Jaceuq 23:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf, ngaq-euq nuima saflar lavshuif naeqlaf-awr; Aqyawf-euq tsawrmyanr-euq gharduq, Aqyawf, ngaq-anr tsaq-awr dawr-eu garma-anr sheuqghae naeqlaf-eu mae.

Akha

³ Ngaˬ-ahˇgʼaˬyaw shuiꞈbiꞈ-eu meh. Aˬyawꞈ-euˬtsawˇmyahˇbaˬda neh, yaw tsaˬyaw dawˇgaˇma kahˇli, aˬyawꞈngaˬ-ahˇsheuˬgʼeh-eu meh.

Jaceuq 23:3 Referans Kwoze

Jaceuq 31:3

Aqjeq mirnae aernar-aq, nawr-aq, ngaq-euq lanrlof hawr-eu logur pyeuf-eu mae. Khoermirnae, nawq-euq tsawrmyanr baqda’nae, Ngaq-anr sheuqghae-awr sheuqmaeq naeqlaf-awq.

Jaceuq 19:7

Ya’we Miqyaer-euq zanrdawq-aq, byan duidui-awr, nuima saflar-anr lavmuiq lavpar-eu mae. Ya’we Miqyaer-euq dawqdzawr-aq, yawduq baw-awr maqdzaw-euq zaq-anr tsawrganr bi anrlar-eu mae.

Jaceuq 51:10

Miqyaer-or! Ngaq-euq lafkhoer shawr-eu nuima tiq siq bae’anr naeqlaf-awr; Ngaq-euq lafkhoer zifdanni ghae-eu saflar lavshuif naeqlaf-awq.

Jaceuq 5:8

Ya’we Miqyaer-or! Ngaq-anr muir-eu tsawrhaq jawr-eu mirnae, Nawq-euq tsaq-awr dawr-eu lafkhoer, ngaq-anr sheuqghae naeqlaf-awq. Ngaq-euq maeqhu nawq-euq garma dawrcoeni lavdanr naeqlaf-awq.

Jaceuq 51:12

Nawq-euq kakhof-eu jeq-euq laqkhaq caer-eu jeq, ngaq-anr par bifkhof naeqlaf-awr, Nawq-euq nuijer jer-eu Saflar nae ngaq-anr cawba naeqlaf.

Dawqdaq 8:20

Ngar-aq, tsaq-awr dawr-eu garma-anr can-awr, Dawr-awr tsaq-eu cankawv-euq ghanrcae can-eu ma.

Panmaeq 3:19

Ngar gaq-eu tsawrhaq yawqghaq navluf-anr, ngar maeqpar dzawpar naeq-eu ma. Khoermirnae, nawr nuima keuv-awr noeqpov noeqpar mr-awq.

Jaceuq 79:9

Nga’maf-anr kakhof-eu ghaq pyeuf-eu Miqyaer-or, Nawq-euq tsawrmyanr yawshaef khanqsaer za’ni, Nga’maf-anr cawba naeqlaf-awq. Nawq-euq tsawrmyanr muiqni, nga’maf-anr bibuq-ir-awr, Nga’maf-euq iqbax-euq gharduq lawrdan-eu jeq laeqhmq naeqlaf-awq.

Jaceuq 85:13

Aqyawf-euq maeqhu tsaq-awr dawr-eu jeq candov ghae-awr; Aqyawf nae ciq-euq kuirtof, aqdui-euq cankawv bi pyeuflar taef-a.

Dawqdaq 4:11

Ngar, nawq-anr zaqsiq tsawrganr-euq garma maeqnaeq ghaq-awr, Ngar, nawq-anr tsaq-eu cankawv sheuqmaeqnaeq ghaq-euq ma.

Jaceuq 119:176

Ngar, nawq-euq zanrdawq khofdawq-anr maqngaer-euq mirnae, Byov-ir-euq yawrzaq lof-aer garma canbanq taq-euq, Nawq-euq kuirlaf zaqkhav-anr povkhofle naeqlaf-awq.

Eˇpeˇsu 1:6

Aqdui, aqyawf-euq guiqlanq yawdzanr-euq yawshaef khanqsaer-anr bi jaceuq-eu laer Miqyaer, aqyawf zawr gaq-eu ghaq-anr ghoe-awr, aqdui-anr hageuf naeqlaf-euq mae.

Jaceuq 34:3

Or-oq, ngaq naeq-aer Ya’we Miqyaer-anr ciqhuiq ciqmanr lar-awq; Aqdui tiqkawv lof-aer, aqyawf-euq tsawrmyanr-anr ciqpoeq ciqgor kar-eur.

Jaceuq 31:4

Nawr, ngaq-euq ghaq pyeuf-eu mirnae, Aqyawfmaf nae yawzaf-anr khmrtaq-euq lanrju-anr nae, gheudov naeqlaf-awq.

Jaceuq 106:8

Aerkhawf, aqyawf-euq tsawrmyanr-euq gharduq, aqyawf maf-anr kakhof naeq-awr; Aqyawf baoq huiq-eu bisiq-eu gharduq mr-euq mae.

Jaceuq 109:21

Aerkhawf, Sanqpaq Miqyaer pyeuf-eu Ya’we Miqyaer-or! Nawq-euq tsawrmyanr-anr tsaqni, ngaq-anr janrnaeq laf-awq. Nawq-euq ghawqshaq gaq-eu jeq muiq-eu mirnae, ngaq-anr bibuq-ir naeqlaf-awq.