Jaceuq 25:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawq-anr khar dawqluf-eu tsawrhaq-anr khawf, taqbi shafdawr-ir naeqlaf. Tiqjeq-iq maqngeur-eu gar janrdoer naeqlaf-euq deuq-anr bi shafdawr-ir-awq.

Akha

³ Nawˬ-ahˇnoeˬtmˬluꞈ-eu deuˬ-ahˇ, sm-iˇgaˇnawˇmaˬbi keuˆ-a. Ehˇkʼawꞈ nawˬ-ahˇpuiˬ-eu deuˬ-aˬ, sm-iˇ-awˇ daˬya ga tehꞈ-a.

Jaceuq 25:3 Referans Kwoze

Jaceuq 62:5

Ngaq-euq nuima saflar ciqcurni, Miqyaer-anr taef-aer dawq ma. Aqjeq mirnae aernar-aq, ngar noeqtmq-eu jeq aqyawf-anr nae oe-eu mae.

Jaceuq 27:14

Ya’we Miqyaer-anr dawq-awq. Yawmuiq-aer mrghanr-awq. Aqyawf, nawq-euq nuima-anr nuighaq bifnaeqlaf taef-a. Ya’we Miqyaer-anr dawq-awq.

Lormav 8:25

Aerkhawf, aqdui maqmawr-euq jeq-anr noeqtmq luf-eu nar-aq, oror-aer nuima keuv-eu lafkhoer dawq-eu jeq pyeuf-eu mae.

Jaceuq 37:34

Ya’we Miqyaer-anr dawq-awr, aqyawf-euq garma-anr can-awq. Aqyawf, nawq-anr ciqgor-awr, jeqbir lof-aer mirkhanq bi’of taef-a; Tsawrcawv bi deuvtsaevdzae ngae, nawr ya’mawr taef-a.

Jaceuq 33:20

Aqdui-euq nuima saflar, Ya’we Miqyaer-anr dawq ma. Aqyawf-aq, aqdui-anr cawba-eu aqdui-euq daeqdaqduq pyeuf-eu mae.

Jaceuq 123:2

Hawsher-eq, kuirlaf zaqkhav tiq ghaq-euq myavnuiv, Aqyawf-euq yawsanr-euq aqlaf-anr haw-eu lof-aer, Zaqmiq aqbur zaqkhav tiq ghaq, aqyawf-euq nymrsanr aqma-euq aqlaf-anr haw-eu lof-aer durni; Nga’maf-euq myavnuiv, nga’maf-euq Miqyaer pyeuf-eu Ya’we Miqyaer-anr hawluf-eu ma. Aqyawf, ghawqshaq maq gaqnaeq laf-euq khoerkeuvni haw ma.

Jaceuq 69:6

Sanqpaq Miqyaer pyeuf-eu Guirmaf-euq Ya’we Miqyaer-or, Ngaq-euq baqda’nae, nawq-anr dawqluf-eu deuq-anr, Shafdawr-eu jeq taqbi keuvle naeqlaf. Irsaqleqlav-euq Miqyaer-or! Ngaq-euq baqda’nae, Nawq-anr povluf-eu deuq-anr myavpyawq narmaer cawv-eu jeq taqbi pyeuf-ir.

Jaceuq 35:26

Ngar narluf-eu gar laqkhaq caer-eu deuq, Daq biga-ir-awr yawbanq yawlanr-aer bipyeuf-ir law. Ngaq-anr janrghaehaw lar-eu deuq, Daqga-eu jeq hawr-eu shafdawr-eu jeq yadm luf-ur.

Jaceuq 132:18

Ngar, aqyawf-anr muir-eu deuq-anr daqga-eu maeqtsoeq bidm ma. Aerkhawf, aqyawf-euq uqduq-anr khovluf-eu shuir-euq uqkhov-aq, yawshaef bya taef-a.”

Jaceuq 71:13

Ngaq-euq daefzir-anr muir-eu deuq, Myavpyawq narmaer bicawv-ir-awr bi myeufanrjir luf-ur. Ngaq-anr lavtanq lavnar-eu laer pov-eu deuq, Dawqdoer bidaq-awr bi shafdawrsaef luf-ur.

Jaceuq 31:17

Ya’we Miqyaer-or! Ngar, nawq-anr kur-euq mirnae, Ngaq-anr daq taqbi ga naeqlaf. Tsawrcawv deuq-anr, daq biga-ir-awr, Aqyawf maf-anr lmqbymr-euq lafkhoer ciqcurni bijawr-ir-awq.

Jaceuq 62:1

Ngaq-euq nuima saflar ciqcurni Miqyaer-anr aqdir dawq ma; Ngaq-anr kakhof-eu jeq aqyawf-anr nae oe-eu mae.

Jaceuq 6:10

Ngaq-anr kharmuir-eu deuq, daq biga-ir-awr shaqzanq binaf duidui law; Aqyawfmaf ciqpyawrkhof ngae, myavnuiv tiq taev-euq lafkhoer, daqga-eu jeq ya’mawr taef-a.

Yoˇhaˬ 15:25

Khoerlof-aer pyeuflar-euq-aq, aqyawf maf-euq zanrdawq-euq lafkhoer boftaq-euq dawq heudawq byanlar-euq mae, ‘Tiqjeq-iq maqngeur-eu gar, aqyawfmaf, ngaq-anr byae-eu mae.’ (Jc 35:19; 69:4)

Jaceuq 119:78

Janrghae-eu tsawrhaq deuq, Ngaq-anr maqtsaq maqdawr-eu lafkhoer mrbanq naeqlaf-euq mirnae, Aqyawf maf-anr shafdawr-ir paq-aer janrnaeq-awq; Ngar ghaq-aq, nawq-euq maeqdawq-anr dzardziv dziv ma.

Jaceuq 109:3

Aqyawfmaf, ngaq-anr byae-eu dawq, ngaq-euq tiqjawq jabyan taq-awr; Tiqjeq-iq maqngeur-eu gar, ngaq-anr caelar luf-eu mae.

Jaceuq 69:4

Tiqjeq-iq maqngeur-eu gar, ngaq-anr byae-eu tsawrhaq deuq, Ngaq-euq uqduq tsaerkanr myavmaqtser myaq-eu mae. Tiqjeq-iq maqngeur-eu gar, ngaq-anr muir-eu deuq, aqyawfmaf ghaq khav-awr, Ngaq-anr lavcawv-eu laer ghae-eu mae. Ngaq nae maqkhoeq-euq jeq-anr, ngar ya tsoeqkhof naeq-eu mae.

Jaceuq 22:6

Aerkhawf, ngar-aq, tsawrhaq baqmaf hawdoer-awr, tsawrhaqzaq aerdoerduq pyeuf-eu; Tsawrhaq maqngeur-eu aqjuq tiq mawr-anr dur-eu taef mir-a.

Jaceuq 31:18

Nuima huiq-awr janrghae-eu lafkhoer, Tsaq-awr dawr-eu tsawrhaq-anr hawdoer-awr khanqsaer jaevjaev-aer, Jaqmyawf myawf-eu maeqluq deuq, ciqcur savni bipyeuf-ir-awq.