Jaceuq 23:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Nawq nae ngaq-anr muir-eu deuq-euq maeqshi, Ngaq-euq gharduq hawqje shardanr naeqlaf-eu mae; Nawr, ngaq-euq uqduq-anr tsir shaevdav naeqlaf-awr, Ngaq-euq khmqmaq byankhar luf-eu mae.

Akha

⁵ Ngaˬ-ahˇmuiˇ-eu deuˬhaw mawˇgaˇ, nawˇhawˬjeh shaˇdahˇlaꞈ-euˬmeh. Uˬduˬ-ahˇtsiˇlehꞈnehˬlaꞈ-awˇ, ngaˬ-euˬkʼmˬmaˬbyah kʼaˇluꞈmeh.

Jaceuq 23:5 Referans Kwoze

Eˇpeˇsu 3:20

Aqdui-euq lafkhoer gar mrluf-eu aqyawf-euq baoq-anr ghoe-awr, aqdui sharnoeq-awr tanqshar nya-eu navmaqtser, ardzaeq paw-aer tiqbyan tiqlof mrpyeuf nya-eu Miqyaer-anr taqhuiq taqmanr kar-eur.

Jaceuq 92:10

Aerkhawf, nawr, naefnyoq-euq uqcoer lof-aer, Ngaq-euq uqcoer-anr ciqgor naeqlaf-awr; Ngaq-anr tsir yawshuif nae tsaqtsov naeqlaf-euq mae.

Jaceuq 45:7

Nawr tsaq-awr dawr-eu jeq-anr gaq-awr yawcawv jeq-anr byae-eu mirnae; Nawq-euq Miqyaer pyeuf-eu Miqyaer, nawq-euq cawqdeuq-anr navmaqtser, Nawq-anr laqkhaq caer-eu tsir shaevdav naeq-euq mae.

Jaceuq 16:5

Ya’we Miqyaer-or, nawr-aq, ngaq-euq jeqbir-euq shaqbymr hawr-eu ngaq-euq khmqmaq ma. Nawr, ngaq-anr of-eu shaqbymr hawsav naeqlaf-euq mae.

1 Yoˇhaˬ 2:20

Yawshawr ghaq, nawmaf-anr tsaqtsov-euq mirnae, nawmaf yawqjeq navluf-anr siqnya mae.

1 Yoˇhaˬ 2:27

Nawmaf, Kali nae tsaqtsov-euq jeq za-awr, tsaqtsov-euq jeq khoer aqmyanluf nawmaf-euq lafkhoer javluf-eu mirnae, tsawrhaqzaq tiqghaq-iq nawmaf-anr maeqnaeq tsovnaeq-eu laer maqya ghae-ar. Aqjeq mirnae aernar-aq, tsaqtsov-euq jeq khoer, nawmaf-anr taf-eu yawqjeq navluf maeqnaeq tsovnaeqlaf taef-a. Tsaqtsov-euq jeq khoer-aq, jaqmyawf maqngeur-a, tsaq-awr dawr-eu mae. Khoermirnae, tsaqtsov-euq jeq nawmaf-anr maeqnaeq tsovnaeq laf-eu lof-aer aqyawf-euq lafkhoer jawr-awq.

2 Gawˇliˬtu 1:21

Kali-euq lafkhoer nga’maf hawr-eu nawmaf-anr bizif naeqlaf-awr, tsaqtsov naeqlaf-euq ghaq-aq Miqyaer mae.

1 Gawˇliˬtu 10:16

Aqdui, Miqyaer-anr jaceuq-eu guiqlanq-euq khmqmaq heu-aq, aqdui, Kali-euq shiq-anr tafluf-eu ma laer aermawf-eu maqngeur-a lor? Aqdui ngawqpyaeq-eu kaqmur-aq, aqdui, Kali-euq mawrdo-anr gawfluf-eu ma laer aermawf-eu maqngeur-a laq?

Yoˇhaˬ 16:22

Khoerlof-aer durni, nymq-mr nawmaf noeqshaq luf-eu ngar-a. Aerkhawf, ngar, nawmaf-anr parya mawr ngae, nawmaf-euq nuima laqkhaq caerlar taef-a. Nawmaf laqkhaq caer-eu gar, laqkhaq maqbi caerni tiqghaq-iq maq yurgeuf nya-ar.

Jaceuq 104:15

Tsawrhaqzaq-euq nuima-anr laqkhaq bi caerlar-eu aqgaf dzaruir; Tsawrhaqzaq-euq myavpyawq yawshaef bibya-eu saqloq-euq tsir hawr-eu; Tsawrhaqzaq-euq nuima ghaq anrlarni dzaq-eu kaqmur, Heudeuq-anr Miqyaer nae bi javlar-euq mae.

Jaceuq 116:13

Ngar kakhof-eu jeq-euq khmqmaq ciq-awr, Ya’we Miqyaer-euq tsawrmyanr-anr kur ma.

Jaceuq 22:26

Irshaqzaq nuikhanr tiqshir ya dzaqdaev-awr; Ya’we Miqyaer-anr pov-eu deuq, aqyawf-anr ya jaceuq taef-a. Nawq-euq nuima mqmaq maqbyav yarzir daef luf-ur!

Jaceuq 78:19

Aqyawfmaf, Miqyaer-anr puiq-eu dawq ngaeq-awr aer-eu, “Bawrtsanq bawrdanr-euq lafkhoer, Miqyaer hawqje shardanrnya mae lor?

Luˇkaꞈ 7:46

Nawr, ngaq-euq uqduq-anr tsir maq laefnaeq laf-aq. Aerkhawf, zaqmiq aqbur heughaq-aq, ngaq-euq aqkuir-anr tsir yawsaw laef naeqlaf-euq mae.

Jaceuq 22:29

Mirtsaq-euq smrmuiq smrbaw dawqtawvluf, yadzaq-awr uqduq yatanq taef-a; Mirtsaq-euq shaqjaev ghofpyeuf-ir-eu yawqghaq navluf, Yawqha yawqha maq daefnya-aer pyeuflar-euq deuq, Aqyawf-euq maeqshi ya awbyav taef-a.

Maꞈtehˬ 6:17

Nawr dzardzaq sheuq-awr guiqlanqshar ngae, myavduf puf-awr, uqduq tsaerkanr-anr tsir laef-awq.

Jaceuq 92:11

Ngaq-anr muir-eu deuq-anr ngar bi keuvle mawf-eu lof-aer, Ngaq-euq myavnuiv ya’mawr-awr; Tsawrdoer deuq-anr ngar bi keuvle mawf-eu lof-aer, Ngaq-euq naqbawr yagaq-euq ma. Aqyawf maf-aq, tur-awr ngaq-anr caelar-eu deuq mae.