Jaceuq 25:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqyawf-euq dawqma sarjax hawr-eu aqyawf-euq dawqdzawr-anr cantae-eu tsawrhaq-euq gharduq-aq, Ya’we Miqyaer-euq cankawv dawqtawvluf, yawtsaq yawdawr hawr-eu ghawqshaq gaq-eu jeq pyeuf-eu mae.

Akha

¹⁰ Dawˬma saˇjaˇ-ahˇ caw teh-awˇ, yehˇdawˬnaˇ-eu deuˬ-euˬmehˬshi, yawꞈgaˬ-eu jeˬ, yawꞈ-euˬsaˇjaˇ, gaˇma kahˇli sheu taw nehˬmeh.

Jaceuq 25:10 Referans Kwoze

Yaˬkoˆ 5:11

Aqdui, daqdzeur ordzeur nya-euq deuq-anr guiqlanq huiq-eu tsawrhaq laer sawx-eu ma. Yorbav orcoer duidui-euq garkawv nawmaf yagaq-awr, Sanqpaq Miqyaer, aqyawf-anr aqjox-aer arsaq bisaq-euq gar khawf mawrlar-eu mae. Sanqpaq Miqyaer-aq, ghawqshaq gaq-eu jeq hawr-eu ghawqshaq gaqnaeq-eu jeq tiqbyanni anr nga laer siqlar-eu mae.

Lormav 8:28

Miqyaer, aqyawf-anr khargaq-eu tsawrhaq-euq gharduq, yawqjeq navluf-euq lafkhoer nae, yawmuiq jeq bi dovlar-eu mae laer aqdui siqnya ma. Miqyaer nae noeqtaq-euq lof-aer pyeuflarni, aqyawf, tsawrhaq khoerdeuq-anr kur-euq mae.

Jaceuq 40:11

Ya’we Miqyaer-or! Nawr nanqyuni ghawqshaq gaq-eu jeq, Ngaq-anr maqbi keuvle-aer taqghae naeqlaf. Nawr, ngaq-anr nawq-euq ghoer-awr gaq-eu jeq hawr-eu nawq-euq yawtsaq yawdawr nae, Ngaq-anr aqmyanluf hawpir naeqlaf-awq.

Yoˇhaˬ 1:17

Zanrdawq-aq, Morseq-anr ghoe-awr bifnaeq lef-euq mae. Aerkhawf, guiqlanq yawdzanr hawr-eu yawtsaq yawdawr jeq-aq, Yeqsur Kali-anr nae dovle-euq mae.

Jaceuq 91:14

“Aqyawf, ngaq-anr gaq-eu mirnae, ngar, aqyawf-anr bibuq-ir ma. Aqyawf, ngaq-euq tsawrmyanr siqnya-eu mirnae, Ngar, aqyawf-anr yawgor-anr bijawr ma.

Lormav 2:13

(Zanrdawq-anr yagaq-euq mirnae, Miqyaer-euq maeqshi tsaq-awr dawr-eu tsawrhaq pyeuflar-eu maqngeur-a. Zanrdawq-anr mrcaw-euq tsawrhaq deuq taef-aer mrshawr-euq tsawrhaq pyeuflar-eu mae.

HeˬByehˇ 12:14

Tsawrhaq yawqghaq navluf naeq-aer tsaqler dzoerlerni laejae-awr, shawrlarni khawf laejae-awq. Aqjeq mirnae aernar-aq, maqshawr nar-aq, tsawrhaq tiqghaq-iq Sanqpaq Miqyaer-anr maq mawrnya-a.

Gʼaˬkʼehˇ 10:35

Aerkhawf, yawqjeuq yawqca navluf-euq lafkhoer, aqyawf-anr guv-awr tsaq-awr dawr-eu jeq mr-eu tsawrhaq yawqghaq navluf-anr aqyawf hageuf-eu mae.

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Jaceuq 98:3

Aqyawf, Irsaqleqlav-euq nymrkhanq-euq gharduq, Aqyawf-euq ghawqshaq gaq-eu jeq hawr-eu, Sarjax zif-eu jeq noeqkeuv naeq-euq mae. Mqdzer mirdzer dawqtawvluf, aqdui-euq Miqyaer-euq kakhof-eu jeq ya’mawr-euq mae.

Jaceuq 89:14

Tsaq-awr dawr-eu jeq hawr-eu dawr-awr tsaq-eu jeq-aq, Nawq-euq nuirmanq-euq dawqpaeq duqpur mae. Ghawqshaq gaq-eu jeq hawr-eu yawtsaq yawdawr-aq, Nawq-euq maeqshi canluf-eu mae.

Jaceuq 85:10

Ghawqshaq gaq-eu jeq hawr-eu yawtsaq yawdawr jeq tanqdzoer-awr, Tsaq-awr dawr-eu jeq hawr-eu nuisar of-eu jeq maeqsaw saw-euq mae.

Jaceuq 57:3

Miqyaer, ghawqshaq gaq-eu jeq hawr-eu yawtsaq yawdawr jeq khaerghaelef taef-a; Aqyawf, ngaq-anr bibuq-ir-eu jeq mq-euq khoertav nae bi’oe-awr; Aqyawf, ngaq-anr myeufanr-eu laer ghae-eu tsawrhaq-anr aerdoernaeq taef-a. Sela.

Jaceuq 50:23

Jaceuq-eu jeq kharlawr-eu ghaq-aq, Ngaq-anr ciqhuiq ciqmanr-eu mae; Yawqha yawmuiq-aer daefni laeqhmq-awr daeftsaq daeftsanr-eu tsawrhaq-anr, Miqyaer-euq kakhof-eu jeq-anr ngar bimawr ma.”

Jaceuq 33:4

Ya’we Miqyaer-euq dawq-aq, tsaq mae. Aqyawf nae mr-euq gar dawqtawvluf yawtsaq yawdawr-euq lafkhoer mr-euq mae.

Jaceuq 138:7

Ngar gardzaq garkawv-euq ghanrcae canluf khawf, Nawr, ngaq-anr tiq pov par lavdaef naeqlaf taef-a; Nawr, nawq-euq aqlaf cawqja-awr nae, ngaq-anr muir-eu deuq-euq nuima paer-eu gar caekhofnaeq taef-a. Khoernar-aq, nawq-euq armar laf, ngaq-anr bibuq-ir naeqlaf taef-a.