Jaceuq 25:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Ya’we Miqyaer-anr guv-eu tsawrhaq aqsur ghaq la? Aqyawf tsergeuf paq-aer ghae-eu garma, Miqyaer maeqnaeq taef-a.

Akha

¹² SahˬpaˬMiˬyehˇ-ahˇzeu-eu deuˬ, ya tseˇgeuꞈ-eu gaˇma tiˬkahˇ, SahˬpaˬMiˬyehˇtoeˬmehˬtehꞈ-a.

Jaceuq 25:12 Referans Kwoze

Jaceuq 37:23

Tsawrhaq yawmuiq-euq kuirtof-aq, Ya’we Miqyaer nae ciqtsaq taq-euq mae. Aqyawf-euq garma-anr Miqyaer nuikhanr shir-eu mae.

Jaceuq 32:8

Miqyaer aer-eu, “Ngar, nawr ya’ir-eu garma, nawq-anr maeqnaeq-awr bi ganrlar ma. Ngar, nawq-anr, ngaq-euq myavnuiv nae sheuqghaenaeq ma.

Yoˇhaˬ 7:17

Miqyaer nuima tsaqni mrmawf-eu tsawrhaq-aq, ngar maeq-eu dawqmaeq dawqtsov heu, Miqyaer nae bimaeq-euq nga lor? Maqngeur nar-aq, ngar yawqha yawqha ngaeq-eu nga laq laer siqnya taef-a.

Jaceuq 111:10

Ya’we Miqyaer-anr guv-eu jeq-aq, zaqsiq tsawrganr-euq ardanq baeduq mae. Aqyawf-euq zanrdawq khofdawq-anr khar mrcaw-eu tsawrhaq deuq-aq, Yawmuiq-aer ghovshaw nya-eu tsawrhaq mae. Aqyawf-anr jaceuq-eu jeq mqmaq maqbyav yarzir gmq taef-a.

Dawqdaq 1:7

Ya’we Miqyaer-anr guv-eu jeq-aq, siqnya-eu tsawrganr-euq ardanq baeduq mae. Aerkhawf, aqdzawq argan-aq, zaqsiq tsawrganr hawr-eu maeqdawq tsovdawq-anr hawdoer-eu mae.

Dawqdaq 16:6

Ghawqshaq gaq-eu jeq hawr-eu yawtsaq yawdawr jeq-euq baqda’nae, Yawbanq yawlaeq-euq gharduq lawrdan-awr, Tsawrhaq tiq ghaq, Ya’we Miqyaer-anr guv-eu jeq-euq baqda’nae, Yawcawv jeq-anr garjaw jawnya-eu mae.

Dawqdaq 15:33

Ya’we Miqyaer-anr guv-eu jeq-aq, Zaqsiq tsawrganr za-eu maeqdawq tsovdawq pyeuf-awr, Nuinanq nuiyu-euq maeqnan, Taqhuiq taqmanr-eu jeq caw-eu mae.

Gʼaˬkʼehˇ 10:22

Khoerngae, aqyawfmaf aer-eu, “Yardzoeq guirhuq Gorneqlir-aq, Miqyaer-anr guv-awr, Yurdav tsawrjeuq tsawrca dawqtawv luf-euq lafkhoer tsawrmyanr muiq-eu, tsaq-awr dawr-eu tiq ghaq mae. Nawq-anr aqyawf-euq irkanr-euq lafkhoer kurur-awr, nawq-euq dawq narhaq-awq laer shawr-eu mqtav ghaqkhaer tiq ghaq, aqyawf-anr aernaeq le-euq mae.”

Dawqdaq 2:5

Arsaq saqlar ngae, nawr, Ya’we Miqyaer-anr guv-eu jeq-anr ghovshawnya lar-awr, Miqyaer-euq siqnya-eu tsawrganr-anr povmawr taef-a.

Gʼaˬkʼehˇ 13:26

“Aqbyaqhaq-euq zaq pyeuf-eu aqyuif aqnyir hawr-eu nawmaf-euq lafkhoer Miqyaer-anr guv-eu tsawrhaq deuq-or! Kakhof-eu garkawv-anr taf-eu dawq heu-aq, nawmaf-anr shaha keuvlef taq-euq mae.

Gʼaˬkʼehˇ 11:14

Nawr hawr-eu nawq-euq miqsawrzaq yawqghaq navluf yabuq-ir ni, aqyawf, nawq-anr dawqja ja’maeq naeqlaf taef-a.’

Gʼaˬkʼehˇ 10:2

Aqyawf hawr-eu aqyawf-euq miqsawrzaq yawqghaq navluf Miqyaer-anr guv-awr uqduq tanq-eu tsawrhaq pyeuf-eu mae. Yawqjawr navluf mirkhanqzaq-anr gamfnaeq-awr, aqmyanluf Miqyaer-anr guiqlanq sharluf-eu mae.

1 Yoˇhaˬ 2:27

Nawmaf, Kali nae tsaqtsov-euq jeq za-awr, tsaqtsov-euq jeq khoer aqmyanluf nawmaf-euq lafkhoer javluf-eu mirnae, tsawrhaqzaq tiqghaq-iq nawmaf-anr maeqnaeq tsovnaeq-eu laer maqya ghae-ar. Aqjeq mirnae aernar-aq, tsaqtsov-euq jeq khoer, nawmaf-anr taf-eu yawqjeq navluf maeqnaeq tsovnaeqlaf taef-a. Tsaqtsov-euq jeq khoer-aq, jaqmyawf maqngeur-a, tsaq-awr dawr-eu mae. Khoermirnae, tsaqtsov-euq jeq nawmaf-anr maeqnaeq tsovnaeq laf-eu lof-aer aqyawf-euq lafkhoer jawr-awq.

Dawqdaq 2:9

Khoernar-aq, tsaq-awr dawr-eu jeq, dawrcoeni dar-eu jeq, didaeqni janr-eu jeq, Hawr-eu muiq-eu cankawv yawqkanr navluf-anr nawr ghovshaw nyalar taef-a.