Jaceuq 25:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngaq-euq Miqyaer-or! Ngar, nawq-anr ghoe ma. Ngaq-anr taqbi shafdawr-ir naeqlaf; Ngaq-anr muir-eu deuq ngaq-anr taqbi ghaqlar naeqlaf.

Akha

² Ngaˬ-euˬ Miˬyehˇ-oˇ, nawˬ-ahˇ ngaˇgʼoe-eu ma. Ngaˬ-euˬmyaˆpyawˬtaˬbi cawˆlaꞈ. Muiˇ-eu deuˬneh taˬbi gʼaˬlaꞈ.

Jaceuq 25:2 Referans Kwoze

Lormav 10:11

Aqjeq mirnae aernar-aq, Yaerbof aer-eu, “Aqyawf-anr kharjan-eu tsawrhaq-aq, tiqghaq-iq daq maqya ga-ar.” (Isy 28:16)

Jaceuq 41:11

Ngaq-anr muir-eu deuq, ngaq-anr maq ghaqlar-eu mirnae, Nawr, ngaq-anr nuikhanr shir-eu nga laer ngar siqduq-euq ma.

Jaceuq 71:1

Ya’we Miqyaer pyeuf-eu Miqyaer-or! Ngar, nawq-anr ghoe ma. Ngaq-anr tiqjawr-iq shafdawr-eu jeq taqbi keuvle naeqlaf.

Lormav 5:5

Noeqtmq-eu baqda’nae nuima yacawv-eu maqngeur-a. Aqjeq mirnae aernar-aq, aqdui-anr bifnaeq laf-euq Yawshawr Saflar, aqdui-euq nuima-euq lafkhoer, Miqyaer-euq gaq-eu jeq shaevanr naeqlaf-euq mae.

Jaceuq 22:5

Aqyawfmaf, nawq-anr gurgaq ngae, aqyawfmaf yadzeur-ir-awr; Aqyawfmaf, nawq-anr ghoe-euq mirnae, aqyawfmaf daq maqya ga-aq.

Jaceuq 142:6

Ngar gur-eu gar narhaq naeqlaf-awq. Aqjeq mirnae aernar-aq, Ngar ardzaeq-aer aw-eu gar bi gheuka taq-euq nya; Ngaq-anr khaeq-awr khav-eu deuq-anr nae bibuq-ir naeqlaf-awq. Aqjeq mirnae aernar-aq, Aqyawfmaf, ngaq-euq navmaqtser ghaq khavdzaeq-eu mae.

Jaceuq 31:1

Ya’we Miqyaer-or! Ngar, nawq-anr ghoe ma. Ngaq-anr tiqjawr-iq taqbi shafdawr-ir naeqlaf; Nawq-euq tsaq-awr dawr-eu lafkhoer, ngaq-anr bibuq-ir naeqlaf-awq.

Jaceuq 34:8

Haeq, myeufhaw-awr Ya’we Miqyaer-aq, Yawmuiq ngar-a laer hawmawr-awq! Aqyawf-anr ghoe-eu tsawrhaq-aq, guiqlanq huiq-eu mae.

Jaceuq 94:3

Ya’we Miqyaer-or! Tsawrcawv deuq aqmyan keuvni, Tsawrcawv deuq aqmyan keuvni ghaqler-eu laer la?

1 Beˬtuˆluˆ 2:6

Aqjeq mirnae aernar-aq, Yaerbof-euq lafkhoer boftaq-euq, “Hawsher-eq. Ngaq nae tserdov-euq poeq duidui-eu lafcoer-euq lozif khoersiq, ngar, Ziroq gawqjawq-anr ciqtaq-euq ma. Aqyawf-anr kharjan-eu tsawrhaq tiqjeq-iq-euq baqda’nae maqya shafdawr-ar.” (Isy 28:16)

Jaceuq 37:40

Ya’we Miqyaer, aqyawf maf-anr cawba-awr aqyawf maf-anr bibuq-ir taef-a; Aqyawfmaf, Miqyaer-euq lafkhoer caevzaf-eu mirnae, Aqyawf, aqyawf maf-anr tsawrcawv-anr nae kakhof-awr bibuq-ir taef-a.

Jaceuq 18:2

Ya’we Miqyaer-aq, ngaq-euq logur, ngaq-euq lanrlof nymrzif hawr-eu ngaq-anr bibuq-ir-eu ghaq pyeuf-awr, Ngaq-euq Miqyaer, ngaq-euq logur hawr-eu ngar ghoeduq pyeuf-eu uqtaf, Ngaq-euq daeqdaqduq, ngaq-anr kakhof-eu uqcoer hawr-eu ngaq-euq zifduq pyeuf-eu mae.

Jaceuq 7:1

Ngaq-euq Miqyaer pyeuf-eu Ya’we Miqyaer-or! Ngar, nawq-euq lafkhoer caevzaf ma. Ngaq-anr tae-eu tsawrhaq dawqtawv luf-anr nae bibuq-ir naeqlaf-awr, Ngaq-anr bidzeur-ir naeqlaf-awq.

Jaceuq 22:8

“Aqyawf, Ya’we Miqyaer-anr ghoe-eu-aq, Miqyaer, aqyawf-anr bidzeur-ir luf-ur; Aqyawf, Miqyaer-euq lafkhoer laqkhaq caer-eu mirnae, Miqyaer, aqyawf-anr bibuq-ir luf-ur.”

Jaceuq 22:1

Ngaq-euq Miqyaer-or! Ngaq-euq Miqyaer-or! Aqjeq mirnae nawr, ngaq-anr byaerdzae naeqlaf-eu le? Aqjeq ghae-eu ngaq-anr maq cawba naeqlaf-aer, ngar manrluf-eu dawq-anr nae garmanr kaq-eu gar jawr-eu le?

Jaceuq 56:1

Miqyaer-or! Aqcawq, ngaq-anr myeufanr-eu laer nyaefsuf-awr nan’ga-i deuvlar luf-eu mirnae; Ngaq-anr ghawqshaq gaqnaeq laf-awq.

Jaceuq 13:5

Aerkhawf, ngar, nawq-euq ghawqshaq gaq-eu jeq-anr ghoeluf ma. Ngaq-euq nuima, nawq-euq kakhof-eu jeq-anr laqkhaq yacaer taef-a.

Jaceuq 31:2

Nawq-euq naqbawr, ngaq-anr ciqkhmr ghaelef naeqlaf-awr, Ngaq-anr yawkawr-aer bibuq-ir naeqlaf-awq. Ngaq-euq caevzafduq logur pyeufnaeq laf-awr; Ngar yabuq-ir ni, lofpir-eu zif-eu lanrlof pyeufnaeq laf-awq.

Jaceuq 31:15

Ngaq-euq arnan aryamq-aq, nawq-euq aqlaf-euq lafkhoer jav-eu mae. Ngaq-anr muir-eu deuq-euq aqlaf-anr nae hawr-eu, Ngaq-anr khaeq-awr khav-eu deuq-anr nae bibuq-ir naeqlaf-awq.

Jaceuq 91:2

Ngar, Ya’we Miqyaer-euq garkawv heulof-aer aer ma, “Aqyawf-aq, ngaq-euq caevzafduq, ngaq-euq lanrlof hawr-eu, Ngaq-euq Miqyaer mae. Ngar, aqyawf-anr ghoe ma.”