Jaceuq 22:26 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Irshaqzaq nuikhanr tiqshir ya dzaqdaev-awr; Ya’we Miqyaer-anr pov-eu deuq, aqyawf-anr ya jaceuq taef-a. Nawq-euq nuima mqmaq maqbyav yarzir daef luf-ur!

Akha

²⁶ Shaˬzaˬzahˬzaˬya dzaˬdehˆ-awˇ, SahˬpaˬMiˬyehˇ-ahˇpoˆ-eu deuˬ, aˬyawꞈ-ahˇ ya ja ceuˬtehꞈ-a. Mˬmaˬmaˬbyaˇzaˇziˇjiˇni, yawˬmaꞈbaw le za le luꞈ-uˇ.

Jaceuq 22:26 Referans Kwoze

Jaceuq 69:32

Nuinanq nuiyu anr-eu deuq, heu-anr ya’mawr-awr laqkhaqcaer taef-a. Miqyaer-anr pov-eu nawmaf-euq nuima khawf, par daeflar taef-a.

Jaceuq 40:16

Aerkhawf, nawq-anr pov-eu tsawrhaq dawqtawvluf, Nawq-euq lafkhoer laqkhaq caer-awr lurgha caergha luf-ur. Nawq-euq kakhof-eu jeq-anr gaq-eu deuq, Aqmyanluf heulof-aer aer luf-ur, “Ya’we Miqyaer-anr ciqhuiq ciqmanr ma.”

Yoˇhaˬ 4:14

Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Jaceuq 107:9

Aqjeq mirnae aernar-aq, aqyawf geufmawf-eu nuima saflar nuikhanr bishir-awr; Maef-eu nuima saflar-anr yawmuiq jeq bi dzaqdaev-eu mae.

Jaceuq 40:10

Ngar, nawq-euq tsaq-awr dawr-eu jeq, Ngaq-euq nuima-euq lafkhoer maq yurzaf taq-aer, Ngar, nawq-euq sarjax zif-eu jeq hawr-eu nawq-euq kakhof-eu jeq-euq garkawv dawqdzawr mr-euq ma. Ngar, tsawrhaq baqmaf mafma-anr nae nawq-euq ghoer-awr gaq-eu jeq hawr-eu nawq-euq yawtsaq yawdawr jeq maqzaf-aq.

Jaceuq 50:14

Gor duidui-eu ghaq-anr nawq nae kamqtaq-euq lof-aer mrbyan-awr, Guiqlanq-anr jaceuq-eu dawqkawq, Miqyaer-anr lawrnaeq-awq.

Jaceuq 116:14

Aqyawf-euq tsawrhaq dawqtawv luf-euq maeqshi, Ngar, ngaq nae kamq-euq jeq, Ya’we Miqyaer-anr damqnaeq ma.

Jaceuq 116:18

Aqyawf-euq tsawrhaq dawqtawv luf-euq maeqshi, Ngar, ngaq nae kamq-euq jeq, Ya’we Miqyaer-anr damqnaeq ma.