Jaceuq 24:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqlaf shawr-awr nuima shawrjaevni ghae-eu tsawrhaq, Nuima saflar, tanqpanq aqma mawrkawr-anr maq ciqnaeq-aer, Maershuir shuir-eu laer maqkamq-eu tsawrhaq mae.

Akha

⁴ Aˬlaꞈhawˇ-eu nui ma shawˇ-awˇ, tahˬpaˬaˬma-ahˇmaˬtahˬ-eu, maˬtsaˬ-eu saˇkiˇmaˬkamˬ-eu,

Jaceuq 24:4 Referans Kwoze

Maꞈtehˬ 5:8

“Nuima shawrjaevni ghae-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawfmaf, Miqyaer-anr ya’mawr taef-a.

Jaceuq 51:10

Miqyaer-or! Ngaq-euq lafkhoer shawr-eu nuima tiq siq bae’anr naeqlaf-awr; Ngaq-euq lafkhoer zifdanni ghae-eu saflar lavshuif naeqlaf-awq.

Yaˬkoˆ 4:8

Miqyaer-euq dawqpae taeqni jivler-awq. Jivler nar-aq, Miqyaer khawf nawmaf-euq dawqpae jivle taef-a. Iqbaxzaq-or! Nawmaf-euq aqlaf dzuifshawr-awq. Nuinoeq nyiq noeq anr-eu tsawrhaq-or! Nawmaf-euq nuima lavmuiq lavshawr-awq.

Jaceuq 73:1

Miqyaer-aq, Irsaqleqlav-anr aqdir aqmar muiqnaeq-euq mae. Nuima shawrjaevni ghae-eu tsawrhaq-anr muiqnaeq-euq mae.

2 Gawˇliˬtu 7:1

Ngar zawr gaq-eu cawqdeuq-or! Aqdui sarjax heudeuq-anr zataq-euq mirnae, aqdui-euq mawrdo hawr-eu saflar-anr bi jawflar-eu yawqjeq navluf-anr tsiqshawr-awr, Miqyaer-anr guv-eu lafkhoer, yawshawr jeq bi byanlar kar-eur.

Jaceuq 26:6

Ya’we Miqyaer-or! Ngar, nawq-euq lawrduq jawqjawq-aer cannya’ni, Ngar shawrjaevni ghae-eu ma laer aqlaf dzuifshawrler ma.

1 Tiˆmoˇseˬ 2:8

Khoermirnae, zaqyo aqli deuq aqgar jawr ngae maqkaq, nuima maqpaer-aer, tsawrpyaer maqpyaerni, shawr-eu aqlaf bafdir-awr guiqlanq shar-eu gar ngar geufmawf mir-a.

Gʼaˬkʼehˇ 15:9

Miqyaer-aq, aqdui hawr-eu aqyawfmaf laer maq tserpav-a. Jan-eu jeq-anr ghoe-awr nae, Miqyaer, aqyawf maf-euq nuima-anr bimuiq bi shawrlar-euq mae.

Jaceuq 18:20

Ngar tsaq-awr dawr-eu gar geuxni, Ya’we Miqyaer, ngaq-anr mrpoeq lafsawq bifnaeq laf-awr; Ngaq-euq aqlaf shawr-eu gar tsaqni, ngaq-anr yawmuiq jeq janrkhof naeqlaf-eu mae.

Jaceuq 143:8

Uqshawq paw, ngaq-anr nawq-euq ghoer-awr gaq-eu garkawv bigaq naeqlaf, Aqjeq mirnae aernar-aq, ngar, nawq-anr ghoe ma. Ngar, can paq-aer ghae-eu garma, ngaq-anr bi siqnya naeqlaf-awq, Aqjeq mirnae aernar-aq, ngar, ngaq-euq nuima saflar, nawq-anr ciqgornaeq ma.

Jaceuq 15:4

Aqyawf-euq myavnuiv-aq, yawdoer yawcawv tsawrhaq-anr hawdoer-awr, Ya’we Miqyaer-anr guv-eu tsawrhaq-anr taqhuiq-eu uqtaf, Yawqha nae kamq-euq jeq, yawqha-anr deuqlar-eu khawf maqpov maq parlar-eu tsawrhaq,

Panmaeq 21:27

Aerkhawf, maqshawr-eu aqgeu jeq maqkaq, meuq heumeuq-anr maqya urler-a. Nuidav davlar paq-aer ghae-eu hawr-eu jaqmyawf myawf-eu tsawrhaq-aq, meuq heumeuq-anr maqya urler-a. Yawrzaq-euq Daef-eu jeq bif-eu sanqbof-euq lafkhoer, tsawrmyanr bofanr taq-euq tsawrhaq taef-aer ya urler-eu mae.

Dawqdaq 20:9

“Ngar, ngaq-euq nuima lavshawr jir-euq ma. Ngar-aq, iqbax maqanrni shawrjaevni ghae-eu ma” laer aqsur ghaq aernya nmr-mq?

Jaceuq 25:1

Ya’we Miqyaer-or! Ngar, ngaq-euq nuima saflar nawq-anr a’naeq ma.

Gʼaˬkʼehˇ 14:15

heulof-aer aer-eu mae: “Aqyuif aqnyir deuq-or! Aqjeq mirnae teulof-aer janr-eu le? Nga’nyaf khawf nawmaf lof-aer dur-eu tsawrhaqzaq pyeuf-eu ma. Nga’nyaf, nawmaf-anr dawqmaeq maeqle-euq heu-aq, nawmaf gardanr maqtsoeq-eu teudeuq-anr byaerdzae-awr, mq hawr-eu mir, iqmalavshav hawr-eu kharjawr kharjav-eu jeq dawqtawv luf-anr bae-euq ghaq pyeuf-eu, daefluf-eu Miqyaer jawr-eu paw bi ghofpyawr lar-eu gharduq ma.

1 Tiˆmoˇseˬ 1:10

banq-awr joe-eu tsawrhaq, aqli yawkaq aqli yuftaf joetaf-eu tsawrhaq, tsawrhaq khoeqanq-eu tsawrhaq, jaqmyawf myawf-eu tsawrhaq, maqngeur-eu jeq kamq-eu tsawrhaq hawr-eu tsaq-awr tsanr-eu jan-eu jeq-euq dawqmaeq dawqtsov-anr lavtsoeq lar-eu jeq-euq gharduq zanrdawq bijav-euq mae laer aqdui siqnya-eu ma.

Jaceuq 51:12

Nawq-euq kakhof-eu jeq-euq laqkhaq caer-eu jeq, ngaq-anr par bifkhof naeqlaf-awr, Nawq-euq nuijer jer-eu Saflar nae ngaq-anr cawba naeqlaf.