Jaceuq 22:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aerkhawf, ngar-aq, tsawrhaq baqmaf hawdoer-awr, tsawrhaqzaq aerdoerduq pyeuf-eu; Tsawrhaq maqngeur-eu aqjuq tiq mawr-anr dur-eu taef mir-a.

Akha

⁶ Ehˇkʼawꞈngaˇtsawˇhaˬmaˬhaˬ-ehˇ, buˬjoe tiˬmawˇmaˬtawˬmiˇ-a. Tsawˇhaˬyawˬgʼaˬna luꞈ ngaˬ-ahˇ, yehˬbawˬsehˇlu-ehˇgʼeh-eu meh.

Jaceuq 22:6 Referans Kwoze

HeˬByehˇ 13:12

Khoerlof-aer durni, Yeqsur khawf, aqyawf-euq shiq nae tsawrhaqzaq-anr lavshawr-eu laer meuq-euq lanrkhaeq-euq lafnyir paw shaqzanq yadaq-euq mae.

Maꞈtehˬ 11:19

Tsawrhaq-euq Zaqyo oe ngae, dzaq khawf dzaq, dawr khawf dawr-eu mirnae, aqcawq, ‘Tsawrhaq heughaq-aq, jiryaef maqbeur-eu dzaqma dawrma pyeuf-eu uqtaf, jeq taf-eu tsawrhaq hawr-eu iqbaxzaq-euq cawq nga’ laer aer-eu mae. Aerkhawf, zaqsiq tsawrganr-aq, tsaq-awr dawr-eu nga laer aqyawf-euq zaqdeuq mrdov shardov laf-eu gar nae siqlar-eu mae.”

Jaceuq 31:11

Ngaq-anr muir-eu tsawrhaq dawqtawvluf, ngaq-anr aerdoer-awr, Ngaq-euq dawqpae jawr-eu deuq par aerdoer dzaeq-eu mae. Ngar myavpyawq shuq-eu tsawrhaq, ngaq-anr guv-awr, Lafnyir paw ngaq-anr mawr-euq tsawrhaq dawqpae maqoeni caev-eu mae.

Panmaeq 15:3

Aqyawfmaf, Miqyaer-euq ghaqzaq ghaqkhaer pyeuf-eu Morseq-euq cardawq hawr-eu Yawrzaq-euq cardawq heulof-aer car-eu mae: “Baoq huiq duidui-eu Sanqpaq Miqyaer-or! Nawq nae mr-awr shar-euq deuq-aq, huiq duidui-awr, zanqler paq-aer ghae-eu mae. Tsawrshawr deuq-euq Sanqpaq-or! Nawq-euq garma-aq, dawr-awr tsaq-eu hawr-eu tsaq-awr dawr-eu mae.

Yoˇhaˬ 7:15

Yurdav tsawrhaq zanqler-awr aer-eu, “Tsawrhaq teughaq-aq, sanqbof maq dzawhaw-euq gar nae, sanqbof aqjox-aer siqnya-eu nga?”

Yoˇhaˬ 8:48

Khoerngae, Yurdav tsawrhaq, aqyawf-anr aerkhof naeq-eu, nga’maf, “Nawr-aq, Saqmaqliv tsawrhaq pyeuf-eu uqtaf, naef ur-eu nga laer aer-eu khoer, tsaq-eu maqngeur-a lor?”

Yoˇhaˬ 7:20

Tsawrhaq khoerdeuq aerkhof naeq-eu, “Nawr-aq, naef ur-eu ngar-a. Aqsur ghaq, nawq-anr saef-eu laer jawqluf-eu la?”

Maꞈtehˬ 12:24

Aerkhawf, Paqliqsaer deuq yagaq ngae aer-eu, “Tsawrhaq teughaq naef-anr taedov-eu-aq, naef-euq sanqpaq Beqsaqburlar-anr ghoeghoe-aer taedov-eu nga.”

Jaceuq 88:8

Nawq nae ngar shuq-eu deuq, ngaq-anr nae garmanr kaq-eu gar bijawr-awr; Aqyawfmaf, ngaq-anr nuidav davni, nawr janrnaeq laf-euq mae. Ngar-aq, bi kaflanr taq-awr, maqpar dov-ir nya mir-a.

Jaceuq 31:1

Ya’we Miqyaer-or! Ngar, nawq-anr ghoe ma. Ngaq-anr tiqjawr-iq taqbi shafdawr-ir naeqlaf; Nawq-euq tsaq-awr dawr-eu lafkhoer, ngaq-anr bibuq-ir naeqlaf-awq.

Jaceuq 25:3

Nawq-anr khar dawqluf-eu tsawrhaq-anr khawf, taqbi shafdawr-ir naeqlaf. Tiqjeq-iq maqngeur-eu gar janrdoer naeqlaf-euq deuq-anr bi shafdawr-ir-awq.

Jaceuq 41:5

Ngaq-anr muir-eu deuq, ngaq-anr yawdoer aer-eu mae; “Aqyawf-euq tsawrmyanr byov-ir ni, aqmyan shir-eu laer ghae-eu la?”