Jaceuq 19:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoeruqtaf, dawq heudeuq-euq baqda’nae nawq-euq kuirlaf zaqkhav, noeqnya yanrnya lar-awr, Dawq heudeuq-anr mrcaw-eu mirnae huiq-eu mrpoeq lafsawq za-eu mae.

Akha

¹¹ Dawˬkʼoeˇbaˬda nawˬ-euˬ zaˬkʼaˆ, siˬnya mawˇnya yahˇnya laˇ-awˇ, guiˬlahˬbaw dzehˬlaˇ-euˬmiˇ-a.

Jaceuq 19:11 Referans Kwoze

2 Yoˇhaˬ 1:8

Aqdui nae mr-awr shar-euq deuq maqbi byov-ir-aer mrpoeq lafsawq tiqbyanni za’nya paq-aer yawqhar yawqha yanr-awq.

Jaceuq 119:11

Ngar, nawq-anr iqbax maqya mrbanqni, Ngaq-euq nuima-euq lafkhoer, nawq-euq dawq shardawv taq-euq ma.

Yaˬkoˆ 1:25

Bibuq-ir-eu, byan duidui-eu zanrdawq-anr hawduq taq-euq uqtaf, aqmyanluf mrcaw-eu tsawrhaq-aq, aqyawf yagaq-awr maqngaerni mrdov shardov laf-eu mae. Khoerlof-aer ghae-eu tsawrhaq-aq, aqyawf mr-awr shar-eu yawqjeq navluf-euq lafkhoer guiqlanq baw taef-a.

Dawqdaq 29:18

Aqgeugar maqkaq, panmaeq-eu jeq maqjav nar-aq, Mirkhanqzaq khar daefmawf-eu lof-aer daef-eu mae. Aerkhawf, zanrdawq-anr cantae-eu tsawrhaq-aq, guiqlanqhuiq taef-a.

Maꞈtehˬ 6:4

Nawr bifnaeq gamfnaeq ngae, aqcawq maqmawr-eu gar mr-awq. Tsawrhaqzaq maq mawrnya-eu gar hawmawr nya-eu nawq-euq Aqda, nawq-anr aqcawq-euq maeqshi mrpoeq lafsawq bifnaeqlaf taef-a.

Panmaeq 14:13

Khoerngae, mq-anr nae ngaeqdov lef-awr gaqle-eu tersar, ngaq-anr aernaeq laf-eu, “ ‘Aqkar nar-aq, Sanqpaq Miqyaer-euq lafkhoer shir-euq tsawrhaq deuq-aq, guiqlanq huiq-eu mae’ laer boftaq-awq.” Muiq-eu Saflar aer-eu, “Ngeur mae. Aqyawfmaf gar mr-eu naq-awr, aqyawfmaf nae mrtaq shartaq-euq deuq, aqyawf maf-euq maeqnan cantae taef-a.”

HeˬByehˇ 11:26

Kali-euq gharduq yaeqbawq-aer janrlar-eu gar yadaq-eu jeq-aq, Irjirtuv-euq pyurshuir myawqganq navmaqtser poeqdzaeq-eu ngar-a laer aqyawf noeqjir-eu mae. Aqjeq mirnae aernar-aq, aqyawf-aq, aqkar za-eu mrpoeq lafsawq-anr hawtsov taq-euq mae.

1 Teˇsaˬloˇni 5:14

Aqyuif aqnyir deuq-or! Nga’maf, nawmaf-anr ghaq heulof-aer parbif-eu ma. Yawdoer tsawrhaq-anr maeqbawq bif-awq. Nuima ghaq baq-eu tsawrhaq-anr ghaq bif-awq. Ghaqbyaev byaev-eu tsawrhaq-anr cawba-awq. Tsawrhaq dawqtawv luf-euq khoertav nuima ghawqmanrni taq-awq.

Maꞈtehˬ 3:7

Paqliqsaer deuq hawr-eu Saqduqgaer deuq ghawqmya’ni, aqyawf-euq bartirsaq hageuf le-eu gar ya’mawr ngae, aqyawf maf-anr heulof-aer aernaeq-euq mae, “Dof khav-eu arlawr-euq zaqdeuq-or! Aqkar keuvle-eu nuima paer-eu jeq-anr caevbuq nya’ni, aqsur ghaq nae nawmaf-anr aernaeq laf-euq la?

1 Gawˇliˬtu 4:14

Ngar heulof-aer bof-eu-aq, nawmaf bi shafdawr-ir-eu laer maqngeur. Ngar zawr gaq-eu zaq lof-aer sawx-awr bi yanrnya lar-eu laer bof-eu ma.

Gʼaˬkʼehˇ 20:31

Khoermirnae, nawmaf yawbeur beur-aer jawr-awq. Ngar smr khof byanni uqcif nan’ghanr maqaer, maq naqlerni myavbir dovdov-aer, nawmaf yawqghaq navluf-anr aernoeq naeq-euq gar noeqmawr-awq.

Maꞈtehˬ 6:18

Nawr dzardzaq sheuqluf nga laer aqcawq nae taqbi hawdov. Maq mawrlar-eu gar jawr-eu nawq-euq Aqda-anr bimawr nar-aq ghaq-ar. Tsawrhaqzaq maq mawrnya-eu gar hawmawr nya-eu nawq-euq Aqda, nawq-anr aqcawq-euq maeqshi guiqlanq bifnaeqlaf taef-a.

Dawqdaq 11:18

Tsawrcawv-aq, jaqmyawf maershuir-euq gar mr-eu mae. Aerkhawf, tsaq-awr dawr-eu siqyoeq saeq-eu tsawrhaq-aq, Mrpoeq lafsawq za-eu yawduq baw-eu mae.

Maꞈtehˬ 6:6

Nawr guiqlanqshar ngae, nawq-euq kuvlawv-euq lafkhoer urler-awr, larghov piqtaeq-awr nae, maq mawrlar-eu gar jawr-eu nawq-euq Aqda-anr shar-awq. Tsawrhaqzaq maq mawrnya-eu gar hawmawr nya-eu nawq-euq Aqda, nawq-anr aqcawq-euq maeqshi guiqlanq bifnaeqlaf taef-a.

Jaceuq 119:72

Nawq-euq khaqmae-anr nae dovle-euq zanrdawq-aq, Pyur hawr-eu shuir marbyav artanr armyaer byav navmaqtser muiqdzaeq-eu mae.

Jaceuq 119:103

Nawq-euq dawq-anr ngar myeufhaw ngae, arnavni coer-eu nya! Ngaq-euq khaqmae-euq gharduq, byaquir navmaqtser coer nya!

Dawqdaq 24:14

Zaqsiq tsawrganr-anr siqnya-eu jeq khawf, Nawq-euq nuima saflar gharduq, khoerlof-aer dur taef-a. Nawr povmawr-euq nar-aq, Maeqhu paw yadaef-eu yawduq baw-awr, Nawq nae noeqtmq taq-euq jeq maqya bi deuvtsaev dzae-ar.