Jaceuq 27:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-aq, ngaq-euq yawshaef hawr-eu ngaq-anr bibuq-ir-eu ghaq mae. Ngar, aqsur ghaq-anr yaguv-eu la? Ya’we Miqyaer-aq, ngaq-euq daefzir-euq ghaq pyeuf-eu mae. Ngar, aqsur ghaq-anr guvkhar parza-eu la?

Akha

¹ SahˬpaˬMiˬyehˇngaˬ-euˬyaw shehꞈ, ngaˬ-ahˇka kʼoꞈ-eu yaw sahˇmeh. Aˬsuˇgʼaˬ-ahˇngaˇpaˇguˆnmˇ. SahˬpaˬMiˬyehˇngaˬ-euˬgʼaˇduˬ, ziꞈdui dui-eu taˆpyeuꞈ-eu meh. Aˬgeu jeˬ-ahˇngaˇpaˇguˆnmˇ.

Jaceuq 27:1 Referans Kwoze

HeˬByehˇ 13:6

Khoermirnae, aqdui nuima khaqduqni heulof-aer aernya-eu ma, “Sanqpaq Miqyaer-aq, ngaq-anr cawba-eu ghaq pyeuf-eu mae. Ngar tiqjeq-anr-iq maqguv. Tsawrhaqzaq, ngaq-anr aqjeq janrlar nya-eu?” (Jc 118:6)

Jaceuq 118:6

Ya’we Miqyaer, ngar jawr-eu paw jawr-eu mirnae, Ngar tiqjeq-anr-iq maqguv. Tsawrhaqzaq, ngaq-anr aqjeq janrlar nya-eu?

2 Gawˇliˬtu 12:9

Aerkhawf, aqyawf, ngaq-anr aernaeq laf-eu, “Ngaq-euq guiqlanq yawdzanr, nawq-euq gharduq lof mae. Aqjeq mirnae aernar-aq, tsawrhaq ghaq baq-eu tsanr-anr ngaq-euq ghaq byanlar taef-a.” Khoermirnae, Kali-euq baoq ngaq-anr joeshmr-awr javnya’ni, ngar, ngaq-euq ghaq baq-eu garkawv, laqkhaq caertavni khanqsaer jaevmawf mir-a.

Jaceuq 84:11

Aqjeq mirnae aernar-aq, Miqyaer pyeuf-eu Ya’we Miqyaer-aq, Nanrma hawr-eu daeqdaqduq pyeuf-eu mae. Ya’we Miqyaer, guiqlanq yawdzanr hawr-eu, Yawshaef khanqsaer bif-awr; Aqyawf dawrcoeni can-eu deuq-anr, Yawmuiq jeq maqbif-aer maqghae-a.

Lormav 8:31

Heu-euq garkawv aqdui aqjox-aer aer nmr-mq? Miqyaer, aqdui jawr-eu paw pyawq nar-aq, aqdui-anr aqsur ghaq lavtsoeqlar nya-eu?

Yoˇhaˬ 8:12

Yeqsur, aqyawf maf-anr tiq pov par aernaeq-eu, “Ngar-aq, mirtsaq-euq yawshaef ma. Ngaq-euq maeqnan cantae-eu tsawrhaq-aq, yawzanr-euq lafkhoer maqpar can-aer, daef-eu jeq bif-eu yawshaef za taef-a.”

Jaceuq 62:6

Aqyawf taef-aer ngaq-euq logur hawr-eu ngaq-anr kakhof-eu ghaq pyeuf-awr; Aqyawf, ngaq-anr deuvpir naeqlaf-eu ghaq pyeuf-eu mae; Ngar, nyinyi-aer maq ghaelar.

Jaceuq 18:28

Nawr, ngaq-euq tsirkhmq keuqdof naeqlaf-eu mirnae; Ngaq-euq Miqyaer pyeuf-eu Ya’we Miqyaer, ngaq-euq yawzanr-anr yawshaef bi byalar-eu mae.

Piˇliˇpiˆ 4:13

Ngaq-anr ghaq bifnaeq laf-eu Kali-anr ghoeghoe-aer, ngar dawqtawvluf mrnya sharnya ma.

Jaceuq 118:21

Nawr, ngaq-euq shardawq-anr narhaq naeqlaf-awr, Ngaq-euq gharduq kakhof-eu jeq pyeufnaeq laf-euq mirnae, Ngar, nawq-anr jaceuq ma.

Jaceuq 19:14

Ngaq-euq logur pyeuf-awr, Ngaq-anr kakhof-eu Ya’we Miqyaer-or! Ngaq-euq khaqmae-anr nae ngaeqdov lef-euq dawq, Ngaq-euq nuima-euq lafkhoer dzardziv dziv-euq jeq, Nawq-euq maeqshi, nawr nuima tsaq-eu jeq bipyeuf law.

Panmaeq 21:23

Meuq heumeuq-euq lafkhoer, nanrma hawr-eu bala-euq yawshaef maqpar mawf-a. Aqjeq mirnae aernar-aq, Miqyaer-euq yawshaef khanqsaer meuq heumeuq-anr tsaeqbya-awr, Yawrzaq-aq, meuq heumeuq-euq tsirkhmq pyeuf-eu mae.

Jaceuq 62:2

Aqyawf taef-aer ngaq-euq logur hawr-eu ngaq-anr kakhof-eu ghaq pyeuf-awr; Aqyawf, ngaq-anr deuvpir naeqlaf-eu ghaq pyeuf-eu mae; Ngar tiqpawf-iq nyinyi-aer maq ghaelar.

Jaceuq 18:46

Ya’we Miqyaer daefluf mae! Ngaq-euq logur-anr jaceuq ma! Ngaq-anr kakhof-eu Miqyaer-anr ciqhuiq ciqmanr ma.

Panmaeq 22:5

Heugar-aq, uqcif cif-ir-eu maqpar baw-aer, aqyawfmaf, tsirkhmq hawr-eu nanrma-euq yawshaef maqpar mawf-eu mae. Aqjeq mirnae aernar-aq, Sanqpaq Miqyaer, aqyawf maf-anr yawshaef tsaeqbya’naeq taef-a. Aqyawfmaf, li-eu maqbawni ya uvlanr taef-a.

Yoˇhaˬ 1:9

Yawshaef khoer-aq, marjawvni ghae-eu yawshaef mae. Yawshaef khoer mirtsaq-euq khoertav khar daefle-euq tsawrhaq dawqtawv luf-anr bya’naeq le-euq mae.

Panmaeq 7:10

Aqyawfmaf tersar yawkhav-aer gur-awr aer-eu, “Kakhof-eu jeq-aq, nuirmanq-anr nuirluf-eu aqdui-euq Miqyaer hawr-eu, Yawrzaq-anr nae oe-eu mae.”

Luˇkaꞈ 2:30

Aqjeq mirnae aernar-aq, ngaq-euq myavnuiv nae nawq-euq kakhof-eu jeq-anr ya mawrghaq-euq ma.

Jaceuq 11:1

Ngar, Ya’we Miqyaer-euq lafkhoer caevzaf ma. Nawr, ngaq-anr heulof-aer aqjox-aer aernya-eu le: “Arjir lof-aer, nawq-euq gawqjawq paw zawbyov lef-awq.

Jaceuq 3:8

Kakhof-eu jeq-aq, Ya’we Miqyaer jawr-eu gar nae dovle-eu mae. Nawq-euq guiqlanq, nawq-euq tsawrhaq-euq khoertav bi keuvle naeqlaf-awq. Sela.

Luˇkaꞈ 3:6

Shiqshaq khar piluf-eu tsawrhaq dawqtawvluf, Miqyaer-euq kakhof-eu jeq-anr ya’mawr taef-a. Shiqshaq khar piluf-eu tsawrhaq dawqtawvluf Miqyaer-euq kakhof-eu jeq-anr ya’mawr taef-a.’ ” (Isy 40:3-5)

Maꞈtehˬ 8:26

Khoerngae, Yeqsur, aqyawf maf-anr aernaeq-eu, “Jan-eu ghaq baq-eu tsawrhaq-or! Nawmaf aqjeq mirnae guv-eu le?” Khoernar-aq, aqyawf tur-awr, jaqlaer hawr-eu iqmalavshav-anr daeq ngae, jaqlaer hawr-eu iqmalavshav ciqcur savni pyeuf-ir-euq mae.

Jaceuq 43:2

Aqjeq mirnae aernar-aq, nawr-aq, ngaq-anr ghaq bif-eu Miqyaer mae. Aqjeq ghae-eu, nawr, ngaq-anr taedzae naeqlaf-eu le? Ngar, aqjeq ghae-eu muir-eu deuq nyaefsuf lar-eu baqda’nae tsawrngoer ya’ngoer-eu la?

Jaceuq 18:29

Khoermirnae, ngar, nawq-anr ghoe-awr, guirmaf-anr nae caevpavdov nya-awr; Ngar, ngaq-euq Miqyaer-anr ghoe-awr nae meuqlanr tsawqdzeur nya-eu ma.