Jaceuq 27:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Yawdaefzaq-euq mirkhanq-euq lafkhoer, Ngar, Ya’we Miqyaer-euq yawmuiq jeq ya’mawr taef-a laer jan-euq maqngeur lawnmr-aq, Ngar nuima nuighaq baq-ir shaw-euq law mir-a.

Akha

¹³ Miˇtaˆdehˬ-eu heu ziˇlaꞈkʼoeˇ, SahˬpaˬMiˬyehˇmuiˬ-eu jeˬ-ahˇ, ngaˇmyaˆnuiˆhaw duˬgaˇkeuˆni, dehꞈziˇshehˇma lehˇjah-eu ma.

Jaceuq 27:13 Referans Kwoze

Jaceuq 142:5

Ya’we Miqyaer-or! Ngar, nawq-anr gurgaq-eu ma. Ngar heulof-aer aer ma: “Nawr-aq, ngaq-euq caevzafduq pyeuf-awr, Yawdaefzaq jawr-eu mirtsaq-euq khoertav, ngaq-euq shaqbymr ma.

2 Gawˇliˬtu 4:16

Khoermirnae, nga’maf nuighaq maqbaq. Nga’maf-euq shiqshaq lafnyir paw cawv-ir luf-eu khawf, lafkhoer paw-euq saflar-aq, tiqnan sair tiqnan yawshuif pyeuflar luf-eu ma.

Jaceuq 56:3

Ngaq-anr khar guvlar ngae, ngar, nawq-anr ghoe ma.

Jaceuq 31:19

Or-oq, nawq-anr guv-eu deuq-euq khoertav bi keuvle-awr, Nawq nae tsawrhaq-euq zaqdeuq-euq maeqshi, Nawq-anr ghoe-eu deuq-euq gharduq laeqhmq taq-euq yawmuiq jeq arnavni huiq-eu nga.

Jaceuq 56:13

Aqjeq mirnae aernar-aq, nawr, ngaq-euq nuima saflar, shir-eu jeq-anr nae bibuq-ir naeqlaf-euq mae. Ngar, yawdaef-aer yawshaef-euq lafkhoer, Miqyaer-euq maeqshi yacanni; Nawr, ngaq-euq aqkuir maqbi coq-ir ni hawpir naeqlaf-euq maqngeur laq?

Jaceuq 42:5

Ngaq-euq nuima saflar-or, Aqjeq ghae-eu mrnyoeq saef-eu le? Aqjeq mirnae, nawr, ngaq-euq lafkhoer maqsar marsar-aer ghaesaef-eu le? Miqyaer-anr noeqtmq-awq. Aqjeq mirnae aernar-aq, Miqyaer, ngaq naeq-aer jawr-awr cawba naeqlaf-eu mirnae, Ngar, aqyawf-anr jaceuq le siq.

2 Gawˇliˬtu 4:1

Miqyaer ghawqshaq gaq-eu baqda’nae, nga’maf guiqlanq-euq gar heu za-euq ma. Khoermirnae, nga’maf nuighaq maqbaq.

Eˇpeˇsu 2:8

Nawmaf jan-eu lafkhoer, guiqlanq yawdzanr baqda’nae kakhof-eu jeq za-euq mae. Yawqha-euq baqda’nae maqngeur-aer, Miqyaer nae bifnaeq-euq lafsawq pyeuf-eu mae.

Jaceuq 52:5

Miqyaer, nawq-anr yurdzae-eu laer, nawq-euq jawrduq-anr nae gheudov-awr, Aqyawf, nawq-anr yawdaefzaq-euq mirtsaq-anr nae mqmaq maqbyav yarzir lavcawv-eu laer, Duqcir-anr nae gheudzae taef-a. Sela.

Jaceuq 142:6

Ngar gur-eu gar narhaq naeqlaf-awq. Aqjeq mirnae aernar-aq, Ngar ardzaeq-aer aw-eu gar bi gheuka taq-euq nya; Ngaq-anr khaeq-awr khav-eu deuq-anr nae bibuq-ir naeqlaf-awq. Aqjeq mirnae aernar-aq, Aqyawfmaf, ngaq-euq navmaqtser ghaq khavdzaeq-eu mae.