Jaceuq 22:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aqjeq mirnae aernar-aq, aqkuiq deuq, ngaq-anr gajawq taq-awr; Tsawrdoer baqmaf tiq maf, ngaq-anr jawrjawq taq-euq mae. Aqyawfmaf, ngaq-euq aqkuir aqlaf-anr tsawvbyoe naeqlaf-euq mae.

Akha

¹⁶ Aˬkuiˬ ga jawˬle-eu loꞈ-ehˇ, haiˬ-eu tsawˇhaˬ tiˬjawˬoe-awˇ, ngaˬ-euˬ aˬkuiˇaˬlaꞈdawˬtawˆ, cehˬpyaˬcehˬshaˇjiˇ-euˬmiˇ-a.

Jaceuq 22:16 Referans Kwoze

Yoˇhaˬ 19:37

Yaerbof yawqtsanryawq par boftaq-euq, “Aqyawfmaf nae tsawv-euq ghaq-anr aqyawfmaf haw taef-a.” (Zkl 12:10)

Maꞈtehˬ 27:35

Khoerngae, aqyawfmaf, aqyawf-anr lafyaq-euq khoertav taftaeq-awr nae, aqyawf-euq maeqtsoeq shaevtsaq tsaq-awr birgeuf-euq mae. Khoer-aq, Miqyaer gharduq ngaeqdan-eu deuq nae aertaq-euq dawq heudawq byanlar-euq mae, “Aqyawf maf-euq yawkaq, ngaq-euq maeqtsoeq lafnyir kanr bifgeuf-awr, Ngaq-euq paerkhanq lafkhoer kanr shaevtsaq tsaqgeuf-euq mae.” (Jc 22:18)

Yoˇhaˬ 20:25

Khoerngae, zaqlanr nuideuq, aqyawf-anr aernaeq-eu, “Nga’maf, Sanqpaq Yeqsur-anr ya’mawr-euq ma.” Khoerngae, Tormav, aqyawf maf-anr aernaeq-eu, “Ngar, aqyawf-euq aqlaf-anr shmrsaeq nae taf-euq marbyawf-anr maqya mawr-aer, ngaq-euq lafnoer nae marbyawf khoer-anr maqya toeqhaw-euq uqtaf, ngaq-euq lafnoer nae aqyawf-euq byarghar-anr maqya toeqhaw-euq khoer-aq ngar maqjan.”

Yoˇhaˬ 19:23

Guirzaq deuq, Yeqsur-anr lafyaq-euq khoertav taftaeq ghaq-euq nar-aq, aqyawf-euq maeqtsoeq yur-awr, oeq bymr bymr-awr nae, tiq ghaq tiq bymr geuf-euq mae. Lafkhoer dm-eu paerkhanq khoerkanr khawf aqyawfmaf yur-euq mae. Paerkhanq khoerkanr-aq, parkhawr maqbaw-aer, tiq kanr kanrlanni zaf-awr zaftaq-euq mae.

Maˬkuˆ 15:24

Khoernar-aq, aqyawfmaf, aqyawf-anr lafyaq-euq khoertav taftaeq-awr, aqyawf-euq maeqtsoeq aqgeu ghaq aqgeu jeq za-eu nga laer shaevtsaq tsaq-awr birgeuf-euq mae.

Yoˇhaˬ 19:34

Aerkhawf, guirzaq tiq ghaq, Yeqsur-euq byarghar-anr ganq nae tsawv-awr, shiq hawr-eu ircuf tiqpov taef-aer yoerdov lef-euq mae.

Luˇkaꞈ 23:33

Uqduqkhmq laer kur-eu khoertsanr-anr lekeuv ngae, aqyawfmaf, Yeqsur-anr lafyaq-euq khoertav taftaeq-euq mae. Yawbanq jeq mr-euq khoer nyiq ghaq-anr khawf, armar paw tiq ghaq, arcar paw tiq ghaq laer taftaeq taq-euq mae.

Piˇliˇpiˆ 3:2

Aqkuiq lof-aer ghae-eu tsawrhaq-anr yanr-awq. Yawdoer jeq mr-eu tsawrhaq-anr yanr-awr, yawqha-euq mawrdo-anr yaeq-awr pyaev-eu tsawrhaq-anr yanr-awq!

Luˇkaꞈ 23:23

Aqyawf-anr lafyaq-euq khoertav tafsaef-awq laer aqyawfmaf hawr-eu, pirma aqyuif deuq yawkhav-aer gur-awr aertaer taeq-eu mirnae, arsaq saqlar ngae, aqyawfmaf nae gurghaq-euq mae.

Jaceuq 22:20

Ngaq-euq nuima saflar, micaer khaeq-anr nae bibuq-ir naeqlaf-awr, Poeq-eu ngaq-euq daefzir, aqkuiq-euq baoq-anr nae bibuq-ir naeqlaf-awq.

Jaceuq 22:1

Ngaq-euq Miqyaer-or! Ngaq-euq Miqyaer-or! Aqjeq mirnae nawr, ngaq-anr byaerdzae naeqlaf-eu le? Aqjeq ghae-eu ngaq-anr maq cawba naeqlaf-aer, ngar manrluf-eu dawq-anr nae garmanr kaq-eu gar jawr-eu le?

Yoˇhaˬ 20:27

Khoernar-aq, aqyawf, Tormav-anr aernaeq-eu, “Nawq-euq lafnoer heugar toeqhaw lar-awr, ngaq-euq aqlaf-anr khawf haw-awr, nawq-euq aqlaf cawqlaf-awr, ngaq-euq byarghar-anr toeqhaw-awq. Maq jancoer-aer maqghaeni jan-awq.”

Jaceuq 59:6

Aqyawfmaf uqcif uqtaw paw ghoflar-awr, Aqkuiq lof-aer lmqlmq-aer meuq-euq tiqjawq doeni can-eu mae.

Panmaeq 22:15

Aerkhawf, meuq-euq lafnyir-aq, aqkuiq lof-aer ghae-eu tsawrhaq, nyirpaq shavma deuq, banq-awr khaqmiq sheu-eu tsawrhaq, tsawrhaq-anr saef-eu tsawrhaq, tanqpanq aqma mawrkawr-anr uqduq tanq-eu tsawrhaq, jaqmyawf myawf-eu gar gaq-eu tsawrhaq hawr-eu jaqmyawf myawfluf-eu tsawrhaq, heulof-aer ghae-eu tsawrhaq jawr-eu mae.

Jaceuq 86:14

Miqyaer-or! Nuima huiq-eu tsawrhaq tsawqtur-awr, Ngaq-anr caelar luf-eu mae. Coeqler deuqler paq-aer mr-eu baqmaf, Ngaq-anr saef-eu laer povluf-eu mae. Aqyawf maf-euq maeqshi, nawq-anr maqbi jawr-a.

Maꞈtehˬ 26:57

Khoerngae, Yeqsur-anr nyaef-euq tsawrhaq khoerdeuq, Yeqsur-anr pirma yawhuiq ghaq Gaqyaqpar jawr-eu gar sheuqghae-euq mae. Zanr maeq-eu deuq hawr-eu aqyuif aqtsu deuq khoergar uiqlar taq-awr jawr-eu mae.

Maꞈtehˬ 7:6

“Yawshawr jeq aqkuiq-anr taq bifnaeq. Arcar carkhawf-euq saer khawf, aqzaf-euq maeqshi taq dzaenaeq. Maqngeur nar-aq, aqyawfmaf, aqkuir nae nawqpanq-awr, ghofdmr dzaelar-awr nawmaf-anr kawfpav kawfshav lar-eu baw-mr.

Jaceuq 59:14

Aqyawfmaf uqcif uqtaw paw ghoflar-awr, Aqkuiq lof-aer lmqlmq-aer meuq-euq tiqjawq doeni can-eu mae.

Jaceuq 38:11

Ngaq-euq nargawr gawrma-euq baqda’nae, Ngar gaq-eu deuq hawr-eu ngaq-euq cawqdeuq, ngaq-anr maq larpaeni yawf-awr, Ngaq-euq aqyuif aqnyir deuq khawf, garmanr kaq-eu gar yawfluf-eu mae.