Jaceuq 24:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Heulof-aer ghae-eu tsawrhaq-aq, Ya’we Miqyaer-euq guiqlanq za-awr, Aqyawf-anr kakhof-eu Miqyaer-anr nae tsaq-awr dawr-eu jeq khawf za taef-a.

Akha

⁵ kʼoeˇloꞈ-ehˇgʼeh-eu tsawˇhaˬ-ahˇ, SahˬpaˬMiˬyehˇguiˬlahˬbiꞈ-awˇ, iˬbaˇlaw meh lehˇ daˇnehˬ-awˇ, Miˬyehˇka kʼoꞈnehˬle tehꞈ-a.

Jaceuq 24:5 Referans Kwoze

Piˇliˇpiˆ 3:9

Ngar, Kali-euq lafkhoer jawrnya’ni khoerlof-aer sawxtaq-euq ma. Zanrdawq-anr taf-eu ngaq-euq tsaq-awr dawr-eu jeq maqjav. Aerkhawf, Kali-euq lafkhoer jan-eu jeq-euq baqda’nae tsaq-awr dawr-eu jeq jav ma. Tsaq-awr dawr-eu heujeq-aq, jan-eu mirnae, Miqyaer-anr nae za-euq tsaq-awr dawr-eu jeq pyeuf-eu mae.

Eˇpeˇsu 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf, mqtav mirkhanq-anr jav-eu saflar paw-euq guiqlanq yawqjeq navluf, Kali-euq lafkhoer aqdui-anr bifnaeq laf-euq mae.

1 Beˬtuˆluˆ 3:9

Aqcawq yawdoer jeq janrlar-eu khawf, yawdoer jeq taq janrkhofnaeq. Aqcawq dawqdoer ngaeqlar khawf, dawqdoer maq ngaeqkhof naeqni, dawq ngaeqghae naeq-awq. Miqyaer-aq, nawmaf-anr guiqlanq-euq jeqbir biza-eu laer kur-euq mae laer siqnya-awq.

Gaˬlaˬtiˆ 3:14

Khoermirnae, Aqbyaqhaq-anr bif-euq guiqlanq, Yeqsur Kali-anr ghoe-awr, aqcawq tsawrjeuq tsawrca-anr keuv-ir ni, aqdui jan-eu mirnae, bif ma laer aertaq-euq Yawshawr Saflar za-euq ma.

Jaceuq 50:23

Jaceuq-eu jeq kharlawr-eu ghaq-aq, Ngaq-anr ciqhuiq ciqmanr-eu mae; Yawqha yawmuiq-aer daefni laeqhmq-awr daeftsaq daeftsanr-eu tsawrhaq-anr, Miqyaer-euq kakhof-eu jeq-anr ngar bimawr ma.”

Gaˬlaˬtiˆ 5:5

Jan-eu baqda’nae aqdui, muiq-eu Saflar-anr ghoeghoe-aer, noeqtmq luf-eu tsaq-awr dawr-eu jeq-anr nuima keuv-eu lafkhoer dawqluf-eu ma.

Gaˬlaˬtiˆ 3:9

Khoermirnae, jan-eu jeq anr-eu tsawrhaq-aq, nuijan anr-eu Aqbyaqhaq naeq-aer tiqkawv lof-aer guiqlanq za taef-a.

2 Gawˇliˬtu 5:21

Kali-aq, iqbax tiqpawf-iq maqanr-eu khawf, aqdui-euq gharduq Miqyaer, aqyawf-anr iqbax bipyeuf-ir-euq mae. Khoermirnae, Kali-euq lafkhoer aqdui, Miqyaer-euq tsaq-awr dawr-eu tsawrhaq pyeuflar-euq ma.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

Lormav 3:22

Yeqsur Kali-anr kharjan-eu tsawrhaq dawqtawvluf, aqyawfmaf jan-eu lafkhoer, Miqyaer-euq tsaq-awr dawr-eu jeq-anr za-euq mirnae, beugar-eu tiqjeq-iq maqjav-a.

Yoˇhaˬ 7:17

Miqyaer nuima tsaqni mrmawf-eu tsawrhaq-aq, ngar maeq-eu dawqmaeq dawqtsov heu, Miqyaer nae bimaeq-euq nga lor? Maqngeur nar-aq, ngar yawqha yawqha ngaeq-eu nga laq laer siqnya taef-a.

Jaceuq 88:1

Ngaq-anr kakhof-eu Miqyaer pyeuf-eu Ya’we Miqyaer-or! Ngar, nawq-euq maeqshi, uqcif nan’ghanr gurluf-eu ma.

Jaceuq 72:17

Aqyawf-euq tsawrmyanr li-eu maqbawni zif-awr; Nanrma kharbya-eu khoerkeuvni, aqyawf-euq tsawrmyanr javtsaflef taef-a. Tsawrhaqzaq, aqyawf-euq lafkhoer guiqlanq za-awr; Mirkhanq-euq tsawrjeuq dawqtawvluf, aqyawf-anr guiqlanq huiq-eu ghaq laer kur taef-a.

Jaceuq 68:19

Sanqpaq Miqyaer-anr jaceuq ma. Aqyawf-aq, nan-anr nae aqdui-anr yawmuiq jeq tiqbyanni bifnaeq laf-awr, Miqyaer-aq, aqdui-anr kakhof-eu ghaq pyeuf-eu mae. Sela.