Jaceuq 25:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ya’we Miqyaer-or! Nawr muiq-eu baqda’nae, Nawr ghawqshaq gaqnya-eu gar tsaqni, ngaq-anr noeqkeuv naeqlaf-awq. Ngar, zaqguq pyeuf ngae mr-euq iqbax hawr-eu ngaq-euq yawbanq yawlaeq deuq-anr taq noeqkeuv naeqlaf.

Akha

⁷ Ngaˇzaˬguˬpyeuꞈngeh mˇyaꞈ-euˬ, yaw lehˬyaw ca iˬbaˇdeuˬ-ahˇ, maˬjuiˇtaˬni iˬbaˇpyehˬlaꞈ. Nawˬ-euˬyaw muiˬyaw jaˬhawˇ-eu, maˬtsehˆleˇ-eu gaˬ-eu laꞈkʼoeˇ, ngaˬ-ahˇmaˬngehˇni noeˬkeuˆlaꞈ.

Jaceuq 25:7 Referans Kwoze

Jaceuq 51:1

Miqyaer-or! Nawq-euq ghoer-awr gaq-eu jeq-euq baqda’nae, Ngaq-anr ghawqshaq gaqnaeq laf-awq. Nawq-euq myaq duidui-eu nanqyuni ghawqshaq gaq-eu jeq-euq baqda’nae, Ngaq-euq yawbanq yawlaeq sivdzaebyov naeqlaf-awq.

HeˬByehˇ 8:12

Ngar, aqyawf maf-euq maqtsaq maqdawr-eu jeq-anr ghawqshaq gaqnaeq-awr, Ngar, aqyawf maf-euq iqbax hawr-eu zanrdawq-anr leur-eu jeq mr-euq gar maqpar noeqtaq ma.” (Ylm 31:31-34)

Jaceuq 109:26

Ngaq-euq Miqyaer pyeuf-eu Ya’we Miqyaer-or! Ngaq-anr cawba naeqlaf-awq. Nawq-euq ghawqshaq gaq-eu jeq-euq baqda’nae, ngaq-anr bibuq-ir naeqlaf-awq.

Jaceuq 79:8

Nga’maf-anr coeqlar-eu dzeurlaf ngae-euq yawlaeq yawca, ngaer naeqlaf-awq. Nawq-euq nanqyuni ghawqshaq gaq-eu jeq, Nga’maf-anr yawkawr-aer bi keuvle naeqlaf-awq. Aqjeq mirnae aernar-aq, nga’maf yawkhav-aer bi gheu’aw taq-euq mir-a.

Jaceuq 31:16

Nawq-euq myavpyawq-euq yawshaef, nawq-euq kuirlaf zaqkhav-euq khoertav byadav naeqlef-awr, Nawq-euq ghawqshaq gaq-eu jeq-euq baqda’nae, ngaq-anr kakhof naeqlaf-awq.

Jaceuq 6:4

Ya’we Miqyaer-or! Ghofle-awr ngaq-euq nuima saflar-anr bibuq-ir naeqlaf-awq. Nawr ghawqshaq gaq-eu jeq-euq baqda’nae, ngaq-anr bibuq-ir naeqlaf-awq.

Yoˇhaˬ 5:14

Arnan, Yeqsur, khoerghaq-anr uqduq tanqnymr nymrma-euq lafkhoer mawr-awr aernaeq-eu, “Hawsher-eq, nawr taqler-euq mae. Khoernav maqtser doerdzaeq-eu jeq nawq-euq khoertav maqya keuvleni iqbax taqpar mr de-eq.”

Yoˇhaˬ 5:5

Khoergar, 38 khof byanni narlaf-euq zaqyo aqli tiq ghaq jawr-eu mae.

Jaceuq 119:124

Nawq-euq kuirlaf zaqkhav-anr, Nawq-euq ghawqshaq gaq-eu jeq-anr geuxni janrnaeq laf-awr, Nawq-euq zanrtaq khoftaq maeqnaeq laf-awq.

Jaceuq 109:16

Aqjeq mirnae aernar-aq, aqyawf ghawqshaq gaq-eu ngaer-awr, Irshaqzaq hawr-eu shaqzaq zanqzaq-anr khaeqnaeq khavnaeq-awr; Nuima tsawqpav taq-euq tsawrhaq-anr khawf saef-euq mae.

Jaceuq 109:14

Aqyawf-euq aqpoeq aqbawr deuq-euq yawlaeq yawca-anr, Ya’we Miqyaer noeqtaq-awr; Aqyawf-euq aqma-euq iqbax-anr maq sivbyovni bijav luf-ur.

Jaceuq 106:3

Dawr-awr tsaq-eu jeq-euq maeqnan cantae-eu deuq hawr-eu, Aqmyanluf tsaq-awr dawr-eu jeq mr-eu tsawrhaq-aq, guiqlanqhuiq taef-a.

Jaceuq 106:4

Ya’we Miqyaer-or! Nawr, nawq-euq tsawrhaq-anr ghoer mr-eu lafkhoer, ngaq-anr noeqkeuv naeqlaf. Nawr, kakhof-eu jeq yur-awr ngar jawr-eu gar oemawr-awq.