Jaceuq 27:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Ya’we Miqyaer-or! Ngaq-anr nawq-euq garma maeqnaeq laf-awq. Ngaq-anr muir-eu deuq jawr-eu mirnae, Ngaq-anr cankawv yawdi paw sheuqghae naeqlaf-awq.

Akha

¹¹ SahˬpaˬMiˬyehˇnawˬ-euˬgaˇma, ngaˬ-ahˇnawˇtoeˬmehˬnehˬlaꞈ-awˬ. Muiˇ-eu tsawˇhaˬmyaˬ-eu miˇneh, gaˇsaˇlaw caw sheuˬgʼeh laꞈ-awˬ.

Jaceuq 27:11 Referans Kwoze

Jaceuq 5:8

Ya’we Miqyaer-or! Ngaq-anr muir-eu tsawrhaq jawr-eu mirnae, Nawq-euq tsaq-awr dawr-eu lafkhoer, ngaq-anr sheuqghae naeqlaf-awq. Ngaq-euq maeqhu nawq-euq garma dawrcoeni lavdanr naeqlaf-awq.

Jaceuq 86:11

Ya’we Miqyaer-or! Ngaq-anr nawq-euq garma maeqnaeq laf-awq. Ngar, nawq-euq yawtsaq yawdawr-euq lafkhoer can ma. Ngar, nawq-euq tsawrmyanr-anr guvnya’ni, Ngaq-euq nuima yavuiq naeqlaf-awq.

Jaceuq 26:12

Ngaq-euq aqkuir-aq, jawrduq yawdi-anr yawfluf-eu ma. Ngar, tsawrhaq baqmaf-euq ghanrcae, Ya’we Miqyaer-anr jaceuq ma.

Jaceuq 119:10

Ngaq-euq nuima dawqtawvluf nawq-anr pov ma. Ngar, nawq-euq zanrdawq khofdawq-anr nae garbanq taqbi banq-ir naeqlaf.

Jaceuq 64:6

Aqyawfmaf yawlaeq jeq tov-awr aer-eu, “Aqdui maf-euq bawqtov-aq, aerkhar maqza-eu bawqtov mae.” Tsawrhaq-euq nuima hawr-eu lafkhoer paw-euq nuinoeq, Heu nyiq jeqluf yawnaf mae.

Jaceuq 25:9

Aqyawf, nuinanq nuiyu anr-eu deuq-anr, dawr-awr tsaq-eu paw sheuqghae naeq-awr; Aqyawf, nuinanq nuiyu anr-eu tsawrhaq-anr, aqyawf-euq garma maeqnaeq-eu mae.

Luˇkaꞈ 20:20

Khoermirnae, Yeqsur-euq dawq-anr yawlaeq nyaef-awr, aqyawf-anr baoq hawr-eu aryaq jav-eu meuqsanr-anr a’naeqni, khoeqsho haw-eu tsawrhaq-anr tsaq-awr dawr-eu tsawrhaq bi janrgeuf-awr, Yeqsur jawr-eu gar bi’ir-euq mae.

Dawqdaq 8:9

Dawq heudeuq-aq, ghovshaw nya-eu deuq-euq gharduq dawrler-awr, Siqnya-eu tsawrganr povmawr-euq deuq-euq gharduq-aq tsaq-eu mae.

Jaceuq 25:12

Ya’we Miqyaer-anr guv-eu tsawrhaq aqsur ghaq la? Aqyawf tsergeuf paq-aer ghae-eu garma, Miqyaer maeqnaeq taef-a.

Dawqdaq 15:19

Nymrgawq yawdoer-euq garma-anr aqgan bawduv-euq yarkmr lof-aer daefbyan taq-euq mae. Aerkhawf, dawrcoeni ghae-eu tsawrhaq-euq cankawv-aq, sarlaevni ghae-eu garjawq jawqma pyeuf-eu mae.

Jaceuq 54:5

Aqyawf, ngaq-anr muir-eu deuq-anr yawdoer mrpoeq janrkhofnaeq taef-a; Nawq-euq yawtsaq yawdawr nae, aqyawf maf-anr deuvtsaevdzae naeq-awq.

Jaceuq 5:9

Aqjeq mirnae aernar-aq, aqyawf maf-euq khaqmae-euq lafkhoer sarjax zif-eu jeq maqanr-aer, Aqyawf maf-euq lafkhoer-aq, lavcawv mawf-eu jeq taef-aer anr-eu mae. Aqyawf maf-euq kuqbyanq-aq, pantaq-euq lmqbymr-anr dur-awr, Aqyawf maf-euq maeqlar-aq, ja’muiq-eu janrgeuf-eu mae.

Jaceuq 139:24

Khoernar-aq, ngaq-euq lafkhoer yawcawv-euq garma anr-eu nga laq laer haw-awr, Ngaq-anr mqmaq maqbyav yarzir-euq garma-anr sheuqghae naeqlaf-awq.