Jaceuq 20:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Ya’we Miqyaer, aqyawf nae tsaqtsov-euq ghaq-anr kakhofnaeq nga laer, nymq-mr ngar siqnya lar-euq ma. Aqyawf kakhof-eu ghaq anr-eu aqyawf-euq armar laf nae, Aqyawf-euq shawr-eu mqtav mirkhanq-anr nae ngaeqghae naeq-eu mae.

Akha

⁶ SahˬpaˬMiˬyehˇneh tsiˇlehꞈ-euˬ, aˬyawꞈ-euˬdzoeˬdzaˬsahˬpaˬ-ahˇ, gʼaˬleˇ-eu baoˬ biꞈnehˬmeh lehˇ. nymˬ-mˇngaˇsiˬduˬtaˬ-euˬma. Muiˬ-eu shawˇ-eu mˬtaˆjawˇ-awˇ, shaˇdawˬnaˇhaˬnehˬ-eu laꞈkʼoeˇ, aˇmaˇlaꞈ-euˬbaoˬ-ahˇgʼoe-awˇ, gʼaˬleˇ-eu jeˬbiꞈnehˬ-eu meh.

Jaceuq 20:6 Referans Kwoze

Jaceuq 28:8

Ya’we Miqyaer-aq, aqyawf maf-euq gharduq ghaq pyeuf-awr, Aqyawf nae tsaqtsov-euq ghaq-euq gharduq, bibuq-ir-eu caevzafduq pyeuf-eu mae.

Gʼaˬkʼehˇ 5:31

Uvlanr-eu ghaq hawr-eu Kakhof-eu ghaq pyeuf-awr, Irsaqleqlav-anr noeqpov noeqpar-eu jeq hawr-eu, iqbax pyaeq-eu jeq bif-eu gharduq, Miqyaer, aqyawf-anr aqyawf-euq armar paw ciqgor naeq-euq mae.

Gʼaˬkʼehˇ 4:10

nawmaf dawqtawvluf hawr-eu Irsaqleqlav tsawrhaq dawqtawvluf heu-anr siqnya-awq. Nawmaf-euq maeqshi yawfluf-eu heughaq taqler-euq-aq, nawmaf nae tafsaef-awr, Miqyaer nae aqyawf-anr shir-euq gar nae bi ghofdaef lar-euq Naqzaqlaer tsawrhaq Yeqsur Kali-euq tsawrmyanr baqda’nae mae.

Maꞈtehˬ 6:9

Khoermirnae, nawmaf guiqlanqshar ngae heulof-aer shar-awq: Mq-euq khoertav jawr-eu nga’maf-euq Aqda-or! Nawq-euq tsawrmyanr-anr yawzeu bibaw law.

Jaceuq 18:50

Aqyawf, aqyawf-euq sanqpaq-anr yawmuiq-aer bibuq-ir-awr; Aqyawf nae tsaqtsov-euq tsawrhaq-anr ghawqshaq gaq-eu jeq bimawr-eu mae. Daqbir hawr-eu aqyawf-euq zaqdeuq-anr, mqmaq maqbyav yarzir biza taef-a.

Jaceuq 2:2

Mirkhanq sanqpaq deuq mrghanr-awr, uvlanr-eu tsawrhaq deuq gmler-awr, Ya’we Miqyaer hawr-eu aqyawf nae tsaqtsov-euq ghaq-anr puiq-eu laer maeqbawq mrluf-eu mae.

Gʼaˬkʼehˇ 2:36

“Khoermirnae, Irsaqleqlav-euq nymrkhanq yawqkhanq navluf garkawv heu-anr yawmuiq-aer siqduq-awq. Nawmaf nae tafsaef-euq Yeqsur khoerghaq-anr Miqyaer nae Sanqpaq Miqyaer hawr-eu Kali bi pyeuflar ghaq-euq mae.”

Jaceuq 41:11

Ngaq-anr muir-eu deuq, ngaq-anr maq ghaqlar-eu mirnae, Nawr, ngaq-anr nuikhanr shir-eu nga laer ngar siqduq-euq ma.

Jaceuq 18:35

Nawr, ngaq-anr nawq-euq kakhof-eu daeqdaqduq khawf bifnaeq laf-euq mae; Nawq-euq armar laf nae ngaq-anr tovtur naeqlaf-awr; Nawr nanqyuni janrnaeq laf-euq mirnae, ngar huiqlar nya-euq ma.

Jaceuq 17:7

Aqcawq tur-awr muirlar-eu mirnae, Nawq-euq lafkhoer caevzaf lar-eu tsawrhaq-anr, Armar laf nae kakhof-eu ghaq-or! Nawq-euq zanqler paq-aer muiq-eu ghawqshaq gaq-eu jeq bimawr naeqlaf-awq.

Gʼaˬkʼehˇ 2:33

Miqyaer-euq armar paw aqyawf-anr taqhuiq taqmanr-awr, Yawshawr Saflar bif ma laer Miqyaer nae sarjax dzaqtaq-euq lof-aer, aqyawf za-euq mae. Nymq-mr nawmaf yagaq ya’mawr luf-eu lof-aer, aqyawf shaevdav naeqlef-euq mae.

Jaceuq 9:15

Mirkhanq tsawrjeuq deuq-aq, yawqha nae duq-euq duqkhanq-anr yawqha ga’anr byov-awr, Yawqha nae khmrzaf taq-euq lanrju-anr yawqha-euq aqkuir pafler-euq mae.