr khawf khaqlo nae biqsaef-eu mae. Yaciv ya’ma, yazaq deuq-anr danrkhawv khawvuiq-eu lof-aer, ngar, nawq-euq zaqdeuq-anr armyav pov khawvuiq mawf-eu khawf, nawmaf maqbi khawvuiq naeqlaf-eu beu.

Jaceuq 31:21

Ya’we Miqyaer-anr jaceuq ma. Aqjeq mirnae aernar-aq, zifdanni ghae-eu meuq-euq lafkhoer, Aqyawf, ngaq-anr aqyawf-euq zanqler paq-aer muiq-eu ghawqshaq gaq-eu jeq bimawr naeqlaf-euq mae.

Jaceuq 40:3

Aqyawf, ngaq-euq khaqmae-euq lafkhoer, Aqdui-euq Miqyaer-anr jaceuq-eu cardawq yawshuif dawvanr naeqlaf-euq mae. Tsawrhaq ghawqmya’ni ya’mawr-awr Ya’we Miqyaer-anr guv-eu lafkhoer, aqyawf-anr ghoelar taef-a.

Jaceuq 61:3

Aqjeq mirnae aernar-aq, nawr-aq, ngaq-euq caevzafduq pyeuf-awr; Ngaq-anr muir-eu deuq maq larkeuv nya-eu zifdanni ghae-eu lofpir-eu nymrgor pyeuf-eu mae.