Biblia Todo Logo
Bib sou entènèt

- Piblisite -




Jaceuq 27:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

14 Ya’we Miqyaer-anr dawq-awq. Yawmuiq-aer mrghanr-awq. Aqyawf, nawq-euq nuima-anr nuighaq bifnaeqlaf taef-a. Ya’we Miqyaer-anr dawq-awq.

Gade chapit la Kopi

Akha

14 SahˬpaˬMiˬyehˇ-ahˇnoeˬtmˬ-awˬ. Gʼaˬbyehˆtaˬbyehˆ, nui ma taˬcawˆ. SahˬpaˬMiˬyehˇ-ahˇnoeˬtmˬ-awˬ.

Gade chapit la Kopi




Jaceuq 27:14
31 Referans Kwoze  

Ya’we Miqyaer-anr noeqtmq-eu yawqghaq navluf, nuima mrdeur-awr khaqduqni ghaelar-awq.


Ya’we Miqyaer-anr dawq-awr, aqyawf-euq garma-anr can-awq. Aqyawf, nawq-anr ciqgor-awr, jeqbir lof-aer mirkhanq bi’of taef-a; Tsawrcawv bi deuvtsaevdzae ngae, nawr ya’mawr taef-a.


Ngar, Ya’we Miqyaer-anr dawq-eu ma; Ngaq-euq nuima saflar dawq-awr, Aqyawf-euq dawq-anr noeqtmq-eu ma.


Ngaq-anr ghaq bifnaeq laf-eu Kali-anr ghoeghoe-aer, ngar dawqtawvluf mrnya sharnya ma.


Ngaq-euq aqyuif aqnyir deuq-or! Arsaq saq-eu dawq-aq heulof-aer ma. Nawmaf, Sanqpaq Miqyaer-euq lafkhoer, ghaq khav-eu aqyawf-euq baoq-anr ghoe-awr, ghaq khavlar-awq.


Ngaq-euq nuima saflar ciqcurni, Miqyaer-anr taef-aer dawq ma. Aqjeq mirnae aernar-aq, ngar noeqtmq-eu jeq aqyawf-anr nae oe-eu mae.


Aqyawf-euq yawshaef khanqsaer huiq-eu baoq baqda’nae, nawmaf laqkhaq caertavni yawqjeq navluf-euq lafkhoer, ornya-awr nuima ghawqmanrni taqnya’ni, baoq dawqtawvluf nae nawmaf-anr ghaq bi khavlar-awq laer sharluf-eu ma.


Ngar, nawq-anr kur ngae nan-anr nawr, ngaq-euq dawq narhaq naeqlaf-awr, Ngaq-euq nuima saflar ghaq bi anrlar-awr khaqduqni bi ghaelar naeqlaf-euq mae.


Heulof-aer taqaer, “Ngar yawdoer jeq-anr lafpov povkhof ma.” Ya’we Miqyaer-anr dawq-awq, Aqyawf, nawq-anr bibuq-ir taef-a.


Aqdui-euq nuima saflar, Ya’we Miqyaer-anr dawq ma. Aqyawf-aq, aqdui-anr cawba-eu aqdui-euq daeqdaqduq pyeuf-eu mae.


Aerkhawf, aqdui maqmawr-euq jeq-anr noeqtmq luf-eu nar-aq, oror-aer nuima keuv-eu lafkhoer dawq-eu jeq pyeuf-eu mae.


Nawmaf yawbeur beur-aer jawr-awr, jan-eu lafkhoer zifdanni yawf-awq. Nuima khaqduqni ghae-awr, ghaq khavlar-awq.


Ngar, nawq-anr dawqluf-eu mirnae, Yawmuiq yawjaq hawr-eu yawdawr yawtsaq jeq nae, ngaq-anr hawpir naeqlaf-awq.


Nawq-anr khar dawqluf-eu tsawrhaq-anr khawf, taqbi shafdawr-ir naeqlaf. Tiqjeq-iq maqngeur-eu gar janrdoer naeqlaf-euq deuq-anr bi shafdawr-ir-awq.


Khoerngae, Yeqlursaqlaeq-anr Surmoq laer kur-eu tiq ghaq jawr-eu mae. Aqyawf-aq, dawrcoeni ghae-awr, Miqyaer-anr yawzeu baw-eu tiq ghaq mae. Aqmyanluf Irsaqleqlav tsawrhaq-anr nuima bi sarlar-eu ghaq oekeuv-eu gar noeqtmq luf-eu mae. Khoeruqtaf, Yawshawr Saflar, aqyawf-euq lafkhoer jawrluf-eu mae.


Ngar guiqlanq heulof-aer shar-eu ma: Miqyaer-euq yawshaef khanqsaer sanr duidui-eu gar geuxni, aqyawf-euq Saflar-anr ghoe-awr, nawmaf-euq nuima, ghaq bi anrlar-awr ghaq bi khavlar law.


Ngaq-euq nuima saflar ciqcurni Miqyaer-anr aqdir dawq ma; Ngaq-anr kakhof-eu jeq aqyawf-anr nae oe-eu mae.


Ngar or-awr Ya’we Miqyaer-anr dawq-euq ma. Aqyawf, ngar jawr-eu paw ciqpyawr lef-awr, Ngar gur-eu gar narhaq naeqlaf-euq mae.


Khoerngae nyiqpav-aer aqyawf lar-awr Miqyaer-anr jaceuq-eu mae. Yeqlursaqlaeq-anr kakhof naeqlaf-eu gar noeqtmq luf-eu tsawrhaq dawqtawv luf-anr, aqyawf, zaqnanq khoerghaq-euq garkawv ja’maeq naeq-euq mae.


Khoergar jawr-eu aqyuif aqnyir deuq, nga’maf larluf-eu mae laer yagaq-euq mirnae, Aqpir laer kur-eu laev-anr hawr-eu daqyan Yafduq Smqnymr laer kur-eu tsanr-anr keuvni oe-awr, nga’maf-anr hageuf laqle-euq mae. Pawrluv, aqyawf maf-anr ya’mawr ngae, Miqyaer-anr jaceuq-awr, nuima ghaq anrlar-euq mae.


Ya’we Miqyaer-euq lafkhoer ghaqnaq naq-awr, Or-awr nae aqyawf-anr dawq-awq; Yawdoer mr-eu bawqtov mrpyeuf-awr garma khardov-ir-eu paw muiqlar sanrlar-eu deuq-euq baqda’nae nuima taqlanr.


Swiv nou:

Piblisite


Piblisite