Jaceuq 27:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ngar, Ya’we Miqyaer-anr nae tiq jeq geufmawf mir-a, Khoerjeq-anr ngar pov-eu ma. Khoer-aq, ngar khardaef-eu arnan aryamq dawqtawvluf, Ya’we Miqyaer-euq nymr-euq lafkhoer jawr-awr nae, Hawmuiq-eu Ya’we Miqyaer-euq yawmuiq-anr hawhaw-aer, Aqyawf-euq uqduq tanqnymr nymrma-euq lafkhoer narhaqtser mawf mir-a.

Akha

⁴ SahˬpaˬMiˬyehˇ-ahˇ shaˇ-eu lehˇ, heu tiˬjeˬshaˇmawꞈ-eu tehꞈma. SahˬpaˬMiˬyehˇ-euˬnymˇlaꞈkʼoeˇ, maˬshiˇtiˬziˇngaˇjawˇmawꞈ-awˇ, aˬyawꞈ-euˬyaw muiˬyaw jaˬ-ahˇ, nui kʼahˇtiˬshiˇhaw dehˆmawꞈ-awˇ, aˬyawꞈsheuˬgʼeh haw piˇlaꞈni, aˬyawꞈ-ahˇshaˇju mawꞈ-eu ma.

Jaceuq 27:4 Referans Kwoze

Jaceuq 26:8

Ya’we Miqyaer-or! Ngar, nawq-euq yawshaef khanqsaer jav-eu jawrduq hawr-eu, Nawq-euq jawrduq pyeuf-eu nawq-euq nymr-anr gaq-euq ma.

Jaceuq 23:6

Yawduq bawni, yawmuiq jeq hawr-eu ghawqshaq gaq-eu jeq, Ngaq-euq maeqnan, maqshir tiqzir yawqnan navluf cantae taef-a; Ngar, Ya’we Miqyaer-euq nymr-euq lafkhoer, mqmaq maqbyav yarzir jawr ma.

Jaceuq 65:4

Nawq-euq dawqpae bilar-awr nawq-euq nymr-euq povka bijawr-eu laer, Nawq nae tserdov-euq tsawrhaq-aq, guiqlanq huiq-eu mae. Nga’maf, nawq-euq nymr hawr-eu nawq-euq shawr-eu uqduq tanqnymr nymrma-euq yawmuiq jeq-euq baqda’nae nuima tmqjawvni yaghae taef-a.

Jaceuq 84:4

Nawq-euq nymr-euq lafkhoer jawr-eu tsawrhaq-aq, Guiqlanq huiq-eu mae. Aqyawfmaf, nawq-anr jaceuq luf-a siq. Sela.

Jaceuq 84:10

Nawq-euq nymr-euq povka tiq nan jawr-eu-aq, Nuigar 1,000 nan jawr-eu navmaqtser poeq nya. Tsawrcawv-euq saeqghawv-euq lafkhoer jawr-eu navmaqtser, Miqyaer-euq nymr-euq ghovkhaeq-anr yawf-awr lof-eu-aq, Ngar nuikhanr shirdzaeq ma.

Luˇkaꞈ 10:42

Aerkhawf, mawf-eu-aq tiqjeq jav-eu taef mae. Maqliv-aq, aqcawq maq ludov nya-eu muiqdzaeq-eu khoerjeq-anr tsergeuf-euq mae.”

Jaceuq 27:8

“Ngaq-euq myavpyawq-anr pov-awq” laer nawr aer ngae, “Ya’we Miqyaer-or, ngar, nawq-euq myavpyawq-anr pov ma” laer ngaq-euq nuima, nawq-anr aernaeq-euq ma.

Maꞈtehˬ 6:33

Nawmaf, Miqyaer uvlanr-eu jeq hawr-eu aqyawf-euq tsaq-awr dawr-eu jeq-anr jeqhu pov-awq. Khoerdeuq dawqtawvluf, aqyawf, nawmaf-anr biflanq naeqlaf taef-a.

Piˇliˇpiˆ 3:13

Aqyuif aqnyir deuq-or! Ngar nyaefza dzeur-euq ma laer sawx-eu maqngeur. Aerkhawf, ngar heu tiq jeq mrluf-eu ma. Narkhan paw dzeurlaf-euq deuq-anr ngaer-awr, maeqhu paw jav-eu deuq-anr taemir nya’ni laejae luf-eu ma.

HeˬByehˇ 11:6

Jan-eu jeq maqanr nar-aq, tiqjeq ghaenae-iq Miqyaer nuikhanr shirni maq janrnya-a. Aqjeq mirnae aernar-aq, Miqyaer jawr-eu gar kharlar-eu tsawrhaq-aq, Miqyaer aqdir jawr mae laer jan-awr, laejae-awr aqyawf-anr sharpov-eu tsawrhaq-anr guiqlanq bif-eu mae laer khawf yajan-eu mae.

Jaceuq 90:17

Nga’maf-euq Miqyaer pyeuf-eu Sanqpaq Miqyaer-euq ghoer mr-eu jeq, Nga’maf-euq khoertav bi javle naeqlaf-awr; Nga’maf-euq aqlaf nae mr-euq gar lavzif naeqlaf-awq. Euq, nga’maf-euq aqlaf nae mr-euq gar lavzif naeqlaf-awq.

2 Gawˇliˬtu 3:18

Aqdui yawqghaq navluf-euq myavpyawq-anr saqpar maq daeqkaqni, pyawqhaw-anr hawluf-eu lof-aer, Sanqpaq Miqyaer-euq yawshaef khanqsaer-anr hawluf-eu ma. Aqdui, Sanqpaq Miqyaer-euq shaevdzeuf-anr durlarni, Sanqpaq Miqyaer-euq Saflar-euq baqda’nae, yawshaef khanqsaer tiqtiv sair tiqtiv javdzaeqlar luf-eu ma.

Luˇkaꞈ 2:37

Nymq-mr aqyawf 84 khof khawvlar-euq mae. Aqyawf, uqduq tanqnymr nymrma-anr taef-aer jawrjawr-aer uqcif nan’ghanr maqaer, dzardzaq sheuqsheuq-aer guiqlanq shar-awr Miqyaer-anr uqduq tanqluf-eu mae.

Jaceuq 50:2

Hawmuiq duidui-eu Ziroq-anr nae, Miqyaer, yawshaef byadovlef taef-a.

Luˇkaꞈ 18:1

Aqyawfmaf nuima maqcawv-aer, yawqjawr navluf guiqlanq sharni, Yeqsur, aqyawf maf-anr yawjeq majeq dawq-anr nae heulof-aer maeqnaeq-euq mae:

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Luˇkaꞈ 13:24

“Nawmaf ghovkhaeq yawsuf-anr ya urlerni laejae-awq. Ngar, nawmaf-anr aernaeq nyar, tsawrhaq ghawqmya ghaq urler-eu laer laejae-eu khawf, maq urler nya-ar.

1 Tiˆmoˇseˬ 5:5

Aqdir miqcoeq miqma pyeuf-awr, yawqha tiq ghaq taef-aer jawr-eu ngeur nar-aq, Miqyaer-anr noeqtmq-eu lafkhoer, uqcif nan’ghanr guiqlanq shar-awr, maq tsaevlerni tanqshar luf-eu mae.

Jaceuq 26:6

Ya’we Miqyaer-or! Ngar, nawq-euq lawrduq jawqjawq-aer cannya’ni, Ngar shawrjaevni ghae-eu ma laer aqlaf dzuifshawrler ma.