Jaceuq 2:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Zaqyo-anr maeqsaw saw-awq, maqngeur nar-aq, aqyawf nuima paerlar-awr, Nawr, garma-anr yacawv-ir-eu baw-mr. Aqjeq mirnae aernar-aq, aqyawf-euq nuipaer yawkawr-aer keuvle nya-eu mae. Aqyawf-anr ghoe-eu tsawrhaq dawqtawvluf, guiqlanq huiq-eu mae.

Jaceuq 2:12 Referans Kwoze

Jaceuq 40:4

Ya’we Miqyaer-anr aqyawf-euq ghoeduq bipyeuf-euq tsawrhaq-aq, guiqlanq huiq-eu mae. Aerkhawf, nuima huiq-awr, jaqmyawf myawf-eu tsawrhaq-aq, guiqlanq maqza-a.

Yoˇhaˬ 5:23

Khoer-aq, tsawrhaq dawqtawvluf, Aqda Miqyaer-anr yawzeu baw-eu lof-aer, Zaqyo-anr khawf yawzeu bi bawlar-eu gharduq mae. Zaqyo-anr yawzeu maqbaw-eu tsawrhaq-aq, Zaqyo-anr khaerghae lef-euq Aqda Miqyaer-anr khawf yawzeu maqbaw-a.

Jaceuq 84:12

Guirmaf-euq Ya’we Miqyaer-or! Nawq-anr ghoe-eu tsawrhaq-aq, guiqlanq huiq-eu mae.

Jaceuq 34:8

Haeq, myeufhaw-awr Ya’we Miqyaer-aq, Yawmuiq ngar-a laer hawmawr-awq! Aqyawf-anr ghoe-eu tsawrhaq-aq, guiqlanq huiq-eu mae.

Dawqdaq 16:20

Tsawrganr zmq-awr Yaerdawq-anr povtser-eu tsawrhaq-aq, Yawmuiq jeq ya povmawr-awr, Ya’we Miqyaer-anr ghoe-eu tsawrhaq-aq, guiqlanqhuiq taef-a.

1 Beˬtuˆluˆ 2:6

Aqjeq mirnae aernar-aq, Yaerbof-euq lafkhoer boftaq-euq, “Hawsher-eq. Ngaq nae tserdov-euq poeq duidui-eu lafcoer-euq lozif khoersiq, ngar, Ziroq gawqjawq-anr ciqtaq-euq ma. Aqyawf-anr kharjan-eu tsawrhaq tiqjeq-iq-euq baqda’nae maqya shafdawr-ar.” (Isy 28:16)

Eˇpeˇsu 1:12

Khoer-aq, aqcawq-euq maeqhu Kali-euq lafkhoer noeqtmq-eu deuq, aqyawf-euq yawshaef khanqsaer-anr bi jaceuq-eu gharduq mae.

Lormav 9:33

Yaerbof-euq lafkhoer boftaq-euq lof-aer, “Ngar, Ziroq gawqjawq-anr tsawrhaqzaq sanqtif bitif-eu khaqlo hawr-eu, Bi coqdzae-ir-eu khaqlo loma tiq siq baftaq-euq ma. Aqyawf-anr kharjan-eu tsawrhaq maqya shafdawr-ar.” (Isy 8:14; 28:16)

Jaceuq 2:5

Khoernar-aq, Miqyaer, aqyawf maf-anr nuima paer-eu lafkhoer dawq ngaeqnaeq taef-a. Miqyaer nuima paer duidui-awr, aqyawfmaf tsawqguv-ir paq-aer aer-eu,

Jaceuq 1:6

Ya’we Miqyaer-aq, tsaq-awr dawr-eu tsawrhaq-euq garma-anr siqnya-eu mae. Aerkhawf, tsawrcawv-euq garma-aq, yacawv-ir taef-a.

Jaceuq 2:7

Ngar, Ya’we Miqyaer-euq zanrtaq khoftaq bisiq bigaq ma. Ya’we Miqyaer, ngaq-anr heulof-aer aernaeq laf-euq mae, “Nawr-aq, ngaq-euq Zaqyo mae. Iqnan, ngar, nawq-euq Aqda pyeuflar-euq ma.

Lormav 10:11

Aqjeq mirnae aernar-aq, Yaerbof aer-eu, “Aqyawf-anr kharjan-eu tsawrhaq-aq, tiqghaq-iq daq maqya ga-ar.” (Isy 28:16)

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

Jaceuq 31:20

Nawr, aqyawf maf-anr tsawrhaq-euq bawqtov-anr nae bibuq-ir ni, Nawq-euq maeqshi jav-eu zaftaq-euq jawrduq-anr sheuqzaf-awr; Caecawq shar-eu maeqlar deuq-anr nae, Nawr, aqyawf maf-anr nawq-euq saeqghawv-euq lafkhoer bi jawrzaf taq-eu mae.

Jaceuq 34:9

Miqyaer-euq tsawrshawr deuq-or! Ya’we Miqyaer-anr guv-awq. Aqyawf-anr guv-eu tsawrhaq-aq, tiqjeq-iq maqnym-ar.

Jaceuq 109:20

Ngaq-anr yawdoer jeq ngaeq-eu deuq hawr-eu ngaq-anr iqbax taq-eu deuq-anr, Ya’we Miqyaer, mrpoeq lafsawq janrkhofnaeq luf-ur.